Pro 30
30
Ri etamabel taq tzij ri e richin kan ri Agur
1Re etamabel taq tzij re', e richin ri Agur, ri ruk'ajol ri Jaqué, ri aj-Masá;
re tzij re' jare' ri xubij chire ri Itiel y chire ri Ucal.
2Ri Agur xubij k'a: Ja la'eq yin ri achin ri más maneq wetamabal chikiwech konojel ri winaqi';
kan maneq ri nojibel wik'in, achi'el ri k'o kik'in ri ch'aqa' chik winaqi'.
3Yin kan man wilon ta k'a ri na'oj ri k'o kik'in ri nima'q taq winaqi',
ni ri etamabel ri richin ri k'aslen ri nujech'ej-ri' chire ri k'aslen rik'in ri Dios.
4¿Kan k'o ta kami jun wineq ri xbe yan chila' chikaj y xtzolin ta chik pe?
¿Kan k'o ta kami jun wineq ri nitikir nuchop ri kaq'iq' rik'in ri ruq'a'?
¿Kan k'o ta kami jun ri nitikir nuyek ri ya' pa jun tzieq?
¿Kan k'o ta k'a kami jun ri nitikir nuya' retal ri akuchi k'o-wi ri ruchi' ri ruwach'ulew?
¿Y achike kami etamayon rubi' ri nitikir nibanon keri', y retaman ta rubi' ri ruk'ajol?
5Chikijujunal ri rutzij ri Dios kan e ch'ajch'oj e ch'ajch'oj;
y rija' kan achi'el k'a jun tobel, ri akuchi utz nikito-ki' ri winaqi', ri kan nikikuquba' kik'u'x rik'in.
6Roma ri' rat man tipe pan anojibal chi ri ruch'abel k'a k'o nrajo', y naya-q'anej rutz'aqat;
roma man xa tiqaqa ruk'ayewal pan awi' y yak'ulun chuwech chi at jun tz'ukuy-tzij.
7Nimalej Dios: Yin xaxe k'a ka'i' rurayibel ri wánima ri nuk'utun chawe,
y ninwajo' chi naya' ta chuwe rokik k'a man jani yiken.
8Ri nurayibel, ja ri man taya' q'ij chi yenq'ol ri winaqi' y man ta nintz'uk-tzij;
y chuqa' man taya' meba'il ni beyomel chuwe, xaxe taya' ri nuway ri nik'atzin chuwe.
9Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe,
o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.
10Man jun bey tayek-tzij chirij jun loq'on samajel, chuwech ri rajaw;
roma man xa troyoj itzel pan awi' y natej poqon roma ri'.
11Ek'o sol winaqi' ri nikiben itzel oyonik pa ruwi' ri kitata',
y chuqa' kan man nikiya' ta ruq'ij ri kite',
12Ek'o sol winaqi' ri kan nikich'ob-qa chi jebel e ch'ajch'oj,
y xa k'a man jani e ch'ajch'ojirisan ta chire ri tz'il k'aslen.
13Ek'o chuqa' sol winaqi' ri kan janila kinimirisan-ki',
y chikiwech rije', kan man jun kiq'ij ri ch'aqa' chik winaqi'.
14Y ek'o sol winaqi' ri kan achi'el espada ri key y kan achi'el jun cuchillo ri cholaj key ri k'o pa xulan;
y jare' ri nibanon chi yek'is-el ri meba'i' y ri maneq kuchuq'a' chuwech re ruwach'ulew.
15Ri jut rubini'an sanguijuéla ek'o ka'i' ral, ri kan jantape' nikibij: Taya' qaway, taya' qaway;
chuqa' chuwech re ruwach'ulew ek'o e oxi' ri man nikuqer ta kik'u'x, xa kan jantape' k'o ri nikajo';
y k'o chik jun rukaj ri chaq nrajo' y nrajo' y man jun bey ri nubij ta, ni chik.
16Ri jun, ja ri jul kichin kaminaqi'; ri ruka'n, ja ri ixoq ri man nik'oje' ta ral;
ri rox, ja ri chaqilej ulew, ri jantape' nrajo' job; y k'o jun rukaj, ja ri q'aq' ri man jun bey nubij, ni chik.
17Ri wineq ri kan nuk'ut rik'in ri runaq' taq ruwech, chi xa nretzelaj ri rutata' y xa man niqa' ta chuwech nunimaj rutzij ri rute';
xa tuk'uex ri pa taq siwan, ri kojol juyu';
ke'elesex ri runaq' taq ruwech koma ri qo'ch y titij ri ruch'akul koma ri alaji' taq kot.
18Ek'o oxi' banobel ri e nutz'eton yin y man yeq'ax ta chinuwech,
y ri rukaj xa man wetaman ta chuqa'.
19Ri jun, ja ri rubey ri nuben kan ri kot toq niq'ax ri pa kaq'iq',
ri ruka'n, ja ri retal ri nuya' kan ri kumetz toq tijilil niq'ax pa ruwi' ri abej,
ri rox, ja ri retal ri nuya' kan ri juku' toq beneq pa ruwi' ri ya',
y ri rukaj, ri man wetaman ta, ja ri retal ri nuya' kan ri achin rik'in jun xten.
20Keri' nibanatej rik'in ri ixoq k'ulan, ri nik'oje' kik'in achi'a';
chuwech rija', xa achi'el toq niwa', nusu' ri chi ruchi' y k'ari' nubij chi man jun itzel rubanon.
21K'o oxi' banobel ri achike roma toq ri winaqi' chuwech re ruwach'ulew, nikixibij-ki';
y ri rukaj kan nuben chike chi achi'el xa man nikikoch' ta.
22Ri jun, ja wi jun loq'on samajel niban-q'anej rey chire;
ri ruka'n, ja ri wineq ri maneq runa'oj y kan jebel niwa' q'ij-q'ij;
23ri rox, ja ri xten ri man jun najowan chi nik'ule' rik'in y toq nak'axatej xa xk'ule' yan;
y ri rukaj, ja toq ri xten loq'on samajel, xa ja chik ri' ri nik'oje' kan pa ruk'exel ri ixoq, ri rajaw.
24Ek'o k'a kaji' kokoj taq chikopi' chuwech re ruwach'ulew,
y re taq chikopi' re' kan más k'a kina'oj chikiwech ri winaqi' aj-na'oj:
25Ri jun, ja ri sanika', ri kik'uan-ki' achi'el jun tinamit winaqi' ri xa maneq kuchuq'a',
man rik'in wi ri' rije' nikimol kan kiway y nikiyek kan ri pa saq'ij.
26Ri ruka'n, ja ri umula', chikopi' ri man kan ta k'o kuchuq'a';
jak'a kan ketaman chi ja ri kojol taq abej, nikiben-wi taq kijul.
27Ri rox, ja ri sak', roma stape' xa maneq jun rey ri uk'uayon ta kichin,
man rik'in ri', kan pa taq tzobaj kik'ualon-ki' toq yebe.
28Ri rukaj, ja ri spa'ch, ri kan tikirel chi nachop rik'in aq'a';
y kan nuben rachoch chupan ri rachoch ri rey.
29Oxi' k'a kiwech chikopi' ri ek'o, ri kan namey rubanik ri yebiyin;
jak'a ri rukaj, toq nibiyin kan q'alaj chi k'o ruq'ij.
30Ri jun, ja ri koj, ri chikop ri k'o más ruchuq'a' chikiwech ri junan kichakalen;
ri kan man jun achoq chuwech ri nuxibij ta ri'.
31Ri ruka'n chikop, ja ri mama', ri ruyuqun ri ruqul y nuk'ut ri ruwa-ruk'u'x nibiyaj;
ri rox chikop, ja ri achij tzuntzun;
y ri rukaj, ja ri rey, ri nabeyajineq-el chuwech ri rutinamit.
32Wi rat kan naya' k'a q'anej aq'ij ayon, kan q'alaj chi maneq ana'oj,
o wi rat xa xepe itzel taq na'oj ri pan awánima, xa tatz'apej ri achi' rik'in ri aq'a'.
33Wi rat natuk-natuk ri leche, xa xtuchoyij-ri';
wi rat nakiraj ri atza'n, xa xtibe'el-pe kik';
y wi rat kan naben chi nibe'el-pe ri ch'upun-k'u'x, kan naben chi nibeyakatej-pe oyowal.
Currently Selected:
Pro 30: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 30
30
Ri etamabel taq tzij ri e richin kan ri Agur
1Re etamabel taq tzij re', e richin ri Agur, ri ruk'ajol ri Jaqué, ri aj-Masá;
re tzij re' jare' ri xubij chire ri Itiel y chire ri Ucal.
2Ri Agur xubij k'a: Ja la'eq yin ri achin ri más maneq wetamabal chikiwech konojel ri winaqi';
kan maneq ri nojibel wik'in, achi'el ri k'o kik'in ri ch'aqa' chik winaqi'.
3Yin kan man wilon ta k'a ri na'oj ri k'o kik'in ri nima'q taq winaqi',
ni ri etamabel ri richin ri k'aslen ri nujech'ej-ri' chire ri k'aslen rik'in ri Dios.
4¿Kan k'o ta kami jun wineq ri xbe yan chila' chikaj y xtzolin ta chik pe?
¿Kan k'o ta kami jun wineq ri nitikir nuchop ri kaq'iq' rik'in ri ruq'a'?
¿Kan k'o ta kami jun ri nitikir nuyek ri ya' pa jun tzieq?
¿Kan k'o ta k'a kami jun ri nitikir nuya' retal ri akuchi k'o-wi ri ruchi' ri ruwach'ulew?
¿Y achike kami etamayon rubi' ri nitikir nibanon keri', y retaman ta rubi' ri ruk'ajol?
5Chikijujunal ri rutzij ri Dios kan e ch'ajch'oj e ch'ajch'oj;
y rija' kan achi'el k'a jun tobel, ri akuchi utz nikito-ki' ri winaqi', ri kan nikikuquba' kik'u'x rik'in.
6Roma ri' rat man tipe pan anojibal chi ri ruch'abel k'a k'o nrajo', y naya-q'anej rutz'aqat;
roma man xa tiqaqa ruk'ayewal pan awi' y yak'ulun chuwech chi at jun tz'ukuy-tzij.
7Nimalej Dios: Yin xaxe k'a ka'i' rurayibel ri wánima ri nuk'utun chawe,
y ninwajo' chi naya' ta chuwe rokik k'a man jani yiken.
8Ri nurayibel, ja ri man taya' q'ij chi yenq'ol ri winaqi' y man ta nintz'uk-tzij;
y chuqa' man taya' meba'il ni beyomel chuwe, xaxe taya' ri nuway ri nik'atzin chuwe.
9Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe,
o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.
10Man jun bey tayek-tzij chirij jun loq'on samajel, chuwech ri rajaw;
roma man xa troyoj itzel pan awi' y natej poqon roma ri'.
11Ek'o sol winaqi' ri nikiben itzel oyonik pa ruwi' ri kitata',
y chuqa' kan man nikiya' ta ruq'ij ri kite',
12Ek'o sol winaqi' ri kan nikich'ob-qa chi jebel e ch'ajch'oj,
y xa k'a man jani e ch'ajch'ojirisan ta chire ri tz'il k'aslen.
13Ek'o chuqa' sol winaqi' ri kan janila kinimirisan-ki',
y chikiwech rije', kan man jun kiq'ij ri ch'aqa' chik winaqi'.
14Y ek'o sol winaqi' ri kan achi'el espada ri key y kan achi'el jun cuchillo ri cholaj key ri k'o pa xulan;
y jare' ri nibanon chi yek'is-el ri meba'i' y ri maneq kuchuq'a' chuwech re ruwach'ulew.
15Ri jut rubini'an sanguijuéla ek'o ka'i' ral, ri kan jantape' nikibij: Taya' qaway, taya' qaway;
chuqa' chuwech re ruwach'ulew ek'o e oxi' ri man nikuqer ta kik'u'x, xa kan jantape' k'o ri nikajo';
y k'o chik jun rukaj ri chaq nrajo' y nrajo' y man jun bey ri nubij ta, ni chik.
16Ri jun, ja ri jul kichin kaminaqi'; ri ruka'n, ja ri ixoq ri man nik'oje' ta ral;
ri rox, ja ri chaqilej ulew, ri jantape' nrajo' job; y k'o jun rukaj, ja ri q'aq' ri man jun bey nubij, ni chik.
17Ri wineq ri kan nuk'ut rik'in ri runaq' taq ruwech, chi xa nretzelaj ri rutata' y xa man niqa' ta chuwech nunimaj rutzij ri rute';
xa tuk'uex ri pa taq siwan, ri kojol juyu';
ke'elesex ri runaq' taq ruwech koma ri qo'ch y titij ri ruch'akul koma ri alaji' taq kot.
18Ek'o oxi' banobel ri e nutz'eton yin y man yeq'ax ta chinuwech,
y ri rukaj xa man wetaman ta chuqa'.
19Ri jun, ja ri rubey ri nuben kan ri kot toq niq'ax ri pa kaq'iq',
ri ruka'n, ja ri retal ri nuya' kan ri kumetz toq tijilil niq'ax pa ruwi' ri abej,
ri rox, ja ri retal ri nuya' kan ri juku' toq beneq pa ruwi' ri ya',
y ri rukaj, ri man wetaman ta, ja ri retal ri nuya' kan ri achin rik'in jun xten.
20Keri' nibanatej rik'in ri ixoq k'ulan, ri nik'oje' kik'in achi'a';
chuwech rija', xa achi'el toq niwa', nusu' ri chi ruchi' y k'ari' nubij chi man jun itzel rubanon.
21K'o oxi' banobel ri achike roma toq ri winaqi' chuwech re ruwach'ulew, nikixibij-ki';
y ri rukaj kan nuben chike chi achi'el xa man nikikoch' ta.
22Ri jun, ja wi jun loq'on samajel niban-q'anej rey chire;
ri ruka'n, ja ri wineq ri maneq runa'oj y kan jebel niwa' q'ij-q'ij;
23ri rox, ja ri xten ri man jun najowan chi nik'ule' rik'in y toq nak'axatej xa xk'ule' yan;
y ri rukaj, ja toq ri xten loq'on samajel, xa ja chik ri' ri nik'oje' kan pa ruk'exel ri ixoq, ri rajaw.
24Ek'o k'a kaji' kokoj taq chikopi' chuwech re ruwach'ulew,
y re taq chikopi' re' kan más k'a kina'oj chikiwech ri winaqi' aj-na'oj:
25Ri jun, ja ri sanika', ri kik'uan-ki' achi'el jun tinamit winaqi' ri xa maneq kuchuq'a',
man rik'in wi ri' rije' nikimol kan kiway y nikiyek kan ri pa saq'ij.
26Ri ruka'n, ja ri umula', chikopi' ri man kan ta k'o kuchuq'a';
jak'a kan ketaman chi ja ri kojol taq abej, nikiben-wi taq kijul.
27Ri rox, ja ri sak', roma stape' xa maneq jun rey ri uk'uayon ta kichin,
man rik'in ri', kan pa taq tzobaj kik'ualon-ki' toq yebe.
28Ri rukaj, ja ri spa'ch, ri kan tikirel chi nachop rik'in aq'a';
y kan nuben rachoch chupan ri rachoch ri rey.
29Oxi' k'a kiwech chikopi' ri ek'o, ri kan namey rubanik ri yebiyin;
jak'a ri rukaj, toq nibiyin kan q'alaj chi k'o ruq'ij.
30Ri jun, ja ri koj, ri chikop ri k'o más ruchuq'a' chikiwech ri junan kichakalen;
ri kan man jun achoq chuwech ri nuxibij ta ri'.
31Ri ruka'n chikop, ja ri mama', ri ruyuqun ri ruqul y nuk'ut ri ruwa-ruk'u'x nibiyaj;
ri rox chikop, ja ri achij tzuntzun;
y ri rukaj, ja ri rey, ri nabeyajineq-el chuwech ri rutinamit.
32Wi rat kan naya' k'a q'anej aq'ij ayon, kan q'alaj chi maneq ana'oj,
o wi rat xa xepe itzel taq na'oj ri pan awánima, xa tatz'apej ri achi' rik'in ri aq'a'.
33Wi rat natuk-natuk ri leche, xa xtuchoyij-ri';
wi rat nakiraj ri atza'n, xa xtibe'el-pe kik';
y wi rat kan naben chi nibe'el-pe ri ch'upun-k'u'x, kan naben chi nibeyakatej-pe oyowal.
Kaqchikel Bible © Bible Society in Guatemala, 2003.