Jer 45
45
Is ti' Jehová max yak' bay Baruc
1A yul yet is can abil yoc Joacim c'ajol Josías yin reyal bay Judá, a yet lanan tz'iben Baruc c'ajol Nerías tzet chi yal Jeremías is chekbej Dios bay, a yet tu' max yalon Jeremías bay Baruc: Axca wal ti' yalon Jehová co Diosal ayach: 2-3Ach Baruc, chal axca ti': ¡Ok'bal in c'ul, asanc'al yailal c'al bilc'ulal chi yak' Jehová wiban! Lananxa in c'unbi aj wok'i, c'amxa in xewilal chi wabej, cachi. 4Ilabi, ayin Jehová in, lanan wak'on lajwok ay tzet yetal max in watx'nej ajok, lanan wocon aj tzet yetal max wawa'. Axca tu' ok wun bay masanil nación ti'. 5Tok mi wal moj cha k'an tzet chi yun aj can ach ti'. Manchakxa a k'ana', yujtol ok watok yailal yiban masanil anima. Palta ayin wal caw Jehová in chi wala', tol man ok ach in cha' mak'lay camok tzanc'al bay ok ach ec'ok, ẍi Cham, ẍi Jeremías.
Currently Selected:
Jer 45: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
