1 Cr 2
2
Eb c'ajol Israel
(Gn 35.22-26)
1A eb c'ajol Israel: a ton Rubén, Simeón, Leví, Judá, Isacar, Zabulón, 2Dan, José, Benjamín, Neftalí, Gad c'al Aser.
Eb yinatil Judá
3A eb is c'ajol Judá: a ton Er, Onán c'al Sela. A is txutx eb oxwan ti', a ton xal is cutz'in Súa, aj Canaán xal. A Er tu', a ton is babel c'ajol Judá, caw wal yob is beybal, xan max c'aylay el yuj Jehová. 4Axa ix Tamar, is yalib Judá tu', ay cawan yune' yetok cham: a ton Fares c'al Zera, xan owan bey is c'ajol Judá tu' yin masanil.
5A eb c'ajol Fares: a ton Hezrón c'al Hamul. 6Axa eb c'ajol Zera: a ton Zimri, Etán, Hemán, Calcol c'al Darda. Owan eb yin masanil.
7A Carmi, a' ay is c'ajol Acar. A ton jun tu' max iontek yailal yiban conob Israel, tol max yitek juntzan tzet yetal xol tzet max yal Dios tol chi c'aylay el yin junelnej. 8Axa is c'ajol Etán, a ton Azarías.
9Eb is c'ajol Hezrón: a ton Jerameel, Ram c'al Quelubai.
10A Ram, a' ay is c'ajol Aminadab, axa Aminadab tu', a' ay is c'ajol Naasón, a ton yajaw max yun xol eb yinatil Judá. 11A Naasón tu', a' ay is c'ajol Salma. A Salma tu', a' ay is c'ajol Booz. 12Axa Booz tu' a' ay is c'ajol Obed, a ton is mam Isaí. 13A is babel c'ajol Isaí: a ton Eliab, yet is cab Abinadab, yet is yox Simea; 14yet is can Natanael, yet is so' Radai; 15yet is wak Ozem. Axa yet is suk xin, a ton David. 16Yanab eb ti' xal Sarvia c'al xal Abigail. A eb yune' xal Sarvia, oxwan bey eb: a ton Abisai, Joab, c'al Asael. 17Axa xal Abigail ay jun yune', a ton Amasa. A is mam Amasa tu', a ton Jeter ismaelita.
18Axa Caleb, is c'ajol Hezrón, ay jun is c'ajol yetok xal Azuba chi yik Jeriot. A juntzanxa is yune' xal: a ton Jezer, Sobab c'al Ardón. 19Axa yet max cam Azuba, max yion pax Caleb tu' xal Efrata. Ay jun yune' xal, a ton Hur. 20A Hur tu', a' ay is c'ajol Uri; axa Uri, a' ay is c'ajol Bezaleel.
21A yet ayxa Hezrón yin 60 abil, max mojay yetok is cutz'in Maquir, a ton is mam Galaad. Ay jun is c'ajol Hezrón yetok xal, a ton Segub. 22A Segub tu', a' ay is c'ajol Jair. A Jair tu' ayoc yajawil yin 23 conob yul is makbej Galaad. 23Axa pax eb aj Gesur, yetok eb aj Aram max ioncan is campamento Jair, yetok c'apax conob Kenat, c'al yetok yaldeail. A yin masanil juntzan tu' ay 60 conobal. Yinatil Maquir, is mam Galaad yayji masanil eb cajan bay tu'.
24Axa yet mayal camtok Hezrón bay Caleb Efrata, max jay yune' xal Abías yistzilben Hezrón, a ton Asur; a' ay is c'ajol Tecoa.
25A Hezrón, a' is babel c'ajol, a ton Jerameel. A eb is c'ajol Jerameel, a ton Ram is babel c'ajol, cax chi tit Buna, Orén, Ozem, c'al Ahías. 26A Jerameel tu', ay junxa yistzil, a ton chi yik Atara, a jun tu' is txutx Onam.
27A eb is c'ajol Ram, is babel c'ajol Jerameel: a ton Maaz, Jamín c'al Equer. 28Axa eb c'ajol Onam: a ton Samai c'al Jada.
Axa eb is c'ajol Samai: a ton Nadab c'al Abisur. 29A yistzil Abisur tu', a ton chi yik Abihail. A xal tu' is txutx Ahbán c'al Molid.
30Axa eb c'ajol Nadab: a ton Seled c'al Apaim. A Seled tu' max cam yin c'am yuninal. 31Axa Apaim, a' ay is c'ajol Isi. Axa Isi tu', a' ay is c'ajol Sesán. Axa Sesán tu', a' ay is c'ajol Ahlai.
32Axa eb c'ajol Jada, is yuẍtak Samai, a ton Jeter c'al Jonatán. A Jeter tu' max cam yin c'am yuninal. 33Axa eb c'ajol Jonatán tu': a ton Pelet c'al Zaza. A ton juntzan yinatil Jerameel ti'.
34A Sesán, c'am is c'ajol, asan is cutz'in ay, palta ay jun is chekbej chi yik Jarha aj Egipto. 35Max yak' jun is cutz'in yistzilok nak tu'. A ix tu', ay jun yune' max yik Atai. 36-41Eb is yinatil Atai yin txolilal: a ton Natán, Zabad, Eflal, Obed, Jehú, Azarías, Heles, Elasa, Sismai, Salum, Jecamías, c'al Elisama.
Eb yinatil Caleb
42A eb is c'ajol Caleb is yuẍtak Jerameel, a ton Mesa is babel c'ajol; a' ay is c'ajol Zif, axa junxa is c'ajol, a ton Maresa. A Maresa, a' ay is c'ajol Hebrón. 43Axa eb is c'ajol Hebrón: a ton Coré, Tapúa, Requem c'al Sema. 44-45Eb is yinatil Sema yin txolilal: a ton Raham, Jorcoam, Requem, Samai, Maón, c'al Bet-sur.
46A xal Efa, is cab yistzil Caleb, a ton is txutx Harán, Mosa, c'al Gazez. A Harán tu', a' ay is c'ajol junxa Gazez.
47Axa eb c'ajol Jahdai: a ton Regem, Jotam, Gesán, Pelet, Efa c'al Saaf.
48-49Axa Maaca junxa yistzil Caleb, a ton is txutx Seber, Tirhana, c'al Saaf. A Saaf tu', a' ay is c'ajol Madmana. A c'apax xal ay yune' Seva, a ton is mam Macbena, c'al Gibea. A Caleb tu', ay c'apax jun is cutz'in max yik Acsa.
50A ton juntzan ti' is yinatil Caleb:
A Hur, is babel unin xal Efrata, a' ay is c'ajol Sobal, a ton is yichmam eb aj Quiriat-jearim; 51c'al Salma, is yichmam eb aj Belén, c'al Haref, a ton is yichmam eb aj Bet-gader.
52Axa eb yinatil Sobal is yichmam eb aj Quiriat-jearim: a ton Reaía, nanok eb manahetita, 53c'al junjun makan eb aj Quiriat-jearim: a ton eb itrita, eb futita, eb sumatita, yetok eb misraita. A ton yin eb tu' max tit eb zoratita c'al eb estaolita.
54Axa eb yinatil Salma: a ton eb aj conob Belén, eb netofatita, eb aj Atrot-bet-joab, axa nanxa eb manahetita, eb zoraita, 55yetokc'al junjun makan eb ajtz'ib max ec' cajay bay Jabes, chi yal elapnok, a ton eb tirateo, eb simeateo c'al yetok eb sucateo. A ton eb quenita ti' titnak yin yinatil Hamat, is yichmam eb recabita.
Currently Selected:
1 Cr 2: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989