Sal 3
3
A scolval Dios sc'anchaji
Sb'it jun tic vin̈aj David ayic ix el vin̈ elelal d'a vin̈aj Absalón, aton yuninal.
1Mamin Jehová, tzijtum eb' anima ayoch ajc'olal d'ayin, tzijtum eb' smeltzajoch vajc'ooloc.
2Tzijtum eb' tz'alani to man̈ ol in a colo'.
3A achxo Mamin, in Columal ach, uuj tzin tzalaji. A ach tzac' in tec'anil.
4A tzin avaj d'ayach, tzin a tac'vej d'a jun tzalan b'aj syal sb'a eb' anima d'ayach.
5Tzin ec' jichan, tzin vayb'ati, te vach' tz'aj yel in vayan̈, yujto a ach tzin a tan̈vej.
6Man̈ ol in xivlaj yuj jantac anima ac'um oval molaneq'ui, yuj eb' oyanec' d'a in patic vichan̈ tic.
7Mamin Jehová, ochan̈ ved'oc. Ach in Diosal, colinn̈ej. A ach ol a mac'poj sti' eb' ayoch ajc'olal d'ayin. Man̈xalaj jab'oc ol elc'och spoder eb' sc'ulan chucal chi'.
8Mamin Jehová, a achton tzach colvajn̈ej. Ac' a nivan vach'c'olal d'a quib'an̈ a on̈ a chon̈ab' on̈ tic.
Currently Selected:
Sal 3: CSM
Highlight
Copy
Compare
Share
Want to have your highlights saved across all your devices? Sign up or sign in
Biblia en Chuj de San Mateo Ixtatán © Sociedad Bíblica de Guatemala 2007
