Salmos 52
52
Aju tnimbil tib jun xjal mya ba'n, minti' tajben
A jlu o tz'ibanjtz tu'n David tej tpon Doeg aju aj Edom k'malte tkanil te Saúl, ka otok tzul David tuj tja Ahimelec.
1¿Tiku'n in jaw tniman tiba ti'j ju mya ba'n in tbincha'na, aya at tipumal? Cucx tten tc'ujlalil Dios.
2O'cx in ximana ti'j tu'n tbinchanteya mya ba'n; ic tten ttzi'ya ic tza'n jun cchil banin ttzi' porque nim in nic'ana yol.
3Mas in tzalaja ti'j ju mya ba'n twitz ju ba'n, ex mas in tzalaja ti'j ju nic'aj yol twitz ju yol ax toc.
4Mas in tzalaja cyi'j yol in che naj xjal cyu'n; jawni sbuna tu'n ttzi'ya.
5Tu'ntzun jlu cnajela te jumajx tu'n Dios: ctzajel tzyu'na tu'n ex c'elex k'i'na tu'n tuj tjaya; cnajela tu'n cyxol xjal.
6Oc cyila' ke xjal tz'aklxix jlu ex ctzajel t-xobil cyi'j; che oquel ten xmayil ti'j ju xjal lu, ex oc cyma':
7Lutzun xjal lu, minti' ke' tc'u'j ti'j Dios tu'n tclet; o'cx k'ukl tc'u'j ti'j tk'inumabl ma'xix, ex cucx o binchan mya ba'n, che chilo.
8Atzun weye, ic ntene ic tza'n jun tze' olivo cha'x tuj tja Dios; te jumajx cucx k'ukl nc'u'je ti'j tc'ujlalil.
9Nman Dios, cucx cxel nk'o'ne chjonte teya ti'j ju ma tbinchaya; cckebel nc'u'je ti'ja cywitz ke nimal teya, tu'nju puro ba'na.
Currently Selected:
Salmos 52: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
