Tito 2
2
Tu'n kk'onte xnak'tzbil tuj tumelxix
1Atzun teya, k'onxa ju xnak'tzbil cye, aju xnak'tzbil minti' tpaltil. 2K'manxa cye ansyan tu'n tten cynabl ex tu'n tten cychiylal, ex tu'n cyjac'unte cyib, ex tu'n tten cyocslabl minti' tpaltil, ex tu'n tten cyc'ujlalil axix toc ex tu'n tten cypasens tu'n tic'x cyu'n. 3Ax icx k'manxa cye tij xu'j tu'n tten tchiylal Dios cye tuj tcyakil, ex tu'n mi'n cyoc si'mil yol, ex tu'n mi'n cyoc c'al k'e'n, nok o'cx tu'n cyk'onte xnak'tzbil ti'j ju ba'n, 4ex tu'n t-xi cyk'o'n tij xu'j xnak'tzbil cye ke xu'j k'apojx ke tu'ntzun cyc'ujlante cychmil cyuc'ix cyal, 5ex tu'n cyjac'unte cyib, ex tu'n cyten sak tuj cyanmi, ex tu'n toc cycwentin cyja, ex ba'n cymod, ex tu'n t-xi cyniman cychmil; tu'ntzun mi'n cyyolin xjal mya ba'n ti'j tyol Dios. 6Ax icx k'onxa cynabl cu'xun tu'n cyjac'unte cyib. 7Tuj tcyakil binchama ba'n tu'n toca te jun yec'bil cye mastl, k'onxa xnak'tzbil cabalxix, ex atwit toclen tyola. 8Aju t-xnak'tzbila minti'wt tpaltil ex minti' tu'n cyyolin xjal ti'j, tu'ntzun ttzaj tch'ixwi aj k'oj cyi'je, ex tu'n mi'n tyolin jun yol mya ba'n cyi'je.
9K'onxa cynabl majen tu'n cynimante cyyol cypatrón, ex tu'n cybinchante aju ba'n tu'n cytzalaj cypatrón cyi'j, ex tu'n mi'n taj cymojtza'n cyyol cypatrón, 10ex tu'n mi'n cyelk'an, nok o'cx tu'n toc cycwentin tcyakil, tu'ntzun tel cynic' xjal ti'j ka tbanilxix t-xnak'tzbil Dios aju Clol ke.
11Porque ma tzaj tyec'un Dios t-xtalbil cye cycyakil xjal tza'n tten tu'n cyclet. 12In tk'o'n t-xtalbil Dios xnak'tzbil ke tu'n tcyaj kcolin aju mya ba'n ex aju achbil twitz tx'otx' ex tu'n tten knabl tuj tk'ijlalil ja'lo, ex tu'n kbet tuj tumelxix, ex tu'n kniman Dios. 13Ex in tk'o'n xnak'tzbil ke tu'n kayon ti'j Jesucrist oc tul, porque jun tzalajbil oc tjapun jlu. Aju Jesucrist Kdios ma'xix toclen ex Clol ke, oc tyec'unte tib in koptz'aj wen. 14Xi tk'on tib Jesucrist tu'n tcyim tu'n tchjet kil tu'n, tu'ntzun kcolpet tu'n tuj tcyakil mya ba'n, ex tu'n t-sakix tuj kanmi tu'n, tu'n koc te jun tnam tecuxix ex at-xix kgan tu'n kbinchante aju ba'n.
15K'manxa jlu cye ocslal, k'onxa cynabl ex cawinxa ke, atwit tipumal tyola. Miwt jun tz'el ic'un teya.
Currently Selected:
Tito 2: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993