Sal 126
126
Ri winaqi' nikik'utuj kolotajik*f110*
1Toq ri Jehová xuya' q'ij chiqe richin xojtzolin-pe pa ximonri'il,
xqana' achi'el xa ta jun achik'.
2Kan xojtze'en k'a, y xojsik'in roma kikoten.
Kan xqabixaj bix richin xojkikot.
Jari' toq ri man nikitzeqelibej ta ri Dios xkibij;
Ri Jehová kan xuben nima'q taq banobel kik'in re winaqi' re', xecha'.
3Ja', kan nima'q taq banobel k'a ri xuben ri Jehová qik'in roj,
y roma ri' kan xojkikot.
4Jehová tabana' chiqe chi xqojbe ta chik pa jotol,
kan achi'el k'a ri tz'iran ruwach'ulew ri nik'ases toq niqaqa ri job.
5Ri wineq nuben-qa ri rutiko'n rik'in oq'ej,
jak'a rik'in kikoten xtuk'ol ri ruwech.
6Stape' rik'in oq'ej beneq ri uk'uayon ri ija'tz,
jak'a kan nixiban roma kikoten xtitzolej-pe
y pa taq q'etaj trigo ruk'amon-pe.
Currently Selected:
Sal 126: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
