Salmos 87
87
Jun bitz te nimbil te tnam Sión
Aju bitz lu o tz'ibanjtz tu'n tajben te cye tiyjil Coré
1A Dios o binchante tnam Sión cyxol ke witz xjan.
2Mas nim in tc'ujla'n Kman aju tnam Sión cywitz cycyakil cynajbil tiyjil Jacob.
3Aya tnam jatum in cawin Dios, tbanilxix yol in cyma'n xjal ti'ja.
4Cyxol ke tnam ojtzki'n kine cyu'n, ba'n tcu'x cybi ke jlu: Ejipt ex Babilonia, tuc'ix Filistea ex Tiro ex Etiopía; cycyakil jlu ti'ja e je'l pok'l.
5Ti'j tnam Sión oc ck'manjtzel ju yol lu: Aju xjal lu tuc'ix juntl lu, ax e itz'j tuj tnam lu. Ex ax te Kman Ma'xix Toclen ma cyuwsante te.
6In cu'x ttz'iban Kman tuj u'j jatum tz'iban cybi ke tnam: Aju tnam lu atzun se'l pok'l ti'j tnam Sión.
7Keju in che bitzan ex keju in che bixan in cyma'n: Aju nchwinklale ex ntzalajbile ax in cnet tuc'ila.
Currently Selected:
Salmos 87: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
