Sal 129
129
Jun k'utunik pa kiwi' ri e etzelanel kichin ri israelita*f113*
1Kan k'a pa nuk'ajolil k'a ri janila in kitz'ilon-pe.
Wakami tubij k'a ri tinamit Israel:
2Kan pa rutikeribel-pe ri janila in poqonatajineq-pe,
jak'a kan man e tikirineq ta pe chuwij.
3Kan xkisok k'a ri ruche'el-wij rik'in kolo',
kan xkibolosij k'a kan ri nuch'akul.
4Jak'a ri Jehová kan choj wi ri nuben;
rija' kan xutzak'ila' k'a ri kolo' ri' ri kik'uan ri e etzelanel wichin.
5Konojel ri ye'etzelan ri tinamit Sión,
xkek'ixbitej ta k'a y xketzolej ta chikij.
6Ri winaqi' ri' kan e achi'el ri q'ayis ri nik'iy-pe pa ruwi' jay,
ri xa nichaqi'j-qa y man jani tik'iy jebel.
7Re q'ayis re', man xtiban ta boraj chire,
ni man xtuk'uex ta pa q'etaj roma jun wineq.
8K'ate' ta man jun xtik'utun urtisanik pa kiwi' ri winaqi' ri',
y chuqa' man ta jun xturtisan kichin pa rubi' ri Jehová.
Jak'a roj kan niqak'utuj urtisanik pan iwi' pa rubi' ri Jehová.
Currently Selected:
Sal 129: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
