Neh 2
2
Ri Artajerjes nuteq-el ri Nehemías pa Jerusalem
1Yin in rusamajel k'a ri rey Artajerjes, y ri nusamaj jak'a ri ninpej vino chire rija'. Y jun q'ij chupan ri ik' Nisán, toq yin ninpej-apo ri vino richin ninjech-apo chire, rija' xutz'et ajk'a chi yin yibison y man jun bey in rutz'eton ta keri'. 2Y roma ri' ri rey xuk'utuj chuwe: ¿Achike k'a abanon? La yatzu'un nuk'ut chi k'o ak'uluwachin, roma rat xa man at yawa' ta y kan janila nibison ri awánima, xcha'. Y toq ri rey keri' xubij chuwe, kan janila xinxibij-wi' chuwech.
3Y yin kere' k'a xinbij chire ri rey: Kan xkak'ase' ta k'a jantape' rat rey. ¿Achike ta k'a roma man ta xtibison ri wánima toq ri nutinamit ri akuchi e muqul chuqa' ri aj pa rachoch ri nata' wuluwik wakami y ri tz'alem richin ri ruchi' ri tz'aq e k'atineq roma ri q'aq'?, xicha' chire.
4Y jari' toq ri rey xubij chuwe ri achike nitikir yirutobej. Jari' toq yin xink'utuj chire ri aj-chikajil Dios, richin yiruto'. 5Y xinbij k'a chire ri rey: Xa ta utz chawech rat y xa ta ri asamajel qajineq ta chawech, nink'utuj k'a utzil chawe chi taya' q'ij chuwe richin chi yibe k'a pa Judá, k'a chupan ri tinamit akuchi e muqul-wi ri wati't-numama', richin ninyek chik q'anej ri tinamit, xicha' chire.
6Y rija' xubij chuwe: ¿Jampe' k'a ri nabebana' ta y jampe' xkatzolin-pe? Y toq xinbij chire jampe' ninbenbana', kan xqa' k'a chuwech ri rey y xuya' k'a q'ij chuwe richin xibe, y ri rixjayil tz'uyul k'a apo xeruxikin. 7Y chuqa' xinbij chire ri rey: Xa ta utz nuben chawech rat, nitz'ibex ta el jun wuj chike ri aj-raqen pa ruwi' ri ruwach'ulew ri ek'o juk'an chire ri raqen-ya' Éufrates, akuchi nik'utux-wi-el chi tikiya' q'ij richin yiq'ax-el richin yinapon k'a pa Judá. 8Y chuqa' naya' ta el jun wuj chuwe richin ninya' chire ri Asaf ri nichajin ri k'echelaj ri awichin rat, richin tuya' juba' che' chuwe richin ninkusaj chire ri ruchi-jay richin tobel, ri ruchi' ri tz'aq richin ri tinamit y chuqa' richin ri jay akuchi xkik'oje-wi yin, xicha' chire. Y ronojel k'a ri xink'utuj chire ri Artajerjes, kan xuya' chuwe, roma ri loq'olej ruq'a' ri Jehová xuya' pa nuwi'.
9Y chuqa' rija' xeruteq-el wik'in achi'a' ri yech'oke' chirij kiej y achi'a' ri nima'q taq kiq'ij ri ek'o pa kiwi' ri aj-labal. Y toq xojapon kik'in ri aj-raqen pa kiwi' ri ruwach'ulew ri ek'o pa qajbel-q'ij chire ri raqen-ya', xinjech-apo ri wuj chike ri e rutz'iban-el ri rey. 10Jak'a toq xkak'axaj re', ri Sambalat aj-Horón y ri Tobías aj-raqen aj-Amón. Rije' man xqa' ta chikiwech, roma yin xinapon richin yento' ri nuwinaq israelita.
Ri Nehemías xberunik'oj ri tz'aq
11Xinapon k'a pa Jerusalem y toq q'axineq chik oxi' q'ij, 12xiyakatej k'a el chaq'a' yin y ka'i-oxi' achi'a' wik'in, y man jun achoq chire xinbij-wi ri xuya' ri Dios pa wánima ri k'o chi xtinben chiri' pa Jerusalem. Y kan xaxe k'a yin ri in ch'okol-el chirij kiej.
13Xojel k'a el chuchi' ri tinamit ri napon-qa kojol juyu' y xojbe akuchi k'o ri ralaxbel-ya' ri rubini'an Dragón, y k'a chuchi' ri toribel q'ayis. Chiri' xqatzu' k'a chijun ri tz'aq ri tzaqineq. Keri' chuqa' ri ruchi' xeruk'is q'aq'. 14Xinik'o chuchi' ri ralaxbel-ya' ri akuchi nuyek-wi ri ruya' ri rey, y chiri' k'a xinya' kan ri nukiej roma man xtikir ta xq'ax. 15K'a q'equ'm na xibe-q'anej akuchi niq'ax ri ko'ol raqen-ya', chiri' k'a xintz'et ri tz'aq, y xitzolin-el akuchi ri in peteneq-wi.
16Ri aj-raqen richin ri rey man xinkinabej ta akuchi xibe-wi yin, chuqa' man xinkinabej ta achike xinbenbana' yin chiri'. K'a man jajun tinbij chike ri sacerdote, ni chike ri tata'al, ni ta chike ri aj-raqen, ni ta ri ch'aqa' chik nuwinaq, ni ri e aj samaj richin ri rey. 17Ri jun chik q'ij, xinbij k'a chike: Rix nitz'et chi ojk'o pa jun ruk'ayewal: Ri Jerusalem wuluwik wakami y ronojel ri ruchi' xeruk'is q'aq'. Kixanpe y kinito' y qapaba' chik q'anej jun bey ri tz'aq, richin man chik tiqaya' q'ij richin chi yojkik'ixbisaj ri e etzelanel qichin, xicha'.
18Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'. 19Jak'a toq xkak'axaj ri Sambalat, ri Tobías y ri Guésem. Xojkitze'ej, xojkiyojobej, y xkibij k'a chiqe: ¿Achike chik k'a ri niben rix? ¿Rix kan niwajo' yixyakatej chirij ri rey Artajerjes?, xecha'.
20Jak'a yin xinbij chike: Ri Dios ri rajaw ri kaj, ja rija' ri xtibanon chi utz xtibe chiqawech y roj ri oj rusamajela' xqojyakatej y xtiqayek k'a q'anej re Jerusalem. Jak'a rix kan man xkixilon ta, ni ta xtiq'et-tzij y kan man xkixnatex ta chik wawe', xicha' k'a chike.
Currently Selected:
Neh 2: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Neh 2
2
Ri Artajerjes nuteq-el ri Nehemías pa Jerusalem
1Yin in rusamajel k'a ri rey Artajerjes, y ri nusamaj jak'a ri ninpej vino chire rija'. Y jun q'ij chupan ri ik' Nisán, toq yin ninpej-apo ri vino richin ninjech-apo chire, rija' xutz'et ajk'a chi yin yibison y man jun bey in rutz'eton ta keri'. 2Y roma ri' ri rey xuk'utuj chuwe: ¿Achike k'a abanon? La yatzu'un nuk'ut chi k'o ak'uluwachin, roma rat xa man at yawa' ta y kan janila nibison ri awánima, xcha'. Y toq ri rey keri' xubij chuwe, kan janila xinxibij-wi' chuwech.
3Y yin kere' k'a xinbij chire ri rey: Kan xkak'ase' ta k'a jantape' rat rey. ¿Achike ta k'a roma man ta xtibison ri wánima toq ri nutinamit ri akuchi e muqul chuqa' ri aj pa rachoch ri nata' wuluwik wakami y ri tz'alem richin ri ruchi' ri tz'aq e k'atineq roma ri q'aq'?, xicha' chire.
4Y jari' toq ri rey xubij chuwe ri achike nitikir yirutobej. Jari' toq yin xink'utuj chire ri aj-chikajil Dios, richin yiruto'. 5Y xinbij k'a chire ri rey: Xa ta utz chawech rat y xa ta ri asamajel qajineq ta chawech, nink'utuj k'a utzil chawe chi taya' q'ij chuwe richin chi yibe k'a pa Judá, k'a chupan ri tinamit akuchi e muqul-wi ri wati't-numama', richin ninyek chik q'anej ri tinamit, xicha' chire.
6Y rija' xubij chuwe: ¿Jampe' k'a ri nabebana' ta y jampe' xkatzolin-pe? Y toq xinbij chire jampe' ninbenbana', kan xqa' k'a chuwech ri rey y xuya' k'a q'ij chuwe richin xibe, y ri rixjayil tz'uyul k'a apo xeruxikin. 7Y chuqa' xinbij chire ri rey: Xa ta utz nuben chawech rat, nitz'ibex ta el jun wuj chike ri aj-raqen pa ruwi' ri ruwach'ulew ri ek'o juk'an chire ri raqen-ya' Éufrates, akuchi nik'utux-wi-el chi tikiya' q'ij richin yiq'ax-el richin yinapon k'a pa Judá. 8Y chuqa' naya' ta el jun wuj chuwe richin ninya' chire ri Asaf ri nichajin ri k'echelaj ri awichin rat, richin tuya' juba' che' chuwe richin ninkusaj chire ri ruchi-jay richin tobel, ri ruchi' ri tz'aq richin ri tinamit y chuqa' richin ri jay akuchi xkik'oje-wi yin, xicha' chire. Y ronojel k'a ri xink'utuj chire ri Artajerjes, kan xuya' chuwe, roma ri loq'olej ruq'a' ri Jehová xuya' pa nuwi'.
9Y chuqa' rija' xeruteq-el wik'in achi'a' ri yech'oke' chirij kiej y achi'a' ri nima'q taq kiq'ij ri ek'o pa kiwi' ri aj-labal. Y toq xojapon kik'in ri aj-raqen pa kiwi' ri ruwach'ulew ri ek'o pa qajbel-q'ij chire ri raqen-ya', xinjech-apo ri wuj chike ri e rutz'iban-el ri rey. 10Jak'a toq xkak'axaj re', ri Sambalat aj-Horón y ri Tobías aj-raqen aj-Amón. Rije' man xqa' ta chikiwech, roma yin xinapon richin yento' ri nuwinaq israelita.
Ri Nehemías xberunik'oj ri tz'aq
11Xinapon k'a pa Jerusalem y toq q'axineq chik oxi' q'ij, 12xiyakatej k'a el chaq'a' yin y ka'i-oxi' achi'a' wik'in, y man jun achoq chire xinbij-wi ri xuya' ri Dios pa wánima ri k'o chi xtinben chiri' pa Jerusalem. Y kan xaxe k'a yin ri in ch'okol-el chirij kiej.
13Xojel k'a el chuchi' ri tinamit ri napon-qa kojol juyu' y xojbe akuchi k'o ri ralaxbel-ya' ri rubini'an Dragón, y k'a chuchi' ri toribel q'ayis. Chiri' xqatzu' k'a chijun ri tz'aq ri tzaqineq. Keri' chuqa' ri ruchi' xeruk'is q'aq'. 14Xinik'o chuchi' ri ralaxbel-ya' ri akuchi nuyek-wi ri ruya' ri rey, y chiri' k'a xinya' kan ri nukiej roma man xtikir ta xq'ax. 15K'a q'equ'm na xibe-q'anej akuchi niq'ax ri ko'ol raqen-ya', chiri' k'a xintz'et ri tz'aq, y xitzolin-el akuchi ri in peteneq-wi.
16Ri aj-raqen richin ri rey man xinkinabej ta akuchi xibe-wi yin, chuqa' man xinkinabej ta achike xinbenbana' yin chiri'. K'a man jajun tinbij chike ri sacerdote, ni chike ri tata'al, ni ta chike ri aj-raqen, ni ta ri ch'aqa' chik nuwinaq, ni ri e aj samaj richin ri rey. 17Ri jun chik q'ij, xinbij k'a chike: Rix nitz'et chi ojk'o pa jun ruk'ayewal: Ri Jerusalem wuluwik wakami y ronojel ri ruchi' xeruk'is q'aq'. Kixanpe y kinito' y qapaba' chik q'anej jun bey ri tz'aq, richin man chik tiqaya' q'ij richin chi yojkik'ixbisaj ri e etzelanel qichin, xicha'.
18Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'. 19Jak'a toq xkak'axaj ri Sambalat, ri Tobías y ri Guésem. Xojkitze'ej, xojkiyojobej, y xkibij k'a chiqe: ¿Achike chik k'a ri niben rix? ¿Rix kan niwajo' yixyakatej chirij ri rey Artajerjes?, xecha'.
20Jak'a yin xinbij chike: Ri Dios ri rajaw ri kaj, ja rija' ri xtibanon chi utz xtibe chiqawech y roj ri oj rusamajela' xqojyakatej y xtiqayek k'a q'anej re Jerusalem. Jak'a rix kan man xkixilon ta, ni ta xtiq'et-tzij y kan man xkixnatex ta chik wawe', xicha' k'a chike.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.