Salmos 61
61
Oc ke' tc'u'j David ti'j colbil tu'n Dios
Bitz tu'n David
1Nman Dios, bintza tk'ajk'ajel nwi'ye tuj c'ixc'oj, bintza aju nna'j Diose.
2Max jatum ponin baj ttxa'npun tx'otx' in jaw tk'ajk'ajel nwi'ye ti'ja, niban tbaj tipun wanmiye. Chin ti'nxa tibaj jun pic ma' twa'l, tu'ntzun nclete.
3Aya in ajben te colbil wibe. Ic ttena ic tza'n jun ja ma' twa'l ex nim tipun jatum tu'n nclonte wibe cywitz aj k'oj wi'je.
4Waje tu'n nnajane tuj tjaya te jumajx, tu'n nclonte wibe cyjak' ke t-xic'a.
5Nman Dios, o tbiya ke yol e je'x ntziyane, ex ma tzaj tk'o'na wetzbile ic tza'nju in xi tk'o'na cye keju at tchiylal tbiya cye.
6K'ontza ma'xix tank'ibl rey; e tank'in nimxix abk'i,
7ex cucx tu'n tcawin tuc'il tcy'iwbila. Cwentin oca tu'n tc'ujlalila ex tu'nju tyola axix toc,
8cyja'tzun cucx cjawil nnimsa'ne tbiya, ex tcyakil k'ij cjapunel wu'ne aju yol o txi ntziyane.
Currently Selected:
Salmos 61: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
