Sal 13
13
Sc'anchaj colval
Sb'it jun tic vin̈aj David.
1Mamin Jehová, ¿b'aq'uin̈ val ol in a nacoti? ¿Tocval ol in b'atcan satc'olal uuj d'a masanil tiempo? ¿B'aq'uin̈ val ol a ch'ox a vach'c'olal d'ayin?
2¿Jantacto tiempo ol in te cus d'a junjun c'u? ¿Jantacto tiempo ay in ec' d'a yol sc'ab' eb' ajc'ool?
3Mamin Jehová in Diosal, cotan̈ q'uelan d'ayin, tac'van̈ d'ayin, ac' a vach'c'olal d'ayin, yic vach' man̈ ol in pet chamoc,
4yic man̈ ol yal vin̈ ayoch ajc'olal d'ayin: Toxo ix vac' ganar, xchi talaj vin̈. Malaj in gana stzalaj sc'ool vin̈, tato tzin yac' ganar vin̈.
5A a vach'c'olal ayoch yipoc in c'ool, stzalajb'i in c'ool yuj a colval.
6Mamin Jehová, tzach in b'itej yuj a vach'il d'ayin.
Currently Selected:
Sal 13: CSM
Highlight
Copy
Compare
Share
Want to have your highlights saved across all your devices? Sign up or sign in
Biblia en Chuj de San Mateo Ixtatán © Sociedad Bíblica de Guatemala 2007
