Nm 17
17
Max wolji te' is k'okoch cham Aarón
1Lajwi tu xin max yalon Jehová bay cham Moisés axca ti':
2Al bay eb yajawil conob yet junjun tribu tol chi yitek eb junjunok is k'okoch, chi yal elapnok tol lajcaweb te' chi tit yin masanil, cax chi oc is bi junjun eb yin is k'okoch tu'. 3A te' yet is tribual Leví, is bi Aarón chi oc yin te', yujtol ok tit junjun is k'okoch eb yajawil junjun tribu. 4A tu' chacan octok te' bay yul mantiado bay chin chalej in ba e yetok, satak is caẍail trato, bay chin tx'ox in ba ayex. 5A tu' ok wak' elol wol is k'okoch mac chi yal in c'ul tol ok in sic'can elok, yuj tu' ok oc wanaj yalon eb anima ti' e k'umal, ẍi Jehová.
6Lajwi tu' max yalon cham Moisés bay eb yajawil conob yin junjun tribual: Junjunc'al eb max yak' eb is k'okoch bay cham, lajcaweb te' yin masanil; ayoc te' yet cham Aarón xol. 7Max yaon octok cham Moisés te' k'okochej tu' satak Jehová bay mantiado yet trato. 8Axa yet junxa k'inibalil max apni oc cham Moisés bay tu', max yilon oc cham te' k'okoch Aarón yet is tribual Leví, mayal elol is wol te', ayxa is xumaquil c'al ayxa is sat, k'inxa te almendra tu'. 9Max lajwi tu xin cax max yion eltek cham Moisés te' k'okoch tu' bay satak Jehová, cax max tx'oxon cham te' bay masanil eb yet israelal. Axa yet max lajwi yilon eb te', cax max yak'on cham te' yet junjun eb bay.
10Lajwi tu' max yalon Jehová bay cham Moisés axca ti': Acan octok te' k'okoch Aarón bay satak caẍail trato, c'ubajcantok te' bay tu' yet is nabaniltek juntzan anima tenomtak ti'; yuj tu' ok bek eb yalon yobal k'anej win, yet c'am chi cam eb, ẍi Jehová.
11Max yikej cham Moisés yunen masanil tzet max yal Jehová.
12Max yalon eb israel tu' bay cham axca ti': Ta axca tu', ayoc camich jiban on co masanil. 13Tatol jichan chi cam masanil eb chi jitztek ba bay is cajlobal Jehová, ok on cam co masanil chi yal tu', ẍi eb.
Currently Selected:
Nm 17: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
