Lev 3
3
Sipanik richin nijunamatej-ruwech ri wineq rik'in ri Dios
1Y chuqa' xubij ri Jehová: Wi ta ri sipanik kan richin ta nijunamatej ruwech ri wineq wik'in, y wi nuk'en ta pe jun chike ri wákix, ixoq o achij, k'o chi kan tz'aqet richin nusuj chinuwech yin Jehová. 2Ri rajaw xtuya' ri ruq'a' pa ruwi' ri chikop y xtukamisaj chuchi' ri wachoch richin molojri'il, y ri e sacerdote ri e rijatzul ri Aarón xtikichikaj ri kik' chi kaji' ruwech ri porobel y pa taq ruxikin.
3Ri rajaw ri chikop xtusuj ri rusipanik richin nijunamatej-ruwech wik'in; k'o chi nusuj ri ruq'anal ri k'o chirij ri rixkolob y chuqa' ri k'o chirij ri rupan. 4Y xtusuj chuqa' ronojel ri q'en ri k'o chikij ri e ka'i' rukinaq', ri k'o chirij ri tzan-racheq, y chuqa' ri q'en ri k'o chirij ri rusase'. 5K'ari' ri e sacerdote ri e rijatzul ri Aarón xtikiporoj ronojel re' pa ruwi' ri porobel richin jun sipanik poron; y re' kan nijubulin chinuwech yin.
6Wi ta ri rusipanik ri nuk'en-pe jun ta chike ri karne'l o tzuntzun, ixoq o achij, k'o chi kan tz'aqet. 7Wi nusuj jun karne'l k'o chi jun rujuna' toq xtusuj chinuwech yin. 8Ri rajaw xtuya' ri ruq'a' pa ruwi' ri chikop, y k'ari' xtukamisaj chuchi' ri wachoch. K'ari' ri sacerdote nikichikaj ri kik' chi kaji' ruwech ri porobel y pa taq ruxikin.
9Ri rajaw ri chikop richin ri sipanik richin nijunamatej-ruwech wik'in, k'o chi nusuj chinuwech jun sipanik ri niporox: Nusuj ri chijun ri ruq'anal, chijun ri rujey ri qupin-pe chunaqaj ri che'el-rij, ri q'en ri k'o chirij ri rixkolob y chuqa' ri k'o chirij ri rupan, 10ri ka'i' rukinaq' y ri ruq'anal ri k'o chirij, ri q'en ri k'o chirij ri tzan-racheq, y ri rusase'. 11Y ri sacerdote xtuporoj ronojel re' pa ruwi' ri porobel; ri sipanik ri xtisuj chinuwech yin achi'el jun q'utun.
12Wi nusuj jun tzuntzun, kan xtusuj k'a chinuwech yin. 13Ri rajaw xtuya' ri ruq'a' pa ruwi' ri chikop, y k'ari' xtukamisaj chuchi' ri wachoch. K'ari' ri e sacerdote nikichikaj ri kik' chi kaji' ruwech ri porobel y pa taq ruxikin.
14K'ari' xtusuj ri rusipanik ri niporox chinuwech yin: ri q'en ri k'o chirij ri rupan y ri k'o chirij ri rixkolob, 15y ri e ka'i' rukinaq' y ri ruq'anal ri k'o chirij, y ri q'en ri k'o chirij ri tzan-racheq, y ri rusase'. 16Y ri sacerdote xtuporoj ronojel re' pa ruwi' ri porobel, y re' kan nijubulin chinuwech: Ri sipanik ri' xtisuj chinuwech yin achi'el jun q'utun. Ronojel q'en kan wichin yin. 17Man titej k'a ri q'en ni ta ri kik'. Re' jun ruchojmilal richin jantape'; y chuqa' kichin ri iwijatzul, y xabakuchi ta k'a ixk'o-wi, xcha' ri Jehová.
Currently Selected:
Lev 3: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
