Dt 34
34
Is camichal c'al is mukbanil cham Moisés
1A tu' ayic' cham Moisés bay takin tx'otx' yul yet Moab, cax max ajtok bay jolom witz Nebo bay witzlak Pisga, a tu' ay bay is satak Jericó. Atac'al bay tu' max tx'oxcantok Jehová bay cham Moisés masanil tx'otx' Galaad masantac'al bay is makbej Dan, 2is makbej Neftalí, Efraín, c'al Manasés yetokc'al masanil tx'otx' yet Judá, masantac'al chi apni oc tx'otx' bay a' mar Mediterráneo. 3Chi tittac'al bay Néguev masantac'al chi apni oc bay yac'alil is ti' a' Jordán, c'al bay masanil yinlak Jericó bay xiwil an palma, cax chi jayoc bay Zoar. 4Max yalon Jehová bay cham Moisés axca ti':
A ton jun tx'otx' ti' max wak' in ti' wak'on bay Abraham, bay Isaac, c'al bay Jacob. Max walon bay eb axca ti': A jun tx'otx' ti' ok wak' bay eb e yinatil, quin chi, xan chin tx'oxcantok ayach, caxc'al manxa ok ach octok bay tx'otx', ẍi Jehová.
5Yuj wal tu xin, a tu' max cam cham Moisés is chekbej Jehová bay yul yet Moab, axca max yut yalon Cham. 6A tu' max muklay cham yuj Jehová bay jun jobe yul yet Moab, satak Bet-peor. C'amtoc'al mac yojtak bay mukan. 7120 abil is k'inal cham Moisés cax max cami. Watx'c'al yilwani cax aytoc'al yip yet max cam tu'.
8Jun wal xajaw max oc eb conob Israel yin cusc'ulal yuj is camichal cham Moisés bay takin tx'otx' bay Moab, atac'ala' is beybal eb. 9Max chacan cham Josué c'ajol Nun is jelanil cham Moisés tu', yujtol max yacan oc cham is k'ab yiban is jolom, xan a eb conob Israel yikemc'al max yut ba eb bay cham Josué, axca max yun yalon Jehová bay cham Moisés.
10Ataxc'al yet tu' c'amxa junokxa is chekbej Jehová xol eb yuninal Israel max k'anjab yetok Cham yin ac-'omba satil axca max yun yetok Moisés. 11C'amxa junokxa max el yunen tzetak yetal tol c'ayubtak yoqui c'al milagro axca max yun Jehová yetok cham Moisés bay Egipto yin cham rey, c'al yin eb ayoc yin yajawilal yetok, c'al yin nación tu'. 12C'am junokxa mactxel tol miman yelapnok, c'al yunen tzetak yetal tol ay is may axca max yun cham bay satak eb yet conob.
Currently Selected:
Dt 34: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989