Sal 46
46
Ri Dios kan k'o qik'in jantape'*f44*
1Ri Dios jari' ri quchuq'a' y rik'in rija' niqato-wi-qi'.
Toq k'o ruk'ayewal kan chi'anin k'a yojruto'.
2Roma ri', man xtiqaxibij ta qi', stape' nipe jun silonel,
stape' wi ta ri nima'q taq juyu' yetzaq ta pa ruk'u'x ri palou.
3Stape' ri palou niwajin y nibolqo't ri ruwi',
ó kan yesilon ta ri juyu', roma ri royowal ri ya',
roj kan man xtiqaxibij ta qi'.
4K'o k'a jun raqen-ya' ri pa rutinamit ri Dios, ri nuben chi kan nik'ases nitzu'un,
chiri' chupan ri rachoch ri akuchi k'o-wi rija'.
5Roma chiri' k'o-wi ri Dios, kan man jun xtitikir xtisilon.
Ja ri Dios nichajin richin, toq niseqer-pe.
6Ri nima'q taq tinamit kixibin-ki' y man nikil ta achike nikiben ri q'atoy taq tzij.
Roma toq ri Dios nich'on kan nik'is-qa ri ruwach'ulew.
7Ri Jehová k'iytisanel richin ronojel jari' ri k'o qik'in roj.
Ri nito'on qichin roj kan ja ri ru-Dios kan ri Jacob.
8Kixanpe, titz'eta' ri nima'q taq banobel ri rubanon ri Jehová.
Kan nuk'is k'a el ruwech chijun ri ruwach'ulew.
9Ja rija' ri nibanon chi nichup ri labal chuwech chijun ri ruwach'ulew.
Yeruq'ajala' k'a ri rute-ch'ab y ri kum.
Ri tobel kan yeruporoj pa q'aq'.
10Ri Jehová nubij: Kixtane-qa chubanik ri labal y tiwetamaj chi ja yin ri in Dios.
xtinimirisex nuq'ij, pa nima'q taq ruwach'ulew,
xtiya'ox k'a nuq'ij chuwech re ruwach'ulew.
11Ri Jehová k'iytisanel richin ronojel, jari' ri k'o qik'in roj.
Ri nito'on qichin roj, kan ja ri ru-Dios kan ri Jacob.
Currently Selected:
Sal 46: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
