Pro 31
31
Etamabel-tzij chire ri rey Lemuel
1Wawe' k'a nuchop-el ronojel ri pixa' ri xya'ox chire ri rey Lemuel;
jare' k'a ri pixa' ri k'o chi nutaqej ri xeruya' ri rute' chire, y xubij k'a.
2Wal yin, man taben itzel taq banobel;
man nach'ob naben ri man utz ta, wal yin;
xa mani nach'ob naben itzel, rat ri kan at rurayibel ri wánima yin.
3Man tak'is ri awuchuq'a' kik'in ixoqi',
ni man taben ri banobel ri e tzaqayon-el kichin k'iy rey.
4Chuqa' kan man ruk'amon ta chike ri e rey, achi'el rat Lemuel, nikiqum ta vino pa ruk'iyal;
kan man ruk'amon ta chike ri achi'a' e tata'al, ye'ok ta tijoy taq ya'.
5Man xa roma ri tijoj ya', tikimestaj ri tzij richin ruchojmilal ri kibin chik,
y xa nikimestaj ri choj rukusaxik ri chojmilal, kik'in ri winaqi' ri nikitej poqon.
6Wal yin, ri ya' ri niq'abarisan xa chire ri wineq ri k'o pa ruk'ayewal, xa chire rija' taya-wi;
y ri vino xa chire ri wineq ri nibison, xa chire rija' taya-wi.
7Ri winaqi' ri' kan utz chi nikitej ri ya' ri', richin chi nikimestaj ri ruk'ayewal ri nikiq'axaj;
y rik'in ri keri' xa man xtoqaqa ta chikik'u'x ri kitijoj-poqonal.
8Rat wal yin, kan takusaj k'a ri achi', richin ye'ato' ri winaqi' ri maneq kich'abel;
kan takusaj k'a ri achi' richin chi ye'ato' chuwech ri ruk'ayewal ri nikiq'axaj ri maneq kite-kitata'.
9Kan takusaj k'a ri achi' richin chi pa ruchojmilal yaq'aton-tzij,
y kan kapa'e' k'a chuwech ri ruk'ayewal ri nikik'owisaj ri man jun k'o kik'in y ri yewayjan.
Ri ch'abel chirij jun ixoq ri utzilej ruk'aslen
10¿Nitikir kami jun achin nril jun ixoq ri kan retaman nisamej y kan rik'in ronojel ránima nisamej?
Roma jun ixoq keri', kan más rejqalen chikiwech ri jebelej taq abej ri janila nim kajel.
11Ri rachijil jun ixoq keri', kan rukuquban ruk'u'x rik'in;
ronojel ri ch'akoj ri nuben man jun bey xtibe pa xulan.
12Ri ixoq ri' kan ruyon utz ri nujech-apo chire ri rachijil y man jun bey itzel,
keri' xtuben chupan chijun ri ruk'aslen ri rachijil chuwech re ruwach'ulew.
13Rija' kan niberuk'ama-pe rusumal karne'l y chuqa' ri bo'j;
k'ari' rik'in kikoten nuchop samaj y ri ruq'a' kan jebel k'a retaman nuben ri kem.
14Ri ixoq ri', kan nijunamex ri rusamaj, rik'in ri samaj ri nuben jun barco ri nipe nej,
ri kan k'a juk'an chik nuk'en-wi-pe ronojel ri k'atzinel.
15Rija' kan jukumaj yan niyakatej,
richin chi nitikir yerutzuq konojel ri aj pa rachoch, y ri xtani' ri e raj-ik'a'.
16Kan retaman achike rubanik nuben richin nuloq' jun ulew,
y rik'in ri méro ri ruch'akon roma ri rusamaj nuteq rutikik ruwech ri rulew rik'in uva.
17Rija' kan nubetz' jebel ri rupan,
y rik'in ronojel ruchuq'a' nuchop ri rusamaj.
18Rija' nutz'et chi kan jebel eleneq chuwech ronojel, chi kan k'o ch'akoj;
roma ri' kan nej chik aq'a', k'a tzijil na ri ruq'aq', roma k'a nisamej na.
19Kan ja ri ruq'a' rija' ri nibatz'in ri rubo'j,
y ja rija' ri nikemon ri rutziaq.
20Kan man nuchapapej ta ri ruméro pa ruq'a', xa kan nujeq richin yeruto' ri man jun k'o kik'in;
y kan ja ri' nuyuq ri ruq'a' richin yeruto' ri nik'atzin kiway.
21Kan man nuxibij ta ri' koma ri aj pa rachoch, toq napon ruq'ijul ri pimilej chuma-tew,
roma rije' kan k'o pimilej taq kitziaq richin nikikusaj.
22Ri ixoq ri' kan nuben ri peraj taq tzieq richin nuq'uj rija';
kan nukusaj chuqa' rutziaq ri banon rik'in lino y ri pimilej taq rutziaq.
23Ri rachijil rija' kan nuk'ul ruq'ij, koma ri molaj achi'a' ri yeya'on ruchojmilal chike ri winaqi';
keri' niban chire ri rachijil, toq nitz'uye' chikikojol ri rijita'q achi'a' ri kan k'o kiq'ij chiri' pa kiruwach'ulew.
24Ri ixoq ri' kan yeruben tzieq rik'in lino richin yeruk'ayij;
chuqa' yeruben pas, richin yeruk'ayij chike ri k'ayinela'.
25Ri rutziaq ri ixoq ri', kan nuk'ut chi kan k'o ruq'ij y chi jebel rubanik,
y kan rik'in kikoten royoben-apo ri peteneq ri chua'q-kabij.
26Toq rija' nujeq ri ruchi' richin nich'on, kan rik'in na'oj nich'on;
rija' kan nuk'ut ri pixa' richin joyowanik.
27Rija' kan ruwech chire ronojel ri pa rachoch,
y man jun bey nutej-qa ri xa man jani tuch'ek.
28Ri e ral ri ixoq ri' y ri rachijil kan nikiya' k'a ruq'ij, y nikibij:
29Kan e k'iy wi ixoqi' ri e etaman kiwech roma ri nima'q taq kibanobal.
Jak'a rat, kan más chik jebel ronojel ri abanobal chikiwech rije', yecha' chire.
30Ri jebejoj ok nitzu'un jun ixoq y ri jebel rubanik, xa chi'anin niq'ax;
jak'a ri ixoq ri kan k'o rukiy ri Jehová chuwech, kan xtinimirisex ruq'ij.
31Ri ixoq ri' kan nuna' k'a el ruki'il ronojel ri rusamaj ri xuben;
rija' kan ruk'amon-wi chi niya'ox ruq'ij koma konojel ri winaqi', roma ri samaj ri xuben.
Currently Selected:
Pro 31: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 31
31
Etamabel-tzij chire ri rey Lemuel
1Wawe' k'a nuchop-el ronojel ri pixa' ri xya'ox chire ri rey Lemuel;
jare' k'a ri pixa' ri k'o chi nutaqej ri xeruya' ri rute' chire, y xubij k'a.
2Wal yin, man taben itzel taq banobel;
man nach'ob naben ri man utz ta, wal yin;
xa mani nach'ob naben itzel, rat ri kan at rurayibel ri wánima yin.
3Man tak'is ri awuchuq'a' kik'in ixoqi',
ni man taben ri banobel ri e tzaqayon-el kichin k'iy rey.
4Chuqa' kan man ruk'amon ta chike ri e rey, achi'el rat Lemuel, nikiqum ta vino pa ruk'iyal;
kan man ruk'amon ta chike ri achi'a' e tata'al, ye'ok ta tijoy taq ya'.
5Man xa roma ri tijoj ya', tikimestaj ri tzij richin ruchojmilal ri kibin chik,
y xa nikimestaj ri choj rukusaxik ri chojmilal, kik'in ri winaqi' ri nikitej poqon.
6Wal yin, ri ya' ri niq'abarisan xa chire ri wineq ri k'o pa ruk'ayewal, xa chire rija' taya-wi;
y ri vino xa chire ri wineq ri nibison, xa chire rija' taya-wi.
7Ri winaqi' ri' kan utz chi nikitej ri ya' ri', richin chi nikimestaj ri ruk'ayewal ri nikiq'axaj;
y rik'in ri keri' xa man xtoqaqa ta chikik'u'x ri kitijoj-poqonal.
8Rat wal yin, kan takusaj k'a ri achi', richin ye'ato' ri winaqi' ri maneq kich'abel;
kan takusaj k'a ri achi' richin chi ye'ato' chuwech ri ruk'ayewal ri nikiq'axaj ri maneq kite-kitata'.
9Kan takusaj k'a ri achi' richin chi pa ruchojmilal yaq'aton-tzij,
y kan kapa'e' k'a chuwech ri ruk'ayewal ri nikik'owisaj ri man jun k'o kik'in y ri yewayjan.
Ri ch'abel chirij jun ixoq ri utzilej ruk'aslen
10¿Nitikir kami jun achin nril jun ixoq ri kan retaman nisamej y kan rik'in ronojel ránima nisamej?
Roma jun ixoq keri', kan más rejqalen chikiwech ri jebelej taq abej ri janila nim kajel.
11Ri rachijil jun ixoq keri', kan rukuquban ruk'u'x rik'in;
ronojel ri ch'akoj ri nuben man jun bey xtibe pa xulan.
12Ri ixoq ri' kan ruyon utz ri nujech-apo chire ri rachijil y man jun bey itzel,
keri' xtuben chupan chijun ri ruk'aslen ri rachijil chuwech re ruwach'ulew.
13Rija' kan niberuk'ama-pe rusumal karne'l y chuqa' ri bo'j;
k'ari' rik'in kikoten nuchop samaj y ri ruq'a' kan jebel k'a retaman nuben ri kem.
14Ri ixoq ri', kan nijunamex ri rusamaj, rik'in ri samaj ri nuben jun barco ri nipe nej,
ri kan k'a juk'an chik nuk'en-wi-pe ronojel ri k'atzinel.
15Rija' kan jukumaj yan niyakatej,
richin chi nitikir yerutzuq konojel ri aj pa rachoch, y ri xtani' ri e raj-ik'a'.
16Kan retaman achike rubanik nuben richin nuloq' jun ulew,
y rik'in ri méro ri ruch'akon roma ri rusamaj nuteq rutikik ruwech ri rulew rik'in uva.
17Rija' kan nubetz' jebel ri rupan,
y rik'in ronojel ruchuq'a' nuchop ri rusamaj.
18Rija' nutz'et chi kan jebel eleneq chuwech ronojel, chi kan k'o ch'akoj;
roma ri' kan nej chik aq'a', k'a tzijil na ri ruq'aq', roma k'a nisamej na.
19Kan ja ri ruq'a' rija' ri nibatz'in ri rubo'j,
y ja rija' ri nikemon ri rutziaq.
20Kan man nuchapapej ta ri ruméro pa ruq'a', xa kan nujeq richin yeruto' ri man jun k'o kik'in;
y kan ja ri' nuyuq ri ruq'a' richin yeruto' ri nik'atzin kiway.
21Kan man nuxibij ta ri' koma ri aj pa rachoch, toq napon ruq'ijul ri pimilej chuma-tew,
roma rije' kan k'o pimilej taq kitziaq richin nikikusaj.
22Ri ixoq ri' kan nuben ri peraj taq tzieq richin nuq'uj rija';
kan nukusaj chuqa' rutziaq ri banon rik'in lino y ri pimilej taq rutziaq.
23Ri rachijil rija' kan nuk'ul ruq'ij, koma ri molaj achi'a' ri yeya'on ruchojmilal chike ri winaqi';
keri' niban chire ri rachijil, toq nitz'uye' chikikojol ri rijita'q achi'a' ri kan k'o kiq'ij chiri' pa kiruwach'ulew.
24Ri ixoq ri' kan yeruben tzieq rik'in lino richin yeruk'ayij;
chuqa' yeruben pas, richin yeruk'ayij chike ri k'ayinela'.
25Ri rutziaq ri ixoq ri', kan nuk'ut chi kan k'o ruq'ij y chi jebel rubanik,
y kan rik'in kikoten royoben-apo ri peteneq ri chua'q-kabij.
26Toq rija' nujeq ri ruchi' richin nich'on, kan rik'in na'oj nich'on;
rija' kan nuk'ut ri pixa' richin joyowanik.
27Rija' kan ruwech chire ronojel ri pa rachoch,
y man jun bey nutej-qa ri xa man jani tuch'ek.
28Ri e ral ri ixoq ri' y ri rachijil kan nikiya' k'a ruq'ij, y nikibij:
29Kan e k'iy wi ixoqi' ri e etaman kiwech roma ri nima'q taq kibanobal.
Jak'a rat, kan más chik jebel ronojel ri abanobal chikiwech rije', yecha' chire.
30Ri jebejoj ok nitzu'un jun ixoq y ri jebel rubanik, xa chi'anin niq'ax;
jak'a ri ixoq ri kan k'o rukiy ri Jehová chuwech, kan xtinimirisex ruq'ij.
31Ri ixoq ri' kan nuna' k'a el ruki'il ronojel ri rusamaj ri xuben;
rija' kan ruk'amon-wi chi niya'ox ruq'ij koma konojel ri winaqi', roma ri samaj ri xuben.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.