Sal 132
132
Ri rusujun ri Dios chire ri David*f116*
1Jehová, toqaqa k'a chi'ak'u'x ri David;
toqaqa chi'ak'u'x ronojel ri tijoj-poqonal ri xuk'owisaj.
2Rija' kan xuya' ri rutzij chawech rat Jehová.
Kan k'o k'a ri xusuj chawe rat ri qa-Dios ri kan k'o uchuq'a' pan aq'a',
ri chuqa' ri at ru-Dios ri Jacob.
3Roma ri' ri David xubij: Yin kan man xkinok ta k'a chupan ri wachoch,
ni man xkijote' ta k'a q'anej pa nuwarabel,
4man xtintz'apej ta k'a qa ri runaq' taq nuwech richin yiwer-qa
ni man xkixku'r ta k'a qa,
5k'a toq xtinwil na ri akuchi xtik'oje-wi ri rachoch ri Jehová;
jun jay richin chi chiri' nik'oje-wi ri nimalej Dios richin ri Jacob.
6Ri chiri' pa tinamit Efrata, yin y ri wachibil xqak'axaj k'a jun rutzijol pa ruwi' ri káxa,
y xojbe chutz'etik chiri' pa juyu' richin Jáar.
7Keri' xqabij chi xqojok-apo akuchi k'o-wi rija',
richin niqaya' ruq'ij akuchi tz'uyul-wi.
8Katok k'a apo chupan ri awachoch, Jehová,
richin junan yak'oje' rik'in ri káxa ri retal ri awuchuq'a'.
Y chiri' xkak'oje-wi tibe-q'ij tibe-seq.
9Ri e a-sacerdote kan xtikiben ta pa ruchojmilal ronojel richin jantape',
y chuqa' kan ta xkekikot k'a konojel ri kan e awichin rat.
10Jehová, roma ri awajowabal pa ruwi' ri ánima David, ri asamajel.
tabana' utzil, man tawewaj-awi' chuwech ri acha'on re wakami.
11Rat xajikiba' k'a atzij chire ri David y kan man xtatzolij ta k'a awi' chire re jikibel-tzij re'
rat xabij k'a chire chi ja ri e rijatzul rija' ri xketz'uye' chupan ri tz'uyubel richin ri q'atbel-tzij.
12Chuqa' xabij chi wi ri ralk'ual nikitaqej ri jikibel-tzij ri',
rije' chuqa' kan xketz'uye' jantape' chupan ri tz'uyubel richin ri q'atbel-tzij ri'.
13Roma rat Jehová kan jak'a ri tinamit Sión ri acha'on.
Jari' k'a ri xawajo' richin chi chiri' yak'oje-wi.
14Xabij k'a chi wawe' k'a xkak'oje-wi jantape',
richin naq'et-tzij tibe-q'ij tibe-seq.
15Xajikiba' chi xtawurtisaj k'a ronojel ri k'o chupan re tinamit re',
xabij chi konojel xtaya' kiway.
16Chuqa' xajikiba' chi ri e sacerdote kan xke'awiq k'a rik'in jebelej taq tzieq,
y ri winaqi' kan xkebixan k'a roma kikoten.
17Xabij chi wawe' xtaben chi xtibejotayin-pe ri ruchuq'a' ri David;
y xtaben chike chi rije' man jun bey xkek'is, achi'el jun saqil ri man jun bey xtik'is.
18Jak'a kik'in ri e etzelanel kichin xtaben chike chi xtisach kik'u'x.
Jak'a ri e rijatzul kan ri David jantape' k'a xkebe pa jotol.
Currently Selected:
Sal 132: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
