Ez 15
15
Chi lajbanelay Jerusalén yetok tx'anil uva
1Max k'anjab Jehová ayin, max yalon axca ti':
2Ach anima, ¿tzet wal yopiso txutxal tx'anil an uva yintak pax is k'ablak junok te te'?
3Yujtol a txutxal tu' c'am yopiso, tamwal chi je' yoc sat bitzab yet chi oc locan tzet yetal yin.
4Ta chi oc yin sial, cax chi tz'atok, a tzak'ak'il tu', c'amc'alta' yopiso.
5Ilab yet c'amto chi tz'a'i, c'amc'alta' tzet chi oqui, ¿tom ato wal yet mayal tz'atok, catatu' ok oc yopiso?
6Yuj tu' xan ayin Jehová in ti' chi wala': Axca chi yun tz'atok txutxal tx'anil an uva, yetokc'al juntzanxa te te', caywal tu' ok yun wak'on c'ayaj eb cajyom bay Jerusalén.
7Ayin wal caw ajc'ul in oc yin eb. Caxc'al max elaj eb bay jun k'ak'ej; axa junxa k'ak' k'ak' ok ak'on lajwok eb. A yet ok wak'on ajc'ulal yin eb, caywal tu' ok yun nachaj el e yuj tol ayin ton Jehová in.
8Ayin wal caw Jehová Yajaw in chi wala', tol tz'ininixac'al ok wutcantok jun conob tu', yujtol max ec' yiban ayin, ẍi Cham.
Currently Selected:
Ez 15: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
