Sal 60
60
Ri David nuk'utuj to'onik chire ri Dios chikiwech ri e etzelanel richin*f58*
1Nimalej Dios, rat xojaya' kan y xojawulaj k'a kan;
Yakatejineq awoyowal chiqij; ¡tabana' utzil katzolin-pe qik'in, wakami!
2Kan xaben chi xsilon ri ruwach'ulew y xaben chire chi xjobojo-qa;
Tabana' utzil tachojmirisaj chik ri xwopotej-qa, roma beneq ruwech nisilon.
3Xaben k'a chiqe roj ri atinamit chi xqatz'et ri nima'q taq ruk'ayewal;
Xaben chiqe chi achi'el xa ta xqaqum k'iy vino richin xojq'aber.
4Jak'a rat kan xatzeqej k'a ri tzieq richin retal chike ri nikiya' aq'ij,
richin ye'animej chikiwech ri e etzelanel kichin.
5Tabana' utzil, kan ke'akolo' k'a ri kan e wajowan-pe,
ke'akolo' k'a rik'in ri awuchuq'a' y kan tawak'axaj ri nuch'owen.
6Ri Dios kan kere' k'a rubin chupan ri rachoch:
Yin kan xkikikot; xtinch'er k'a ri ruwach'ulew Siquem,
kan xtinwetaj k'a ri taq'aj kojol juyu' richin Sucot.
7Ri ruwach'ulew Galaad y ri Manasés kan e wichin yin.
ri ruwach'ulew ri k'o pa xaman kan achi'el jun tobel richin jolomaj chuwe yin,
y ri Judá ri k'o pa xokon, kan jari' ri nuya'on richin nuq'et-tzij.
8Ri Moab xa kan achi'el k'a jun ruk'ojelibal-ya' richin ninch'ej waqen.
Ri Edom kan pa ruwi' rija' xtinya-wi ri nuxajab,
y kan xkikikot k'a chirij ri ruwach'ulew Filistea toq xtich'akatej, xcha' ri Dios.
9¿Achike ta k'a xqojuk'uan chupan ri tinamit ri sutin-rij chi tz'aq?
¿Achike ta k'a xqojuk'uan k'a pan Edom?
10¿Man ja ta kami rat Jehová ri xa oj amalin kan,
y man at beneq ta chik qik'in toq yojbe pa labal?
11Wakami k'a, tabana' utzil, qojato' pa kiq'a' ri e etzelanel qichin,
roma ri kito'onik ri achi'a' xa kan man jun rejqalen.
12Wi rat qa-Dios atk'o qik'in, roj kan xtiqaben k'a nima'q taq banobel,
Rat xke'axeq' k'a ri e etzelanel qichin.
Currently Selected:
Sal 60: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Sal 60
60
Ri David nuk'utuj to'onik chire ri Dios chikiwech ri e etzelanel richin*f58*
1Nimalej Dios, rat xojaya' kan y xojawulaj k'a kan;
Yakatejineq awoyowal chiqij; ¡tabana' utzil katzolin-pe qik'in, wakami!
2Kan xaben chi xsilon ri ruwach'ulew y xaben chire chi xjobojo-qa;
Tabana' utzil tachojmirisaj chik ri xwopotej-qa, roma beneq ruwech nisilon.
3Xaben k'a chiqe roj ri atinamit chi xqatz'et ri nima'q taq ruk'ayewal;
Xaben chiqe chi achi'el xa ta xqaqum k'iy vino richin xojq'aber.
4Jak'a rat kan xatzeqej k'a ri tzieq richin retal chike ri nikiya' aq'ij,
richin ye'animej chikiwech ri e etzelanel kichin.
5Tabana' utzil, kan ke'akolo' k'a ri kan e wajowan-pe,
ke'akolo' k'a rik'in ri awuchuq'a' y kan tawak'axaj ri nuch'owen.
6Ri Dios kan kere' k'a rubin chupan ri rachoch:
Yin kan xkikikot; xtinch'er k'a ri ruwach'ulew Siquem,
kan xtinwetaj k'a ri taq'aj kojol juyu' richin Sucot.
7Ri ruwach'ulew Galaad y ri Manasés kan e wichin yin.
ri ruwach'ulew ri k'o pa xaman kan achi'el jun tobel richin jolomaj chuwe yin,
y ri Judá ri k'o pa xokon, kan jari' ri nuya'on richin nuq'et-tzij.
8Ri Moab xa kan achi'el k'a jun ruk'ojelibal-ya' richin ninch'ej waqen.
Ri Edom kan pa ruwi' rija' xtinya-wi ri nuxajab,
y kan xkikikot k'a chirij ri ruwach'ulew Filistea toq xtich'akatej, xcha' ri Dios.
9¿Achike ta k'a xqojuk'uan chupan ri tinamit ri sutin-rij chi tz'aq?
¿Achike ta k'a xqojuk'uan k'a pan Edom?
10¿Man ja ta kami rat Jehová ri xa oj amalin kan,
y man at beneq ta chik qik'in toq yojbe pa labal?
11Wakami k'a, tabana' utzil, qojato' pa kiq'a' ri e etzelanel qichin,
roma ri kito'onik ri achi'a' xa kan man jun rejqalen.
12Wi rat qa-Dios atk'o qik'in, roj kan xtiqaben k'a nima'q taq banobel,
Rat xke'axeq' k'a ri e etzelanel qichin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.