Lv 17
17
Jun cajlobal Dios asanxanej ocok
1Max yalon Jehová bay cham Moisés:
2Al bay Aarón, c'al bay eb is c'ajol, yetokc'al bay masanil conob Israel, tol mayal wal juntzan chekbanilej ti':
3Tzanc'al mactxel junok ex che mak'cam junok wacax, junok calnel, ma junok no chiwo bay yinel campamento ma bay yul, 4yin tol c'am che yitek no' bay puertail mantiado bay chin chalej in ba e yetok, tol man yinok ofrendail max yun yiontek bay in cajlobal tu', yowalil chi c'aylay el e xol. A jun tu' chi titcan yiban, yujtol toc'al chi pulcan ay chiq'uil no' bay tu'. 5Caytu' chi yun waloni yet watx' manchakxa e mak'cam no no' yin xajanbalil bay yinel campamento, palta tol che yitek no' bay satak mantiado, axa junok sacerdote ok aon oc yin xajanbalil, yet junc'ulalil in satak. 6A jun sacerdote tu' chi txijon oc is chiq'uil no' yinlak altar bay in satak, a ton bay satak mantiado cax chi ak'lay tz'a seboal no' in satak tol watx' chi wabej. 7C'amxa che yak' junokxa xajanbal bay eb demonio a ton juntzan bay max ex oc yin ayilal; yujc'al juntzan tu' xan max ex etax el in satak. A jun ti' ley chi yuncan e xol yin tojbalk'inal.
8Tzanc'al mac e yet israelal, ma tx'ok conobal cajan ec' e xol, ta chi yak' junok xajanbal chi tz'a'i, ma tzanc'al tzet xajanbalil, 9tol c'am chi yitek bay puertail mantiado bay chin chalej in ba e yetok, yet chi ak'lay ayin, a jun anima tu', yowalil tol chi c'aylay el e xol.
Ay yowalil chilay is chiq'uil no no'
10Caw wal ay yowal in c'ul yin tzanc'al mac e yet israelal, ma junok tx'ok conobal ayic' e xol, tol chi chion chiq'uil no no'. Ayin caw ok in oc ajc'ulal yin, c'al in c'ayon el e xol. 11Yujtol a masanil no no' c'al anima, a yuj is chiq'uil xan iquis ec'ok, yuj tu' xan tol max wala', tol chi seclay oc is chiq'uil no' yinlak altar yet chi tancan el mulej; yujtol a chic' tu' chi je' yak'on tan mulej.
12Yuj tu' xan max wal ayex israel ex ti', tol tamwal junok ex, tamwal eb tx'ok conobal cajan ec' e xol, chi je' e chion chiq'uil no no'. 13Yalc'al mac ex txel ma eb tx'ok conobal cajan ec' e xol tol chi michchaj junok no no' yuj, ma junok no tz'iquin, a ton no' tol chi chilay c'alta'a, yowalil tol chi yican el is chiq'uil no', cax chi mukoncan yetok tx'otx'. 14Yujtol a chic' tu' chi ak'on yiquisal no', yuj tu' xan max wal ayex tol c'am chi je' chilay no chibej tol ayto oc chiq'uil yin, tol tzanc'al mactxel chi chioni, chi c'aylay el e xol.
15Yalc'al mac ex txel ma tx'ok conobal chi chion no chibej tol toc'al chi camajok, ma mak'bil cam yuj junok no chiwajwom no', a mac chi chion tu', yowalil chi tx'aj is pichil, c'al yachinwi, palta mantoc'al watx'ok yayji masantac'al yet chi k'ekbi ayok. 16Palta tatol c'am chi tx'aj is pichil ma c'am chi achinwi, a jun tu' chi canc'alcan is yobtakil tu' yiban, ẍi Jehová, cachi bay eb, ẍi Cham.
Currently Selected:
Lv 17: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
