Salmos 20
20
Tna'j Dios David tu'n tcamban
Bitz tu'n David
1Awt Kman txi binte teya oc ttena tuj yajbil; awt Tdios Jacob colin ti'ja.
2Maxwit tuj tja tuj tnam Sión tzaj t-sama'n onbil teya.
3Ba'nwt ttzaj tna'n cycyakil ke toyaja ex tu'n t-xi tc'mo'n tuc'il tzalajbil ke oyaj in che cub tpatuna tibaj altar.
4Ba'nwt tzaj tk'o'n tcyakilju tajbila ex bant-xwit tcyakilju cbel t-ximana.
5Jacu ko tzalaje wen oc tcambana, ex cjawil kyobine bandera twitz cya'j tuj tbi Kdios. Tzajwit tk'o'n Kman tcyakilju tkanbetza.
6Ma tz'el nnic'e ti'j, tu'nte Kman oc cambal aju rey o jaw t-sc'o'n; max tuj cya'j aju lugar xjan ctzajel ttzak'we'n, ctzajel tk'o'n tipun tu'n tcamban.
7At junjun c'loj xjal atzun nno'c ke' cyc'u'j cyi'j ke cycarwaj in che ajben tuj k'oj, ex at junjuntl atzun nno'c ke' cyc'u'j cyi'j ke cychej; atzun ke, atzun nno'c ke' kc'u'j ti'j Kman aju Kdios.
8Ke xjal lu c'elel bakj cykan ex che bel tz'ak. Atzun ke cucx ko tel wa'lxix.
9Nman, k'onxa ambil tu'n tcamban ju rey. Ko ttzak'wentza oc ktxocone ti'ja.
Currently Selected:
Salmos 20: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
