Jonás 2
2
Aju tna'j Dios Jonás
1Max tuj tc'u'j cyiẍ octzun ten Jonás cubsal twitz Kman aju Tdios, 2chi cyja':
Tuj yajbil weye in cubsane twitza Nman ex in tzaj ttzak'we'na. Max t-xe'pun cynajbil cyimni in cubsane twitza ex in tzaj tbi'na.
3In cu'x t-xo'na max t-xe'pun mar ex in cyaj mulk'aje tjak' txkan a'. O chin cyaje tjak' nintz a' in pulin wen aju tzaj t-sama'na, ex o tz'ex wibaje.
4O nna'ye ka otok chin el tic'una; ex cub nximane ka minti'tl tu'n twile aju tjaya xjan.
5In cyaj mulk'aje tjak' a' ex inx mulk'aje max t-xe'pun mar; ke c'ul in che ch'iy tuj a' baj cysacun cyib ti'j nwi'ye.
6In cu'pune max jatum tzajni jlet ke witz tuj mar; in cyaj lamo'ne tjak' tx'otx' te jumajx. Pero, Nman Dios, tu'na ma chin colpaje te camic.
7Tej nna'ye ch'ixtok ncyime, ula ti'j nc'u'je Nman, ex aju nna'j Diose pon max tuc'ila tuj tjaya xjan.
8Akeju in che c'ulun cywitz ke tilbilal minti' cyajben, in cyaj cycolin cyocslabl ti'ja.
9Atzun weye cxel nbitzane jun bitz te ak'bil chjonte teya, ex cxel nk'o'ne jun chojbil teya, ex cjapunel wu'ne aju yol o txi ntziyane teya. O'cx teya Nman jacu ko clete tu'na, chi Jonás.
10Xi'tzun tma'n Kman te cyiẍ tu'n tjatz xa'win Jonás tu'n max ttzi mar.
Currently Selected:
Jonás 2: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993