Am 6
6
Ok uchchaj ay conob Israel
1Ok'bal wal c'ul mactxel tol subojxac'al chi yun yec' yuj bay Sión. Ok'bal c'ul eb c'am tzet chi na' bay Samaria, eb yajawil nación tol asanxanej oc yaloni, a ton juntzan chi yaoc eb israel yipok is c'ul.
2Asek bay Calne, cax che yilon wali. Axa bay tu' chex toj pax bay miman conob Hamat, cax chex ayol bay Gat yul yet eb filisteo. ¿Tom yelxac'al watx' juntzan conoblak tu' e yintak? ¿Tom yelxac'al mimek juntzan nación tu' yintak e nación?
3Ayex ti' c'am che yochej che na', tol lanan jay jun c'ual yailal. Palta a yuj tzet che yunej, xan lanan jayoc e cawilal.
4Ayex ti', a bay chex ay tz'eyan e lowi, ayxa may watx'il yili. Mimek loj che yunej yet che chion no yune' calnel, c'al no bak'ech ach'ej wacax.
5Toc'al chi ec' e tiempo e bitni yetok sonal arpa, che naon e cuyon aj música, axca max yun cham rey David.
6Yul wal mimek vaso che yuc' vino. A wal perfume watx' che k'ana'; palta c'am jabok chex oc il, ta lanan yetax el yul e nación.
7Ayex ti', babel ok ex tokcan preso bay tx'ok conobal, cax ok lajwok ay e k'in, toxac'al chex weklabi yin tu'.
8Mayal wal locbajtek Jehová is bi yin yak'on is ti', a ton Cham Yajaw yin Masanil. A' chi alon axca ti':
Caw wal chin yaj is maynejbail jun conob yinatil Jacob ti', caw wal c'am chi cha in c'ul is mimek na eb, xan ok waoc jun conob ti' yul k'ab eb ajc'ul, yetok masanil tzetak yetal ay bay, ẍi Cham.
9Yuj tu xin, ta ay lajonwanok winak bay junok na, t'inanc'al ok cam eb lajonwanil. 10A junok yican juntzan camnak tu', a jun t'inan ok ion eltek juntzan mimanilej yul na yet ok tz'aok, ok yalon bay tzanc'al mactxel aycan bay yul na tu': ¿Ay tom mactxel ajun etok? ẍi. Axa junxa tu' ok tak'wok: C'am mactxel, ẍi. Cax ok yalon pax nak babelal tu': Tz'inc'al cachi xin, axa talaj chi yunej, ok ak'on binaj Jehová, ẍi. 11Yujtol ok yatek Cham yailal yiban masanil mimek na, c'al yiban coc'lak na, cax masanil ok etaxcantok.
12¿Tom chi je' yajtok no chej bay satlak ch'en? ¿Tom chi je' yoc mulnajil yetok arado bay yiban a' mar? Palta ayex ti', max e q'uexponej oc tojolal yin yobal, caw wal yobxac'al chi yab eb anima yuj beyc'ulal che watx'nej.
13Ayex ti', toxac'al che maynej e ba, yuj max ayc'ay conob Lodebar e yuj, palta tokwal ay jabok yelapnok, cax che yalonnaji tol chi je' e yuj, yet max e yi' c'apax yaliẍ conob Carnaím.
14Chi cam wal e yilon ayex israel ex ti'. A Jehová Dios, Cham Yajaw Yin Masanil chi alon axca ti': Ok in chek junok nación, yet chex yak' ayc'ayok, chi tojtac'al bay Hamat, yul mojon bay yetc'ulal norte, masantac'al chi apni bay a' aej ayoc mojonal bay yetc'ulal sur, ẍi Cham.
Currently Selected:
Am 6: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
