Sal 13
13
Ch'owen rik'in ri Dios chupan ri ruk'ayewal*f10*
1Jehová, ¿kan richin kami q'asen xinamestaj kan?
¿kan jantape' ta k'a xtawewaj-awi' chinuwech?
2¿K'a janipe' kami xtitane' ronojel re q'axo'n re'?
¿kan q'ij-q'ij ta k'a xtik'oje' bis pa wánima?
¿kan jantape' ta k'a xtich'akon chuwij ri etzelanel wichin?
3Jehová nu-Dios yin, kinatzu' y kinawak'axaj.
Taya' wuchuq'a' richin man yiken ta roma q'axo'n,
4richin man tikibij ri e etzelanel wichin chi xech'akon chuwij.
Roma wi yin xkitzaq, rije' xa xkekikot chuwij.
5Jak'a yin kan kuqul nuk'u'x rik'in ri ajoyowanik rat Jehová;
kan nikikot ri wánima roma kan yinakol.
6Kan xtinbixaj k'a ri abi' rat Jehová,
roma ri awutzil kan janila nim pa nuwi' yin.
Currently Selected:
Sal 13: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
