Nm 2
2
Txolilal yayji campamento
1Max yalon Jehová bay cham Moisés c'al bay cham Aarón, 2tol a yet ok watx'nen aj eb israel is campamento bay junok lugar, najattak wal ayil eb yinlak mantiado bay chi chalej ba eb yetok; junjunc'al ok ayjok ec' yalan is bandera, c'al yin junjun makquiltakil.
3A bay yetc'ulal bay chi ajol c'u, a tu' ok ayjok is campamento oxeb tribu inej oc bandera yet Judá. A eb soldado yet tribual Judá tu', a ton Naasón, is c'ajol Aminadab, a' ayoc is yajawilalok eb. 4Atac'ala' yalon bisil, tol ay 74,600 eb soldado. 5A yetok eb tu', a tu' ay c'apax ec' is campamento is tribual Isacar. A Natanael, is c'ajol Zuar, a' ayoc is yajawilalok eb. 6Atac'ala' yalon bisil, tol ay 54,400 eb soldado. 7A tu' ay c'apax is campamento is tribual Zabulón yetok eb. A Eliab, is c'ajol Helón, a' ayoc is yajawilalok eb. 8Atac'ala' yalon bisil, tol ay 57,400 eb soldado. 9Yuj tu' xan a bay is campamento Judá ay 186,400 eb soldado. A ton eb babel toj satak conob Israel.
10Axa bay sur, a tu' ay is campamento oxeb tribu inej oc is bandera Rubén. A Elisur, is c'ajol Sedeur, a' ayoc yajawilalok eb soldado yin is tribual Rubén. 11Atac'ala' yalon bisil, tol ay 46,500 eb soldado. 12Junej ay c'apax is campamento is tribual Simeón yetok eb. A Selumiel is c'ajol Zurisadai, a' ayoc is yajawilalok eb. 13Atac'ala' yalon bisil, tol ay 59,300 eb soldado. 14A tu' ay c'apax is campamento is tribual Gad yetok eb. A Eliasaf, is c'ajol Reuel, a' ayoc is yajawilalok eb. 15Atac'ala' yalon bisil, tol ay 45,650 eb soldado. 16Yuj tu' xan a is campamento Rubén, ay 151,450 eb soldado. A ton eb chi bey yin yet is cab makan.
17Cax chi toj c'apax eb levita nan xol caneb campamento. A eb, inej oc mantiadoal bay chi co chalej co ba yetok Jehová. A caneb campamento tu', yin txolilal chi yun beyi, atac'ala' yayji ec' eb bay is campamento, junjunc'al yintak is bandera.
18Axa bay yetc'ulal bay chi toj c'u, a tu' ay is campamento oxeb tribu inej oc is bandera Efraín. A eb soldado yin is tribual Efraín, a Elisama, is c'ajol Amiud, a' ayoc is yajawilalok eb. 19Atac'ala' yalon bisil, tol ay 40,500 eb soldado. 20Junej ay c'apax is tribual Manasés yetok eb. A Gamaliel is c'ajol Pedasur, a' ayoc is yajawilalok eb. 21Atac'ala' yalon bisil, tol ay 32,200 eb soldado. 22A tu' ay c'apax is campamento is tribual Benjamín yetok eb. A Abidán, is c'ajol Gedeoni, a' ayoc is yajawilalok eb. 23Atac'ala' yalon bisil, tol ay 35,400 eb soldado. 24Yuj tu' xan a is campamento Efraín, ay 108,100 soldado. A ton eb chi beytoj yin yet is yox makan.
25Axa bay norte, a tu' ay is campamento oxeb tribu, inej oc is bandera yet is tribual Dan. A eb soldado is tribual Dan tu', a Ahiezer, is c'ajol Amisadai, a' ayoc is yajawilalok eb. 26Atac'ala' yalon bisil, tol ay 62,700 eb soldado. 27Junej ay c'apax is campamento is tribual Aser yetok eb. A Pagiel, is c'ajol Ocrán, a' ayoc is yajawilalok eb. 28Atac'ala' yalon bisil, tol ay 41,500 eb soldado. 29Junej ay c'apax is campamento is tribual Neftalí yetok eb. A Ahira, is c'ajol Enán, a' ayoc is yajawilalok eb. 30Atac'ala' yalon bisil, tol ay 53,400 eb soldado. 31Yuj tu' xan a is campamento Dan, ay 157,600 eb soldado. A ton eb chi beytoj yintak bandera Dan tu', a ton eb lajub tzakanxac'al toji, ẍi Cham.
32A is bisil eb israel, max eloc yin 603,550 eb soldado yin masanil. 33Palta axca wal max yun yalon Jehová bay cham Moisés, maj oc eb levita is tz'akilok.
34Max yun eb israel axca wal max yun yalon Jehová bay cham Moisés; junejc'al max ayji ec' eb yintak is bandera, cax max beyc'altok eb yin txolilal, atac'ala' is makquiltakil.
Currently Selected:
Nm 2: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989