Jer 45
45
A sti' Jehová ix yac' d'a vin̈aj Baruc
1A d'a yic schan̈il ab'il yoch vin̈aj Joacim yuninal vin̈aj Josías reyal d'a Judá, ayic toxo ix tz'ib'chaj yuj vin̈aj Baruc yuninal vin̈aj Nerías tas ix val Jeremías in tic schecab' in Dios, ata' ix val d'a vin̈aj Baruc chi': 2-3A Jehová co Diosal tz'alan d'ayach icha tic: Ach Baruc, van alan icha tic: Ob'iltac in. An̈ej yaelal yed' ilc'olal syac' Jehová d'ayin. Vanxo in c'unb'i voq'ui, maxtzac yal vic'an vip svab'i, xa chi. 4Ina a in Jehová in, tzin satel tas ix in b'o'o, van in toc'anq'ueta tas ix vavej d'a masanil jun nación tic. 5¿Tom smoj tza c'an tas tz'aj a q'uechaan̈? Man̈xo a c'ana', yujto ol vac'och yaelal d'a yib'an̈ masanil anima. Palta a in Jehová in svala', yaln̈ej b'aj ol ach c'ochoc, man̈ ol ach in cha miljocchamoc, xchi Jehová, xin chi d'a vin̈.
Currently Selected:
Jer 45: CSM
Highlight
Copy
Compare
Share
Want to have your highlights saved across all your devices? Sign up or sign in
Biblia en Chuj de San Mateo Ixtatán © Sociedad Bíblica de Guatemala 2007
