Ezequiel 15
15
Ic cyten aj Israel ic tza'n jun tkan uva minti' tajben
1Tzaj yolin Kman wuc'ile ex tma cyja':
2¿Maspe tbanil jun wi' uva twitz junxitl tze' at tuj chc'ul?
3Aju tkan minti' ch'in tajben, misicyer jun ẍoc jacu tz'el ti'j tu'n toc yobit jun ti'xti ti'j.
4Minti' mas tajben, nok o'cx tu'n toc te si'. Octzun cybaj tz'e'y ke ttxa'n ex atzun tuj tmij otok tz'oc te xk'a'l, ¿titzun jacu tz'ajben?
5Tej na'nxtok tocx tuj k'ak', minti'tok tajben, pyortzunlo ja'lo ma baj tz'e'y ¿jacupelo tz'ajben? Mlay.
6Cyja'tzun akine Dios in xi nma'ne jlu: Ic tza'n jun wi' uva nno'cx k'o'n tuj k'ak' tu'n tc'ant, cyja'xtzun che oquex nk'o'ne tuj k'ak' ke xjal najl tuj tnam Jerusalén.
7Chin oquele aj k'oj cyi'j. Che tzokpajel tuj jun k'ak', pero tuj juntl k'ak' che bajel tz'e'y. Oc woque aj k'oj cyi'j, c'eleltzun cynic' ti'j, akine Dios.
8C'oquel cytanmi wu'ne te jun tx'otx' minti' xjal najl tuj, tu'n tlaj el cypa'n cyib wi'je. Akine dios in chin k'mante jlu.
Currently Selected:
Ezequiel 15: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
