ᕈᒪᓇ 9
9
ᑭᒋᒪᓂᑐ ᓀᔥᑕ ᐅᑎᓕᓖᒪ
1ᓂ ᑖᑆᓐ ᑳ ᐃᑗᔮᓐ ᙭ᑎᒃ, ᓇᒪᐎᓚ ᓂ ᑭᓛᔅᑭᓐ, ᓂ ᒥᑐᓀᓕᒋᑲᓐ ᓀᔥᑕ ᓂ ᑎᐹᒋᒥᑯᓐ ᐯᓓᑭᓯᑦ ᐊᒑᑯᒃ, 2ᓈᔅᐱᒡ ᐁ ᑯᓯᑯᒪᒋᐃᔮᓐ ᓀᔥᑕ ᑕᑭ ᐁ ᒥᒋᓚᐌᓯᔮᓐ ᓂᑌᐃᒃ᙮ 3ᐌᓴ ᓂ ᑳ ᓇᑕᐌᓕᑌᑖᔾ ᓂᓚ ᑫᒋᐗᒃ ᑭᒋ ᒪᒐᑭᒥᑳᐎᔮᓐ ᙭ ᐅᒋ, ᓂᒋᔖᓇᒃ ᐅᒋ ᐁ ᐃᑕᔅᑌᒃ ᐎᔮᓯᐎᓐ: 4ᐊᓂᑭ ᑳ ᐃᔅᕃᐃᓚᐃᑎᐎᒋᒃ; ᑳ ᑮ ᒥᓛᑲᓂᐎᒋᒃ ᐅᑦ ᐊᐙᔑᒥᔑᒥᑯᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᐊᓂᐃ ᓇᔅᑯᒥᑐᐎᓇ, ᓀᔥᑕ ᐁ ᒥᓕᐙᓂᐗᓂᓕᒃ ᐅᓚᔓᐌᐎᓂᓕᐤ, ᓀᔥᑕ ᐁ ᐊᑐᔅᑲᐙᑲᓂᐎᑦ ᑭᒋᒪᓂᑐ, ᓀᔥᑕ ᐊᔓᑕᒫᑫᐎᓇ; 5ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮
6ᓇᒪᐎᓚ ᒫᑲ ᑖᐱᔅᑯᒡ ᐁᑳ ᐙᔦᔥ ᐁ ᑮ ᐃᔅᐸᓕᓕᑯᐸᓐ ᑭᒋᒪᓂᑐ ᐅᑦ ᐋᔭᒥᐎᓐ᙮ ᐌᓴ ᓇᒪᐎᓚ ᐃᔅᕃᐃᓕᐃᑕᒃ, ᐊᓂᑭ ᐃᔅᕃᐃᓕᒃ ᑳ ᐅᒋᒋᒃ; 7ᓇᒪ ᓀᔥᑕ, ᐋᑕ ᐁ ᐅᑦ ᐊᐙᔑᒥᔑᒥᓇᒋᒃ ᐁᔅᕃᐊᒪ, ᒥᓯᐌ ᐊᐙᔑᔑᐗᒃ: ᒫᑲ, ᐋᐃᓯᑯᒃ ᑲᑕ ᐃᔑᓂᑳᑖᑲᓂᐎᐗᒃ ᑭᑦ ᐊᐙᔑᒥᔕᒃ᙮ 8ᐁᐗᑯ ᐅᒪ, ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐎᔮᓯᐎᓂᓕᐤ, ᐅᑯ ᓇᒪᐎᓚ ᐅᑦ ᐊᐙᔑᒥᔑᒥᑯ ᑭᒋᒪᓂᑐᐗ: ᒫᑲ ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐊᔓᑕᒫᑫᐎᓂᓕᐤ ᐁᐗᒀᓂᑭ ᐊᐙᔑᔕᒃ ᑳ ᐃᑕᑭᒫᑲᓂᐎᒋᒃ᙮ 9ᐌᓴ ᐁᐗᑯ ᑳ ᑮ ᐃᑗᒪᑲᒃ ᐊᓂᒪ ᐊᔓᑕᒫᑫᐎᓐ, ᐁᑯᔅᐱ ᐅᒪ ᐁᔅᐱᑖᔨᐗᑭ ᓂ ᑳ ᑕᑯᔑᓂᓐ, ᓭᕋ ᒫᑲ ᑲᑕ ᐅᑯᓯᓯᐤ᙮
10ᓇᒪᐎᓚ ᒫᑲ ᐅᒪ ᐱᑯ; ᒫᑲ ᐃᔅᐱ ᕆᐯᑲ ᓀᔥᑕ ᑳ ᑮ ᑲᓄᔥᑲᑖᐗᓱᑦ ᐯᔭᒃ ᐅᒋ, ᑯᑕᐎᓇᐤ ᐋᐃᓯᒃ ᐅᒋ ᐅᑎ; 11ᐌᓴ ᐊᓂᑭ ᐊᐙᔑᔕᒃ ᐁᑳ ᐁᔥᑾ ᐁ ᓂᑕᐎᑭᒋᒃ, ᓀᔥᑕ ᐁᑳ ᐁᔥᑾ ᐁ ᑮ ᒥᓗᑐᑕᑭᒃ ᓀᔥᑕᐱᑯ ᒪᒋᑐᑕᑭᒃ, ᐅᑦ ᐃᑎᓕᑕᒧᐎᓐ ᑭᒋᒪᓂᑐ, ᐙᐌᓛᐸᒥᐌᐎᓂᒃ ᐃᔑ ᑭᒋ ᐋᔨᒋᑳᐸᐎᒪᑲᓂᓕᒃ, ᓇᒪᐎᓚ ᐊᑑᔅᑫᐎᓂᒃ ᐅᒋ, ᒫᑲ ᐊᓇ ᐅᒋ ᑳ ᓇᑐᒥᐌᑦ; 12ᑮ ᐃᑖᑲᓂᐎᐤ, ᐅᔅᑌᓯᒪᐤ ᑲᑕ ᐊᑑᔅᑲᐌᐤ ᐅᔑᒥᒪᐗ᙮ 13ᐁ ᐃᑕᓯᓇᐃᑳᑌᒃ, ᒉᑲᑉ ᓂ ᑮ ᓵᑭᐊᐤ, ᒫᑲ ᐃᓴᐤ ᓂ ᑮ ᐸᒀᑕᐤ᙮
14ᑫᒀᓐ ᒫᑲ ᑫ ᐃᑗᔭᒃ? ᐋᔭᐤ ᓈ ᒪᒑᑎᓯᐎᓂᓕᐤ ᑭᒋᒪᓂᑐ? ᓇᒪᐎᓚ ᑲᑕ ᐎ ᐃᑭᓐ᙮ 15ᐌᓴ ᐃᑌᐤ ᒧᓯᓴ, ᓂ ᑳ ᔕᐌᓕᒪᐗᒃ ᐊᓂᑭ ᐗ ᔕᐌᓕᒪᑾᐎ, ᓀᔥᑕ ᓂ ᑳ ᑭᑎᒫᓕᑫᒪᐗᒃ ᐊᓂᑭ ᐙ ᑭᑎᒫᑫᓕᒪᑾᐎ᙮ 16ᓄᑾᓐ ᒫᑲ ᓇᒪᐎᓚ ᐊᓇ ᐅᒋ ᑳ ᐃᑌᓕᑕᒃ, ᓇᒪ ᓀᔥᑕ ᐊᓇ ᐅᒋ ᑳ ᐱᒥᐸᑖᑦ, ᒫᑲ ᑭᒋᒪᓂᑐ ᐅᒋ ᑳ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ᙮ 17ᐌᓴ ᒪᓯᓇᐃᑫᐎᓂᓕᐤ ᐃᑎᑯ ᐯᕈ, ᐁᐗᑯ ᐅᒪ ᐌᒋ ᐸᓯᑯᓂᑖᓐ, ᑭᓚ ᑭᒋ ᐅᒋ ᓄᑯᑖᔮᓐ ᓂ ᑲᔥᑭᐅᐎᓐ, ᓀᔥᑕ ᓂᑦ ᐃᔑᓂᑳᓱᐎᓐ ᑭᒋ ᐙᐎᒋᑳᑌᒃ ᒥᓯᐌ ᐁᔅᐱᔕᒃ ᐊᔅᑮᒃ᙮ 18ᐁᐗᑯ ᐅᒋ ᔕᐌᓕᒣᐤ ᐊᓂᐃ ᐙ ᔕᐌᓕᒫᑦ, ᓀᔥᑕ ᐊᓂᐃ ᐁᑌᓕᒫᑦ ᒪᔥᑲᐎᑌᐁᐁᐤ᙮
ᑭᒋᒪᓂᑐ ᐅᑕᑯᓚᐌᓯᐎᓐ ᓀᔥᑕ ᐅᔖᐌᓕᒋᑫᐎᓐ
19ᑭᓚ ᒫᑲ ᑭ ᑳ ᐎ ᐃᔑᓐ, ᑖᓀᑭ ᐌᒋ ᑫᔮᐸᒡ ᐗᓉᓕᒋᑫᑦ? ᐌᓴ ᐊᐌᓇ ᑳ ᑮ ᓇᔅᑯᔅᑕᒸᑦ ᐅᑦ ᐃᑌᓕᑕᒧᐎᓂᓕᐤ? 20ᓇᒪᐎᓚ ᒫᑲ, ᐅ ᐃᓕᓕᐤ, ᐊᐌᓇ ᑭᓚ ᑳ ᐎ ᓇᔥᑴᐗᔑᐊᑦ ᑭᒋᒪᓂᑐ? ᐅᔑᑖᑲᓂᓕᐤ ᓈ ᑲᑕ ᐃᑌᑯ ᐊᓇ ᑳ ᑮ ᐅᔑᑖᑦ, ᑖᓀᑭ ᐌᒋ ᐅᒪ ᑳ ᑮ ᐃᔑᐃᔭᓐ? 21ᓇᒪ ᓈ ᐅᓛᑲᓂᑫᐤ ᑎᐯᓕᑕᒻ ᐊᔑᔥᑭᓕᐤ, ᐊᓂᐁᓕᐤ ᑭᒋ ᐅᔑᑖᑦ ᐯᔭᒃ ᐊᓯᐗᒋᑲᓂᓕᐤ ᐁ ᑭᔅᑌᓕᑖᑾᓂᓕᒃ, ᓀᔥᑕ ᑯᑕᑭᓕᐤ ᐁ ᒪᒉᓕᑖᑾᓂᓕᒃ?
22ᑫᒀᓐ ᑮᔥᐱᓐ ᑭᒋᒪᓂᑐ, ᐁ ᐃᑌᓕᑕᒃ ᑭᒋ ᓄᑯᑖᑦ ᐅ ᑭᓯᐙᓯᐎᓐ, ᓀᔥᑕ ᑭᒋ ᑭᔅᑫᓕᑫᓂᑖᑯᑖᑦ ᑭ ᑲᔥᑭᐅᐎᓐ, ᑮ ᐯᑳᑌᓕᑕᒃ ᒥᔅᑕᐃ ᔑᐱᓚᐌᓯᐎᓂᒃ ᐊᓂᐃ ᐋᑯᓚᐌᓯᐎ ᐊᓯᐗᒋᑲᓇ ᑳ ᑮ ᐃᑕᔅᑖᓂᐗᑭ ᑭᒋ ᓂᔑᐗᓈᑕᑭ: 23ᓀᔥᑕ ᑭᒋ ᐃᔑ ᑭᔅᑫᓕᑖᑯᑖᑦ ᐁ ᐃᔑ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ ᐊᓂᐃ ᔕᐌᓕᒋᑫᐎ ᐊᓯᐗᒋᑲᓇ, ᓂᑳᓐ ᑳ ᑮ ᐙᐌᔑᑖᑦ ᑭᔅᑌᓕᑖᑯᓯᐎᓂᒃ ᐃᔑ᙮ 24ᑭᓚᓈᓇᐤ ᐅᑎ, ᑳ ᑮ ᓇᑐᒥᑕᒃ, ᓇᒪᐎᓚ ᐊᓂᐃ ᒎᐗ ᐅᒋ ᐱᑯ, ᒫᑲ ᐊᓯᒋ ᐊᓂᐃ ᒉᓐᑖᐃᓚ ᐅᒋ ᓀᔥᑕ᙮ 25ᑖᐱᔅᑯᒡ ᓀᔥᑕ ᐁ ᐃᑗᑦ ᐦᐅᓯᐃᒃ, ᓂᑦ ᐃᓕᓕᒪᒃ ᓂ ᑳ ᐃᔑᓂᑳᑕᐗᒃ ᐊᓂᑭ ᐁᑳ ᑳ ᑮ ᐅᑦ ᐃᓕᓕᒥᔮᓐ; ᓀᔥᑕ ᓵᑭᐋᑲᓐ ᐊᓇ ᐁᑳ ᑳ ᑮ ᓵᑭᐋᑲᓂᐎᑦ᙮ 26ᑲᑕ ᐃᑭᓐ ᒫᑲ, ᐊᓂᒪ ᐃᑕ ᑳ ᑮ ᐃᑖᑲᓂᐎᒋᒃ, ᓇᒪᐎᓚ ᑭᓚᐗᐤ ᓂᑦ ᐃᓕᓕᒪᒃ; ᐁᑯᑕ ᑫ ᐃᔑᓂᑳᑖᑲᓂᐎᒋᒃ ᐅᑦ ᐊᐙᔑᒥᔕ ᐯᒫᑎᓰᑦ ᑭᒋᒪᓂᑐ᙮ 27ᐋᐃᓭᔭ ᓀᔥᑕ ᑌᐺᐤ ᐃᔅᕃᐃᓪ ᐅᒋ, ᐋᑕ ᐃᔑ ᒥᒉᑎᒋᒃ ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᐁ ᐃᔑ ᒥᒉᑎᒃ ᓓᑲᐤ ᑭᒋᑲᒥᒃ, ᐁᓕᐌᒃ ᐋᑎᑦ ᐱᑯ ᑲᑕ ᐱᒫᒋᐊᐗᒃ: 28ᐌᓴ ᑲᑕ ᑭᔑᑕᐤ ᐊᓂᐁᓕᐤ ᐋᐸᑎᓯᐎᓂᓕᐤ, ᓀᔥᑕ ᑲᑕ ᑕᑯᑕᐤ ᒀᔭᔅᑭᑖᑎᓯᐎᓂᒃ; ᐌᓴ ᑳ ᑕᒀᓕᒃ ᐗᐸᑎᓯᐎᓇᓕᐤ ᑌᐯᓕᒋᑫᑦ ᑲᑕ ᐅᔑᑕᐤ ᐊᔅᑮᒃ᙮ 29ᓀᔥᑕ ᓂᑳᓐ ᑳ ᐃᑗᔅᐸᓐ ᐋᐃᓭᔭ, ᑮᔥᐱᓐ ᐊᓂ ᑳ ᑎᐯᓕᒫᑦ ᐅᓱᑳᑎᓯᐗ ᐁᑳ ᑮ ᐃᔅᑯᓇᒫᑡᑯᐗᑯᐸᓀ ᓯᒥᓇ, ᑖᐱᔅᑯᒡ ᓴᑕᒥᒃ ᑭ ᑳ ᑮ ᐃᔑᓈᑯᓯᑖᑕᓇᐤ, ᓀᔥᑕ ᑖᐱᔅᑯᒡ ᑯᒪᕋᐃᒃ ᑭ ᑳ ᑮ ᐃᔑᓈᑯᐃᑲᐎᑖᑖᓇᐤ᙮
ᐃᔅᕃᐃᓪ ᓀᔥᑕ ᐊᓂᒪ ᒥᓚᐙᒋᒧᐎᓐ
30ᑫᒀᓐ ᒫᑲ ᑫ ᐃᑗᔭᒃ ᐊᓂᑭ ᒉᓐᑖᐃᓚᒃ ᐁᑳ ᑳ ᑮ ᓄᔅᐱᓇᑕᑭᒃ ᒀᔭᔅᑭᑖᑎᓯᐎᓂᓕᐤ, ᑮ ᐅᑎᑎᒶᒃ ᒀᔭᔅᑭᑖᑎᓯᐎᓂᓕᐤ, ᐊᓂᐁᓕᐤ ᒀᔭᔅᑭᑖᑎᓯᐎᓂᓕᐤ ᐅᑎ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮ 31ᒫᑲ ᐃᔅᕃᐃᓪ, ᐊᓂᑭ ᑳ ᑮ ᓄᔅᐱᓇᑕᑭᒃ ᒀᔭᔅᑭᑖᑎᓯᐎᓂ ᐅᓚᔓᐌᐎᓂᓕᐤ, ᓇᒪᐎᓚ ᑮ ᐅᑎᑕᒶᒃ ᒀᔭᔅᑭᑖᑎᓯᐎᓂ ᐅᓚᔓᐌᐎᓂᓕᐤ᙮ 32ᑖᓀᑭ ᐌᒋ? ᐁᑳ ᐁ ᑮ ᓈᓇᑕᐌᓕᑕᑭᒃ ᑖᐺᔦᓕᑕᒧᐎᓂᒃ, ᒫᑲ ᒪᓇ ᐊᑯ ᐅᓚᔓᐌᐎᓂ ᐊᑑᔅᑫᐎᓇ ᐅᒋ᙮ ᐌᓴ ᑮ ᐱᔓᓯᓍᒃ ᐊᓂᒪ ᐱᔓᓯᐎ ᐊᓯᓂᒃ; 33ᐁ ᐃᑕᓯᓇᐃᑳᑌᒃ, ᒫᑎᑲ, ᓂᑦ ᐊᓕᐤ ᓵᐃᐊᓂᒃ ᐱᔓᓯᐎ ᐊᓯᓂ ᓀᔥᑕ ᑭᔅᑖᐱᔉ ᑫ ᐅᒋ ᓈᔦᑕᐌᓕᒋᑳᑌᒃ: ᐊᐌᓇ ᒫᑲ ᑫ ᑖᐺᔦᓕᒫᑴ ᓇᒪᐎᓚ ᑲᑕ ᓇᓀᐯᐎᓯᐤ᙮
Currently Selected:
ᕈᒪᓇ 9: MCNT91
Highlight
Copy
Compare
Share
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
ᕈᒪᓇ 9
9
ᑭᒋᒪᓂᑐ ᓀᔥᑕ ᐅᑎᓕᓖᒪ
1ᓂ ᑖᑆᓐ ᑳ ᐃᑗᔮᓐ ᙭ᑎᒃ, ᓇᒪᐎᓚ ᓂ ᑭᓛᔅᑭᓐ, ᓂ ᒥᑐᓀᓕᒋᑲᓐ ᓀᔥᑕ ᓂ ᑎᐹᒋᒥᑯᓐ ᐯᓓᑭᓯᑦ ᐊᒑᑯᒃ, 2ᓈᔅᐱᒡ ᐁ ᑯᓯᑯᒪᒋᐃᔮᓐ ᓀᔥᑕ ᑕᑭ ᐁ ᒥᒋᓚᐌᓯᔮᓐ ᓂᑌᐃᒃ᙮ 3ᐌᓴ ᓂ ᑳ ᓇᑕᐌᓕᑌᑖᔾ ᓂᓚ ᑫᒋᐗᒃ ᑭᒋ ᒪᒐᑭᒥᑳᐎᔮᓐ ᙭ ᐅᒋ, ᓂᒋᔖᓇᒃ ᐅᒋ ᐁ ᐃᑕᔅᑌᒃ ᐎᔮᓯᐎᓐ: 4ᐊᓂᑭ ᑳ ᐃᔅᕃᐃᓚᐃᑎᐎᒋᒃ; ᑳ ᑮ ᒥᓛᑲᓂᐎᒋᒃ ᐅᑦ ᐊᐙᔑᒥᔑᒥᑯᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᐊᓂᐃ ᓇᔅᑯᒥᑐᐎᓇ, ᓀᔥᑕ ᐁ ᒥᓕᐙᓂᐗᓂᓕᒃ ᐅᓚᔓᐌᐎᓂᓕᐤ, ᓀᔥᑕ ᐁ ᐊᑐᔅᑲᐙᑲᓂᐎᑦ ᑭᒋᒪᓂᑐ, ᓀᔥᑕ ᐊᔓᑕᒫᑫᐎᓇ; 5ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮
6ᓇᒪᐎᓚ ᒫᑲ ᑖᐱᔅᑯᒡ ᐁᑳ ᐙᔦᔥ ᐁ ᑮ ᐃᔅᐸᓕᓕᑯᐸᓐ ᑭᒋᒪᓂᑐ ᐅᑦ ᐋᔭᒥᐎᓐ᙮ ᐌᓴ ᓇᒪᐎᓚ ᐃᔅᕃᐃᓕᐃᑕᒃ, ᐊᓂᑭ ᐃᔅᕃᐃᓕᒃ ᑳ ᐅᒋᒋᒃ; 7ᓇᒪ ᓀᔥᑕ, ᐋᑕ ᐁ ᐅᑦ ᐊᐙᔑᒥᔑᒥᓇᒋᒃ ᐁᔅᕃᐊᒪ, ᒥᓯᐌ ᐊᐙᔑᔑᐗᒃ: ᒫᑲ, ᐋᐃᓯᑯᒃ ᑲᑕ ᐃᔑᓂᑳᑖᑲᓂᐎᐗᒃ ᑭᑦ ᐊᐙᔑᒥᔕᒃ᙮ 8ᐁᐗᑯ ᐅᒪ, ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐎᔮᓯᐎᓂᓕᐤ, ᐅᑯ ᓇᒪᐎᓚ ᐅᑦ ᐊᐙᔑᒥᔑᒥᑯ ᑭᒋᒪᓂᑐᐗ: ᒫᑲ ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐊᔓᑕᒫᑫᐎᓂᓕᐤ ᐁᐗᒀᓂᑭ ᐊᐙᔑᔕᒃ ᑳ ᐃᑕᑭᒫᑲᓂᐎᒋᒃ᙮ 9ᐌᓴ ᐁᐗᑯ ᑳ ᑮ ᐃᑗᒪᑲᒃ ᐊᓂᒪ ᐊᔓᑕᒫᑫᐎᓐ, ᐁᑯᔅᐱ ᐅᒪ ᐁᔅᐱᑖᔨᐗᑭ ᓂ ᑳ ᑕᑯᔑᓂᓐ, ᓭᕋ ᒫᑲ ᑲᑕ ᐅᑯᓯᓯᐤ᙮
10ᓇᒪᐎᓚ ᒫᑲ ᐅᒪ ᐱᑯ; ᒫᑲ ᐃᔅᐱ ᕆᐯᑲ ᓀᔥᑕ ᑳ ᑮ ᑲᓄᔥᑲᑖᐗᓱᑦ ᐯᔭᒃ ᐅᒋ, ᑯᑕᐎᓇᐤ ᐋᐃᓯᒃ ᐅᒋ ᐅᑎ; 11ᐌᓴ ᐊᓂᑭ ᐊᐙᔑᔕᒃ ᐁᑳ ᐁᔥᑾ ᐁ ᓂᑕᐎᑭᒋᒃ, ᓀᔥᑕ ᐁᑳ ᐁᔥᑾ ᐁ ᑮ ᒥᓗᑐᑕᑭᒃ ᓀᔥᑕᐱᑯ ᒪᒋᑐᑕᑭᒃ, ᐅᑦ ᐃᑎᓕᑕᒧᐎᓐ ᑭᒋᒪᓂᑐ, ᐙᐌᓛᐸᒥᐌᐎᓂᒃ ᐃᔑ ᑭᒋ ᐋᔨᒋᑳᐸᐎᒪᑲᓂᓕᒃ, ᓇᒪᐎᓚ ᐊᑑᔅᑫᐎᓂᒃ ᐅᒋ, ᒫᑲ ᐊᓇ ᐅᒋ ᑳ ᓇᑐᒥᐌᑦ; 12ᑮ ᐃᑖᑲᓂᐎᐤ, ᐅᔅᑌᓯᒪᐤ ᑲᑕ ᐊᑑᔅᑲᐌᐤ ᐅᔑᒥᒪᐗ᙮ 13ᐁ ᐃᑕᓯᓇᐃᑳᑌᒃ, ᒉᑲᑉ ᓂ ᑮ ᓵᑭᐊᐤ, ᒫᑲ ᐃᓴᐤ ᓂ ᑮ ᐸᒀᑕᐤ᙮
14ᑫᒀᓐ ᒫᑲ ᑫ ᐃᑗᔭᒃ? ᐋᔭᐤ ᓈ ᒪᒑᑎᓯᐎᓂᓕᐤ ᑭᒋᒪᓂᑐ? ᓇᒪᐎᓚ ᑲᑕ ᐎ ᐃᑭᓐ᙮ 15ᐌᓴ ᐃᑌᐤ ᒧᓯᓴ, ᓂ ᑳ ᔕᐌᓕᒪᐗᒃ ᐊᓂᑭ ᐗ ᔕᐌᓕᒪᑾᐎ, ᓀᔥᑕ ᓂ ᑳ ᑭᑎᒫᓕᑫᒪᐗᒃ ᐊᓂᑭ ᐙ ᑭᑎᒫᑫᓕᒪᑾᐎ᙮ 16ᓄᑾᓐ ᒫᑲ ᓇᒪᐎᓚ ᐊᓇ ᐅᒋ ᑳ ᐃᑌᓕᑕᒃ, ᓇᒪ ᓀᔥᑕ ᐊᓇ ᐅᒋ ᑳ ᐱᒥᐸᑖᑦ, ᒫᑲ ᑭᒋᒪᓂᑐ ᐅᒋ ᑳ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ᙮ 17ᐌᓴ ᒪᓯᓇᐃᑫᐎᓂᓕᐤ ᐃᑎᑯ ᐯᕈ, ᐁᐗᑯ ᐅᒪ ᐌᒋ ᐸᓯᑯᓂᑖᓐ, ᑭᓚ ᑭᒋ ᐅᒋ ᓄᑯᑖᔮᓐ ᓂ ᑲᔥᑭᐅᐎᓐ, ᓀᔥᑕ ᓂᑦ ᐃᔑᓂᑳᓱᐎᓐ ᑭᒋ ᐙᐎᒋᑳᑌᒃ ᒥᓯᐌ ᐁᔅᐱᔕᒃ ᐊᔅᑮᒃ᙮ 18ᐁᐗᑯ ᐅᒋ ᔕᐌᓕᒣᐤ ᐊᓂᐃ ᐙ ᔕᐌᓕᒫᑦ, ᓀᔥᑕ ᐊᓂᐃ ᐁᑌᓕᒫᑦ ᒪᔥᑲᐎᑌᐁᐁᐤ᙮
ᑭᒋᒪᓂᑐ ᐅᑕᑯᓚᐌᓯᐎᓐ ᓀᔥᑕ ᐅᔖᐌᓕᒋᑫᐎᓐ
19ᑭᓚ ᒫᑲ ᑭ ᑳ ᐎ ᐃᔑᓐ, ᑖᓀᑭ ᐌᒋ ᑫᔮᐸᒡ ᐗᓉᓕᒋᑫᑦ? ᐌᓴ ᐊᐌᓇ ᑳ ᑮ ᓇᔅᑯᔅᑕᒸᑦ ᐅᑦ ᐃᑌᓕᑕᒧᐎᓂᓕᐤ? 20ᓇᒪᐎᓚ ᒫᑲ, ᐅ ᐃᓕᓕᐤ, ᐊᐌᓇ ᑭᓚ ᑳ ᐎ ᓇᔥᑴᐗᔑᐊᑦ ᑭᒋᒪᓂᑐ? ᐅᔑᑖᑲᓂᓕᐤ ᓈ ᑲᑕ ᐃᑌᑯ ᐊᓇ ᑳ ᑮ ᐅᔑᑖᑦ, ᑖᓀᑭ ᐌᒋ ᐅᒪ ᑳ ᑮ ᐃᔑᐃᔭᓐ? 21ᓇᒪ ᓈ ᐅᓛᑲᓂᑫᐤ ᑎᐯᓕᑕᒻ ᐊᔑᔥᑭᓕᐤ, ᐊᓂᐁᓕᐤ ᑭᒋ ᐅᔑᑖᑦ ᐯᔭᒃ ᐊᓯᐗᒋᑲᓂᓕᐤ ᐁ ᑭᔅᑌᓕᑖᑾᓂᓕᒃ, ᓀᔥᑕ ᑯᑕᑭᓕᐤ ᐁ ᒪᒉᓕᑖᑾᓂᓕᒃ?
22ᑫᒀᓐ ᑮᔥᐱᓐ ᑭᒋᒪᓂᑐ, ᐁ ᐃᑌᓕᑕᒃ ᑭᒋ ᓄᑯᑖᑦ ᐅ ᑭᓯᐙᓯᐎᓐ, ᓀᔥᑕ ᑭᒋ ᑭᔅᑫᓕᑫᓂᑖᑯᑖᑦ ᑭ ᑲᔥᑭᐅᐎᓐ, ᑮ ᐯᑳᑌᓕᑕᒃ ᒥᔅᑕᐃ ᔑᐱᓚᐌᓯᐎᓂᒃ ᐊᓂᐃ ᐋᑯᓚᐌᓯᐎ ᐊᓯᐗᒋᑲᓇ ᑳ ᑮ ᐃᑕᔅᑖᓂᐗᑭ ᑭᒋ ᓂᔑᐗᓈᑕᑭ: 23ᓀᔥᑕ ᑭᒋ ᐃᔑ ᑭᔅᑫᓕᑖᑯᑖᑦ ᐁ ᐃᔑ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ ᐊᓂᐃ ᔕᐌᓕᒋᑫᐎ ᐊᓯᐗᒋᑲᓇ, ᓂᑳᓐ ᑳ ᑮ ᐙᐌᔑᑖᑦ ᑭᔅᑌᓕᑖᑯᓯᐎᓂᒃ ᐃᔑ᙮ 24ᑭᓚᓈᓇᐤ ᐅᑎ, ᑳ ᑮ ᓇᑐᒥᑕᒃ, ᓇᒪᐎᓚ ᐊᓂᐃ ᒎᐗ ᐅᒋ ᐱᑯ, ᒫᑲ ᐊᓯᒋ ᐊᓂᐃ ᒉᓐᑖᐃᓚ ᐅᒋ ᓀᔥᑕ᙮ 25ᑖᐱᔅᑯᒡ ᓀᔥᑕ ᐁ ᐃᑗᑦ ᐦᐅᓯᐃᒃ, ᓂᑦ ᐃᓕᓕᒪᒃ ᓂ ᑳ ᐃᔑᓂᑳᑕᐗᒃ ᐊᓂᑭ ᐁᑳ ᑳ ᑮ ᐅᑦ ᐃᓕᓕᒥᔮᓐ; ᓀᔥᑕ ᓵᑭᐋᑲᓐ ᐊᓇ ᐁᑳ ᑳ ᑮ ᓵᑭᐋᑲᓂᐎᑦ᙮ 26ᑲᑕ ᐃᑭᓐ ᒫᑲ, ᐊᓂᒪ ᐃᑕ ᑳ ᑮ ᐃᑖᑲᓂᐎᒋᒃ, ᓇᒪᐎᓚ ᑭᓚᐗᐤ ᓂᑦ ᐃᓕᓕᒪᒃ; ᐁᑯᑕ ᑫ ᐃᔑᓂᑳᑖᑲᓂᐎᒋᒃ ᐅᑦ ᐊᐙᔑᒥᔕ ᐯᒫᑎᓰᑦ ᑭᒋᒪᓂᑐ᙮ 27ᐋᐃᓭᔭ ᓀᔥᑕ ᑌᐺᐤ ᐃᔅᕃᐃᓪ ᐅᒋ, ᐋᑕ ᐃᔑ ᒥᒉᑎᒋᒃ ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᐁ ᐃᔑ ᒥᒉᑎᒃ ᓓᑲᐤ ᑭᒋᑲᒥᒃ, ᐁᓕᐌᒃ ᐋᑎᑦ ᐱᑯ ᑲᑕ ᐱᒫᒋᐊᐗᒃ: 28ᐌᓴ ᑲᑕ ᑭᔑᑕᐤ ᐊᓂᐁᓕᐤ ᐋᐸᑎᓯᐎᓂᓕᐤ, ᓀᔥᑕ ᑲᑕ ᑕᑯᑕᐤ ᒀᔭᔅᑭᑖᑎᓯᐎᓂᒃ; ᐌᓴ ᑳ ᑕᒀᓕᒃ ᐗᐸᑎᓯᐎᓇᓕᐤ ᑌᐯᓕᒋᑫᑦ ᑲᑕ ᐅᔑᑕᐤ ᐊᔅᑮᒃ᙮ 29ᓀᔥᑕ ᓂᑳᓐ ᑳ ᐃᑗᔅᐸᓐ ᐋᐃᓭᔭ, ᑮᔥᐱᓐ ᐊᓂ ᑳ ᑎᐯᓕᒫᑦ ᐅᓱᑳᑎᓯᐗ ᐁᑳ ᑮ ᐃᔅᑯᓇᒫᑡᑯᐗᑯᐸᓀ ᓯᒥᓇ, ᑖᐱᔅᑯᒡ ᓴᑕᒥᒃ ᑭ ᑳ ᑮ ᐃᔑᓈᑯᓯᑖᑕᓇᐤ, ᓀᔥᑕ ᑖᐱᔅᑯᒡ ᑯᒪᕋᐃᒃ ᑭ ᑳ ᑮ ᐃᔑᓈᑯᐃᑲᐎᑖᑖᓇᐤ᙮
ᐃᔅᕃᐃᓪ ᓀᔥᑕ ᐊᓂᒪ ᒥᓚᐙᒋᒧᐎᓐ
30ᑫᒀᓐ ᒫᑲ ᑫ ᐃᑗᔭᒃ ᐊᓂᑭ ᒉᓐᑖᐃᓚᒃ ᐁᑳ ᑳ ᑮ ᓄᔅᐱᓇᑕᑭᒃ ᒀᔭᔅᑭᑖᑎᓯᐎᓂᓕᐤ, ᑮ ᐅᑎᑎᒶᒃ ᒀᔭᔅᑭᑖᑎᓯᐎᓂᓕᐤ, ᐊᓂᐁᓕᐤ ᒀᔭᔅᑭᑖᑎᓯᐎᓂᓕᐤ ᐅᑎ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮ 31ᒫᑲ ᐃᔅᕃᐃᓪ, ᐊᓂᑭ ᑳ ᑮ ᓄᔅᐱᓇᑕᑭᒃ ᒀᔭᔅᑭᑖᑎᓯᐎᓂ ᐅᓚᔓᐌᐎᓂᓕᐤ, ᓇᒪᐎᓚ ᑮ ᐅᑎᑕᒶᒃ ᒀᔭᔅᑭᑖᑎᓯᐎᓂ ᐅᓚᔓᐌᐎᓂᓕᐤ᙮ 32ᑖᓀᑭ ᐌᒋ? ᐁᑳ ᐁ ᑮ ᓈᓇᑕᐌᓕᑕᑭᒃ ᑖᐺᔦᓕᑕᒧᐎᓂᒃ, ᒫᑲ ᒪᓇ ᐊᑯ ᐅᓚᔓᐌᐎᓂ ᐊᑑᔅᑫᐎᓇ ᐅᒋ᙮ ᐌᓴ ᑮ ᐱᔓᓯᓍᒃ ᐊᓂᒪ ᐱᔓᓯᐎ ᐊᓯᓂᒃ; 33ᐁ ᐃᑕᓯᓇᐃᑳᑌᒃ, ᒫᑎᑲ, ᓂᑦ ᐊᓕᐤ ᓵᐃᐊᓂᒃ ᐱᔓᓯᐎ ᐊᓯᓂ ᓀᔥᑕ ᑭᔅᑖᐱᔉ ᑫ ᐅᒋ ᓈᔦᑕᐌᓕᒋᑳᑌᒃ: ᐊᐌᓇ ᒫᑲ ᑫ ᑖᐺᔦᓕᒫᑴ ᓇᒪᐎᓚ ᑲᑕ ᓇᓀᐯᐎᓯᐤ᙮
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.