Sal 16
16
Ri nrichinaj jun ri kuqul ruk'u'x rik'in ri Dios*f13*
1Nu-Dios yin, tabana' utzil kinachajij,
roma kan nukuquban nuk'u'x awik'in.
2Ri wánima xubij chire ri Jehová chi ja rija' wajaw yin,
y ronojel ri utz nink'ul, kan rik'in rija' peteneq-wi.
3Yin kan yikikot kik'in ri nuwinaq ri nikitzeqelibej ri Dios,
y kik'in ri kan tz'aqet ri kik'aslen chuwech rija'.
4Jak'a ri yetzeqeliben ch'aqa' chik dios, kan xtipe k'a nim ruk'ayewal pa kiwi'.
Yin kan man xtinyoj ta wi' kik'in toq rije' yekamela'an rik'in kik' chuwech ri ki-dios,
ni ri kibi' kan man jun bey k'a xtinnataj.
5Yin kan ja ri Jehová ri xinwichinaj kan,
pa ruq'a' k'a rija' k'o-wi ri nuk'aslen.
6Ri xinwichinaj yin kan achi'el ri jebelej ulew ri akuchi xapon-wi ri etabel k'an,
kan jebel-wi ri xinwichinaj kan yin.
7Xtinya' ruq'ij ri Jehová, roma yirupixabaj,
stape' ri chi'aq'a' nuben chuwe chi ninch'ob rij ri nuk'aslen.
8Yin kan ja ri Jehová ri nuya'on pa nabey.
Roma rija' k'o pa wijkiq'a', roma ri' kan man yitzaq ta.
9Ri wánima kan janila k'a nikikot,
y ninbixaj rubi' rija'.
Kan xkinuxlan k'a rik'in kuqubabel-k'u'x.
10Jehová, rat kan man xtaya' ta k'a kan ri wánima chupan ri muqbel kamineq.
Man xtaya' ta k'a q'ij chi ri ruch'akul ri acha'on xtichuwir-qa chiri'.
11Xtak'ut k'a chinuwech ri bey richin k'aslen.
Awik'in rat kan k'o kikoten richin jantape'.
Kan jebel k'a ri k'aslen awik'in rat
Currently Selected:
Sal 16: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
