2 Rey 24
24
1Chirij re' ri Nabucodonosor, rey richin Babilonia, xok chupan ri ruwach'ulew Judá, y ri Joaquim kan xk'oje' k'a chuxe' rutzij ri Nabucodonosor. Jak'a toq xtz'aqet oxi' juna', ri Joaquim xa xujel ri ruch'obonik y xyakatej chirij. 2Y ri Jehová xeruteq tzobaj aj-labal aj-Babilonia, aj-Siria, aj-Moab y aj-Amón chirij ri Joaquim richin nikik'is ri Judá, kan achi'el xubij ri Jehová roma ri q'alajirisey ruch'abel. 3Kere' xkik'uluwachij ri winaqi' aj-Judá, kan achi'el xubij ri Jehová, richin xerelesaj-el chuwech roma ri mak ri xuben ri Manasés. 4Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.
5Ri ch'aqa' chik ri xuben ri Joaquim chupan ri ruq'atbal-tzij y ronojel ri samaj ri xuben, tz'ibatel kan chupan ri wuj richin ri kibanobal ri rey richin Judá. 6Y toq ri Joaquim xken, ja ri Joaquín ri ruk'ajol xok kan rey pa ruk'exel. 7Y ri rey richin Egipto man jun bey chik k'a xel-el pa ruwach'ulew, roma ri rey richin Babilonia xumej kan ri ulew ri nitiker-pe rik'in ri raqen-ya' richin Egipto, napon k'a rik'in ri raqen-ya' Éufrates, y ja rija' ri xchajin.
Toq ri ch'aqa' chik aj-Judá xe'uk'uex-el pa Babilonia
8Ri Joaquín k'o k'a waqxaqlajuj*f9* rujuna' toq xok kan rey, y xaxe oxi' ik' xuq'et-tzij pa ruwi' ri Judá. Ri rute' rubini'an Nehustá rumi'al ri Elnatán, aj-Jerusalem. 9Y ri Joaquín xa ja ri itzel ri xuben chuwech ri Jehová Dios, kan achi'el ri xuben ri Joaquim ri rutata'. 10Je q'ij ri', toq ri Nabucodonosor rey richin Babilonia xeruteq-pe aj-labal richin nokich'aka' ri tinamit Jerusalem, y xkisutij-rij. 11Y toq ri achi'a' ri' kisutin chik rij ri tinamit, ri Nabucodonosor xapon-q'anej kik'in. 12Y jari' toq ri Joaquín xujech-ri' pa ruq'a' ri Nabucodonosor, e rachibilan-el ri rute', ri rusamajela', ri aj-raqen pa kiwi' ri aj-labal y ri ch'aqa' chik aj-raqen richin rija'. Re' xbanatej chupan ri ruwaqxaq juna' richin ri q'atbel-tzij richin ri Nabucodonosor. 13Y ri aj-Babilonia xekik'uaj-el ri beyomel richin ri rachoch ri Jehová y richin ri rachoch ri Joaquín. Chuqa' xekiwulaj-el ronojel ri samajibel ri banon rik'in q'anapueq ri rubanon kan ri Salomón, richin xekik'uaj-el. Ronojel re' xbanatej achi'el rubin ri Jehová.
14Y ri Nabucodonosor xeruk'uaj-el konojel winaqi' aj-Jerusalem: Ri aj-labal y ri aj-raqen ri ek'o pa kiwi' rije' y ri achi'a' ri jalajoj ruwech kisamaj. Konojel k'a ri aj-Jerusalem ri xe'uk'uex-el, e 10,000. Y xaxe chik ri winaqi' ri man jun k'o kik'in ri xek'oje' kan chupan ri ruwach'ulew Judá.
15Ri Nabucodonosor xeruk'uaj pa Babilonia ri Joaquín, ri rute', ri e rixjayil, ri e aj-raqen richin rija' y ri achi'a' ri kan k'o janila kiq'ij chuwech ri ruwach'ulew ri'. Kan xerelesaj-el chiri' pa Jerusalem y xeruk'uaj-el k'a pa Babilonia. 16Xeruk'uaj k'a e 7,000 aj-labal, y e 1,000 achi'a' ri jalajoj ruwech kisamaj.
Ri q'atbel-tzij richin ri Sedequías
17K'ari' ri rey richin Babilonia xuben rey chire ri Matanías ri ruch'utitata' ri Joaquín, y xujel kan ri rubi' y xubij Sedequías chire. 18Y ri Sedequías k'o k'a juwineq jun rujuna' toq xok kan rey, y xq'aton-tzij julajuj juna' pa ruwi' ri Judá chiri' pa Jerusalem. Ri rute' rubini'an Hamutal rumi'al ri Jeremías ri aj-Libná. 19Y ri Sedequías kan ja ri itzel xuben chuwech ri Jehová, achi'el xuben ri Joaquim. 20Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.
Currently Selected:
2 Rey 24: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
2 Rey 24
24
1Chirij re' ri Nabucodonosor, rey richin Babilonia, xok chupan ri ruwach'ulew Judá, y ri Joaquim kan xk'oje' k'a chuxe' rutzij ri Nabucodonosor. Jak'a toq xtz'aqet oxi' juna', ri Joaquim xa xujel ri ruch'obonik y xyakatej chirij. 2Y ri Jehová xeruteq tzobaj aj-labal aj-Babilonia, aj-Siria, aj-Moab y aj-Amón chirij ri Joaquim richin nikik'is ri Judá, kan achi'el xubij ri Jehová roma ri q'alajirisey ruch'abel. 3Kere' xkik'uluwachij ri winaqi' aj-Judá, kan achi'el xubij ri Jehová, richin xerelesaj-el chuwech roma ri mak ri xuben ri Manasés. 4Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.
5Ri ch'aqa' chik ri xuben ri Joaquim chupan ri ruq'atbal-tzij y ronojel ri samaj ri xuben, tz'ibatel kan chupan ri wuj richin ri kibanobal ri rey richin Judá. 6Y toq ri Joaquim xken, ja ri Joaquín ri ruk'ajol xok kan rey pa ruk'exel. 7Y ri rey richin Egipto man jun bey chik k'a xel-el pa ruwach'ulew, roma ri rey richin Babilonia xumej kan ri ulew ri nitiker-pe rik'in ri raqen-ya' richin Egipto, napon k'a rik'in ri raqen-ya' Éufrates, y ja rija' ri xchajin.
Toq ri ch'aqa' chik aj-Judá xe'uk'uex-el pa Babilonia
8Ri Joaquín k'o k'a waqxaqlajuj*f9* rujuna' toq xok kan rey, y xaxe oxi' ik' xuq'et-tzij pa ruwi' ri Judá. Ri rute' rubini'an Nehustá rumi'al ri Elnatán, aj-Jerusalem. 9Y ri Joaquín xa ja ri itzel ri xuben chuwech ri Jehová Dios, kan achi'el ri xuben ri Joaquim ri rutata'. 10Je q'ij ri', toq ri Nabucodonosor rey richin Babilonia xeruteq-pe aj-labal richin nokich'aka' ri tinamit Jerusalem, y xkisutij-rij. 11Y toq ri achi'a' ri' kisutin chik rij ri tinamit, ri Nabucodonosor xapon-q'anej kik'in. 12Y jari' toq ri Joaquín xujech-ri' pa ruq'a' ri Nabucodonosor, e rachibilan-el ri rute', ri rusamajela', ri aj-raqen pa kiwi' ri aj-labal y ri ch'aqa' chik aj-raqen richin rija'. Re' xbanatej chupan ri ruwaqxaq juna' richin ri q'atbel-tzij richin ri Nabucodonosor. 13Y ri aj-Babilonia xekik'uaj-el ri beyomel richin ri rachoch ri Jehová y richin ri rachoch ri Joaquín. Chuqa' xekiwulaj-el ronojel ri samajibel ri banon rik'in q'anapueq ri rubanon kan ri Salomón, richin xekik'uaj-el. Ronojel re' xbanatej achi'el rubin ri Jehová.
14Y ri Nabucodonosor xeruk'uaj-el konojel winaqi' aj-Jerusalem: Ri aj-labal y ri aj-raqen ri ek'o pa kiwi' rije' y ri achi'a' ri jalajoj ruwech kisamaj. Konojel k'a ri aj-Jerusalem ri xe'uk'uex-el, e 10,000. Y xaxe chik ri winaqi' ri man jun k'o kik'in ri xek'oje' kan chupan ri ruwach'ulew Judá.
15Ri Nabucodonosor xeruk'uaj pa Babilonia ri Joaquín, ri rute', ri e rixjayil, ri e aj-raqen richin rija' y ri achi'a' ri kan k'o janila kiq'ij chuwech ri ruwach'ulew ri'. Kan xerelesaj-el chiri' pa Jerusalem y xeruk'uaj-el k'a pa Babilonia. 16Xeruk'uaj k'a e 7,000 aj-labal, y e 1,000 achi'a' ri jalajoj ruwech kisamaj.
Ri q'atbel-tzij richin ri Sedequías
17K'ari' ri rey richin Babilonia xuben rey chire ri Matanías ri ruch'utitata' ri Joaquín, y xujel kan ri rubi' y xubij Sedequías chire. 18Y ri Sedequías k'o k'a juwineq jun rujuna' toq xok kan rey, y xq'aton-tzij julajuj juna' pa ruwi' ri Judá chiri' pa Jerusalem. Ri rute' rubini'an Hamutal rumi'al ri Jeremías ri aj-Libná. 19Y ri Sedequías kan ja ri itzel xuben chuwech ri Jehová, achi'el xuben ri Joaquim. 20Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.
Kaqchikel Bible © Bible Society in Guatemala, 2003.