2 Crón 27
27
1Ri Jotam k'o k'a juwineq wo'o' rujuna' toq xuchop nuq'et-tzij pa ruwi' ri ajawaren Judá chiri' pa Jerusalem, y waqlajuj k'a juna' xq'aton-tzij chiri'. Ri rute' rubini'an Jerusá, rumi'al ri Sadoc.
2Ri rubanobal ri Jotam kan utz k'a chuwech ri Dios, achi'el xuben ri rutata', xaxe rija' man xok ta chupan ri rachoch ri Jehová, achi'el ri xuben ri rutata'. Jak'a ri winaqi' richin ri rajawaren xa kan jantape' xkiben ri itzel taq banobel. 3Ja rija' ri xchojmirisan-q'anej ri ruchi' ri ruwa-jay ri k'o pa xaman richin ri rachoch ri Jehová, y chuqa' xeruchojmirisaj-q'anej ri tz'aq ri k'o chirij ri tinamit Ófel.*f14* 4Chuqa' xerupaba-q'anej tinamit chuwa taq juyu' richin Judá, y xeruben-q'anej jay e tz'apen chi tz'aq y xeruben chuqa' jay kichin ri chajinela' pa ruwi' ri tz'aq, pa taq k'echelaj. 5Xuben k'a labal rik'in ri rey kichin ri aj-Amón y kan xeruch'ek. Chupan k'a ri juna' ri' ri aj-Amón k'o chi xkitoj ri k'o chi nikitoj chire ri rey, rik'in jubama oxk'al wolajuj quintal saqipueq y 37,000 quintal trigo y keri' chuqa' ri retabal ri cebada. Kan jari' ri k'o chi xkiya' ri winaqi' ri', y oxi' juna' keri' xkiben. 6Ri Jotam kan janila k'a xnimer ruq'ij roma kan choj xuben chuwech ri Jehová ri ru-Dios. 7Ri rubanobal ri Jotam, ri labal ri xeruben y ri ch'aqa' chik rusamaj, xtz'ibatej kan chupan ri wuj kichin ri rey richin ri Israel y ri Judá.
8Ri Jotam k'o k'a juwineq wo'o' rujuna' toq xuchop nuq'et-tzij pa ruwi' ri ajawaren richin Judá chiri' pa Jerusalem, y waqlajuj k'a juna' xq'aton-tzij. 9Toq xken, xmuq k'a chupan ri tinamit richin ri rey David, y ri xk'oje' kan pa ruk'exel ja ri Acaz ri ruk'ajol.
Ri Acaz xq'aton-tzij pa Judá
(2 Rey 16:1-20)
Currently Selected:
2 Crón 27: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
