Salmos 29
29
Aju tk'ajk'ajel twi' Kman ma'xix tipumal
Bitz tu'n David
1Akeye anjel, cynimsan jawe Kman; cynimsan jawe tu'nju tipumal ex tu'nju tajwalil,
2Cynimsan jawe aju tbi Kman tbanilxix, ex che c'ulune te tuj lugar xjan, aju tbanilxix.
3Aju tk'ajk'ajel twi' Kman in k'ajt tibaj mar; aju Dios ma'xix tajwalil in tininin wen; ate Kman tcubsa'n tibaj nintz mar.
4Aju tk'ajk'ajel twi' Kman cyuwte; aju tk'ajk'ajel twi' Kman nimxix tipumal;
5tu'n tk'ajk'ajel twi' Kman in che baj jachj ke tze' wi'ten. Tu'n Kman in che baj tjachin ke tze' wi'ten twi witz Líbano.
6In che tzaj lu'lun ke witz Líbano ex Sirión tu'n; ex in bant cyt'icpaj tu'n, ic tza'n ke tor ex ke tal tor.
7Tuj tk'ajk'ajel twi' Kman nne'tz tkan k'ak';
8tu'nju tk'ajk'ajel twi' Kman in jaw lu'lun aju lugar minti' cynajbil xjal tuj; tu'n Kman in jaw lu'lun aju lugar minti' cynajbil xjal tuj, aju tcub tuj Cades.
9Tu'n tk'ajk'ajel twi' Kman in che baj kutz'j ke tze' c'ol ex in che cyaj ten ke chc'ul minti' jun wi' tze' cyuj. Tuj tja Dios cycyakil in xi cyk'o'n nimbil te.
10Ate jbal tcyaj tjak' tcawbil Kman, ex ate Kman toc te rey tu'n tcawin te jumajx.
11In xi tk'o'n Kman cyipun ke xjal etzan tu'n, ex in che cub tcy'iwla'n tu'n cyten tuj tzalajbil.
Currently Selected:
Salmos 29: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
