Sal 124
124
A Dios Scolumal Israel
Sb'it vin̈aj David. Sb'it eb' israel ayic van sq'ue eb' d'a sb'eal Jerusalén.
1Tato man̈oc Jehová ix och qued'oc ¿tas am ix on̈ ajcani? Ex vetisraelal, calec icha tic:
2Tato man̈oc Jehová ix och qued'oc ayic ix q'ue vaan eb' anima yac' yoval d'ayon̈,
3ix am on̈ spitzanchiejb'at eb' ayic ix te cot yoval eb'.
4-5Icha am tz'aj quic'jib'ey yuj a' eluma' te ov, icham chi' ix aj co satel yuj yoval sc'ool eb' chi'.
6Calec vach' lolonel d'a Jehová, yujto maj yal sc'ool ix on̈ satjiel yuj eb'.
7Toxon̈ej ix on̈ el d'a yol sc'ab' eb'. Icha tz'aj scolchaj junoc noc' much d'a junoc yaal. Ix on̈ colchaji, ichato ix d'in̈chajb'at sch'an̈al jun yaal chi'.
8A d'a Jehová scot co colnab'il, aton b'oannac satchaan̈ yed' sat luum tic.
Currently Selected:
Sal 124: CSM
Highlight
Copy
Compare
Share
Want to have your highlights saved across all your devices? Sign up or sign in
Biblia en Chuj de San Mateo Ixtatán © Sociedad Bíblica de Guatemala 2007