2 Corint 2
2
1Cyja'tzun cub nximane tu'n mi'n ttzaj cybise oc npone juntl maj cyuc'ile. 2Porque ka ma tzaj cybise wu'ne, ¿tza'ntzun tten tu'n ntzalaje? Nok o'cx cyu'ne tu'n ntzalaje, akeye otok tzaj cybise wu'ne. 3Axtzun jlu xi ntz'ibane cyeye tu'ntzun mi'n ttzaj nbise tu'n cylaje oc npone cyuc'ile, o'cxwitlo tu'n ntzalaje cyi'je; porque k'ukl nc'u'je cyi'je cycyakile, aju in chin tzalaje ti'j icx cyeye cycyakile in che tzalaje ti'j. 4Xi ntz'ibane jlu cyeye tu'nju at nim nbise cyi'je ex at ta'w tuj wanmiye ex nimcu in chin ok'e; xi ntz'ibane, pero mya tu'n ttzaj cybise, nok o'cx tu'n cybinteye nimxix nc'ujlalile at cyi'je.
Cynajsancuye til ju ocslal tbincha mya ba'n
5Aju erman tzaj nbise ti'j, mya o'cx akine tzaj nbise, ax icx cyeye cycyakile tzaj ch'in cybise. Ma txi nma'ne jlu tu'ntzun mi'n tel cyuw te cyeye. 6Acux tcastiw xjal tu'nju ma baj cycawine, tu'n nimcu cybaje ẍe cawin te. 7Ja'lotzun, nok o'cx tu'n tcub cynajsa'ne til ex tu'n t-xi cyk'ukba'ne tc'u'j tu'ntzun mi'n tcyaj ten tuj nim bis. 8Cyja'tzun chin cubsale cywitze, cyc'ujlame juntl maj. 9Cyja'tzun xi ntz'ibane cyeye nej, tu'ntzun tel nnic'e cyi'je ka ba'n che nimane tuj tcyakil. 10Ka ma cub cynajsa'ne til jun erman, icx weye cbel nnajsa'ne; porque aju til ma cub nnajsa'ne, twitz Crist ma cub nnajsa'ne tu'n cylaje, 11tu'ntzun mi'n tcub ki'j tu'n Satanás; porque ba'n ku'n tza'n tten tmod, nim mañ ba'n tu'n.
Mya tuj tzalajbil ten Pablo tuj tnam Troas
12Tej npone tuj tnam Troas pacbalte tkanil ba'n in yolin ti'j Crist, tzaj k'o'n ambil weye tu'n wajbene tuj tak'un Kajaw. 13Pero minti' in tzalaje tu'nju minti' cnet Tito wu'ne, aju wermaniye; cyja'tzun e cyaj nk'olbe'ne ke ocslal ex inxe tuj tx'otx' Macedonia.
In cub ti'j mya ba'n ku'n nok tu'n Crist
14Pero chjonte Dios ma cub ti'j tcyakil tu'n Jesucrist, ex lepchko'c ti'j; tu'n kak'unbene in tyec'un Dios tyol cye xjal tuj tcyakil lugar, tu'n cyojtzkinte xjal Jesucrist. Ic tten jlu ic tza'n jun tc'oc'jal in xi t-sipan tib. 15Porque ic ktene ic tza'n tc'oc'jal in xi tk'o'n Crist te Dios, ex in xi t-sipan tib tc'oc'jal cyxol ke xjal in che clet ex cyxol keju in che naj. 16Aju tyol Dios in xi kma'ne cye xjal in che naj, ma tz'oc mer ic tza'n t-xew camic tu'n cynaj; atzun cye keju in che clet, ma tz'oc ic tza'n tc'oc'jal chwinklal tu'n tten cychwinklal. ¿Ex alcye jacu tzic'x tu'n ti'j ak'untl lu? 17Pero mya ic ktene ic tza'n nimcu xjal in baj cysmo'n tyol Dios cyuc'il cyex cyyol tu'n cycambante ch'in pwak ti'j; atzun keye junx ti'j kyole, sama'n ko'ye tu'n Dios, in ko yoline twitz Dios ex ajbel ko'ye te Crist.
Currently Selected:
2 Corint 2: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993