Ucab Timotey 3
3
Jas qui banic ri winak pa ri q'uisbal tak k'ij
1Xukuje' chawetamaj chi pa ri q'uisbal tak k'ijol, quepe na c'axalaj tak k'ij.
2Quec'oji' na winak ri cäquilok'ok'ej quib chquibil quib, ri cäquilok'ok'ej ri puak, ri nimak qui banic cäquiban chi quib, ri cäquiban nimal; ri itzel tak tzij u pa qui chi', ri man queniman ta chque ri qui tat qui nan, ri man cäquiya' ta maltioxinic, man ch'ajch'oj ta ri qui c'aslemal,
3man c'o ta lok'ok'ebal qui c'u'x, man e cuyenelab taj, e bil tak tzijtal, man cäquijic' ta quib, e c'analaj tak winak ri cäquiban qui c'ulel che ri utz,
4cäquijach tak cachil pa qui k'ab ri qui c'ulel, man cäquichomaj ta ri cäquibano, cäquichomaj chi nim qui banic, je'l caquina' u banic ri qui rayibal; are c'u ri u rayibal ri Dios, man cäcaj taj.
5Je ta ne ri c'o ri nimanic che ri Dios cuc', man cäquik'alajisaj ta c'u ri u chuk'ab: chatasa' awib mat be cuc'.
6Jujun c'ut chque wa' e are ri queboc pa tak ja, quequisub jujun ixokib, ri sachinak qui c'u'x ruc' ri qui mac, ri e c'amom bic rumal ronojel u wäch rayibal,
7ri amak'el tajin cäquetamaj tak jastak, mawi c'u quecuin che retamaxic ri kastzij.
8 # 3.8 Chiwila' Ex 7.11-12,22. Cäquicoj c'ut ri aj judeyib chi ri Jans ri Jambres are' e jun cuc' ri e rajch'obab ri paraon. Jacha' ri xquiban ri Jans xukuje' ri Jambres aretak xquik'atij u wäch ri Moises, jeri' xukuje' ri winak ri cäquiban ri jastak ri' cäquik'atij u wäch ri kastzij. Itzelalaj tak no'j ri c'o cuc'. Rumal c'u wa' man e c'o ta pa ri cojonic.
9Man utz taj quel na ri qui chac. Quel na chi sak chquiwäch conojel chi man utz ta ri quechomanic, jas ri xquic'ulmaj ri e quieb ri xquik'atij u wäch ri Moises.
Ri Pawl cupixbej ri Timotey
10Are c'u ri at chaterenej ri nu tijonic, ri u cholajil ri nu c'aslemal, ri nu chomam u banic, ri nu cojonic, ri nu coch'onic, ri nu lok'ok'ebal c'uxaj xukuje' ri nu chuk'ab che takanic,
11ri e c'axalaj tak nu c'ulelaxic xukuje' ri e nu rikoj tak c'ax. E aweta'm conojel ri xinc'ulmaj pa Antioquiy, pa Icon xukuje' pa Listr, xukuje' conojel ri e c'axalaj tak nu c'ulelaxic ri xebencoch'o; xinresaj c'ut ri Ajawaxel pa conojel wa'.
12Kas tzij ba' chi conojel ri winak ri kas cäcaj cäcan ri u rayinic ri Crist Jesus, cäban na c'ax chque ri e are' xukuje'.
13E are c'u ri e itzel tak winak, ri e subunelab, quenimataj na, cäquitakej na subunic, e subutajinak c'ut.
14Chabana' ba at jas ri awetamam xukuje' ri a cojom. Aweta'm c'ut jachin ruc' a tijom wi awib.
15Aweta'm c'ut chi aretak at ch'utin na xawetamaj ri tastalic tak Tz'ibatalic, ri cäcuin chuyic a no'j chrij ri a colic rumal ri cojonic che ri Crist Jesus.
16 # 3.16 Pa jujun Tz'ibatalic jewa' caquibij: “ronojel tz'ibatalic uxlabisam rumal ri Dios cajwataj c'ut”; pa jujun Tz'ibatalic chic jewa' caquibij: “tz'ibatalic ri uxlabisam rumal ri Dios xukuje' cajwatajic”. Ronojel ri Tz'ibatalic petinak ruc' ri Dios: utz che tijonic, che pixbenic, che jic'onic, che nak'atisanic che ri suq'uilal.
17Jeri' ri ralc'ual ri Dios yo'm ronojel ri rajawaxic che chubanic ronojel u wäch utzalaj tak chac.
Currently Selected:
Ucab Timotey 3: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.