ᕈᒪᓇ 8
8
ᐊᓇ ᐸᓓᑭ ᐊᒑᒃ ᐎᒋᐄᑯ ᐊᐌᓇ ᑫ ᐃᔑ ᐱᒫᑎᓯᔅᐸᓐ
1ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮ 2ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮ 3ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ: 4ᐊᓂᒪ ᒀᔭᔅᑭᑖᑎᓯᐎᓐ ᑳ ᐃᑕᑾᒃ ᐅᓚᔓᐌᐎᓂᒃ ᑭᒋ ᑎᐱᐸᓕᑕᒫᑲᐎᔭᒃ, ᐁᑳ ᐎᔮᓯᐎᓂᒃ ᑳ ᐃᔑ ᐱᒧᑌᔭᒃ, ᒫᑲ ᐊᒑᑯᒃ᙮ 5ᐌᓴ ᐊᓂᑭ ᑳ ᐱᒧᑖᑕᑭᒃ ᐎᔮᓯᐎᓂᓕᐤ, ᐱᓯᔅᑫᓕᑕᒶᒃ ᐊᓂᐃ ᐎᔮᓯᐎᓂᒃ ᑳ ᐅᒋᒪᑲᓂᓕᑭ; ᒫᑲ ᐊᓂᑭ ᑳ ᐱᒧᑖᑕᒋᒃ ᐊᒑᑯᒃ ᐊᓂᐃ ᐊᒑᑯᒃ ᑳ ᐅᒋᒪᑲᓂᓕᑭ᙮ 6ᐌᓴ ᑭᒋ ᐎᔮᓯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᓂᐱᐎᓐ; ᒫᑲ ᑭᒋ ᐊᒑᑯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᐱᒫᑎᓯᐎᓐ ᓀᔥᑕ ᑳᔮᒣᓕᑕᒧᐎᓐ᙮ 7ᐌᓴ ᐎᔮᓯᐎ ᒥᑐᓀᓕᒋᑲᓐ ᓇᑐᐸᓕᔅᑖᑯ ᑭᒋᒪᓂᑐ: ᐌᓴ ᓇᒪᐎᓚ ᑎᐯᓕᑖᑾᓐ ᐅᑦ ᐅᓚᔓᐌᐎᓂᐤ ᑭᒋᒪᓂᑐ, ᓇᒪᐎᓚ ᓀᔥᑕ ᑲᑕ ᑮ ᐃᑭᓐ᙮ 8ᐁᐗᑯ ᐅᒋ ᒫᑲ ᐊᓂᑭ ᐎᔮᓯᐎᓂᒃ ᑳ ᐃᑖᒋᒃ ᓇᒪᐎᓚ ᑲᑕ ᑮ ᓇᐃᓚᐌᐁᐗᒃ ᑭᒋᒪᓂᑐᐗ᙮
9ᒫᑲ ᑭᓚᐗᐤ ᓇᒪᐎᓚ ᐎᔮᓯᐎᓂᒃ ᑭᑦ ᐃᑖᓇᐗᐤ, ᒫᑲ ᐊᒑᑯᒃ, ᑮᔥᐱᓐ ᐅᑎ ᑭᒋᒪᓂᑐ ᐅᑦ ᐊᒑᑾ ᐱᒋᔅᑳᒥᑖᒃ, ᑮᔥᐱᓐ ᒫᑲ ᐊᐌᓇ ᐁᑳ ᐃᐋᔭᐙᒋ ᙭ᑕ ᐅᑦ ᐊᒑᑯᓕᐗ, ᐊᐗ ᓇᒪᐎᓚ ᐙᐙᒡ ᑎᐯᓕᒥᑯ᙮ 10ᑮᔥᐱᓐ ᒫᑲ ᙭ ᐱᐃᒋᔅᑳᑖᑴ, ᒥᔭᐤ ᑮ ᓂᐱᒪᑲᓐ ᒪᒋᑣᐎᓐ ᐅᒋ; ᒫᑲ ᐊᒑᒃ ᐱᒫᑎᓯᐎᓂᐎᐤ ᒀᔭᔅᑭᑖᑎᓯᐎᓐ ᐅᒋ᙮ 11ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮
12ᐁᐗᑯ ᐅᒋ ᒫᑲ, ᓂᒋᔖᓂᑐᒃ, ᑭ ᒪᓯᓇᐃᑲᓂᓈᓇᐤ, ᓇᒪᐎᓚ ᐁ ᒪᓯᓇᐃᑫᔅᑕᒪᒃ ᐎᔮᓯᐎᓐ, ᐎᔮᓯᐎᓂᒃ ᐃᔑ ᑭᒋ ᐱᒫᑎᓯᔭᒃ᙮ 13ᐌᓴ ᑮᔥᐱᓐ ᐎᔮᓯᐎᓂᒃ ᐃᔑ ᐱᒫᑎᓯᔦᑴ, ᑭ ᑳ ᓂᐱᓇᐗᐤ: ᒫᑲ ᑮᔥᐱᓐ ᐋᒑᒃ ᐅᒋ ᓂᔑᐗᓈᒋᑖᔦᑴ ᒥᔭᐎ ᐃᔑᑣᐎᓇ, ᑭ ᑳ ᐱᒫᑎᓯᓇᐗᐤ᙮ 14ᐌᓴ ᒥᓯᐌ ᑳ ᑭᔅᑭᓄᑕᐃᑯᒋᒃ ᑭᒋᒪᓂᑐᐗ ᐅᑦ ᐊᒑᑯᓕᐗ, ᐁᐗᒀᓂᑭ ᑳ ᐅᑯᓯᓯᒥᑯᒋᒃ ᑭᒋᒪᓂᑐᐗ᙮ 15ᐌᓴ ᓇᒪᐎᓚ ᑭ ᑮ ᐅᒋ ᒥᓕᑲᐎᓇᐗᐤ ᐊᐗᑳᓂᐎ ᐊᒑᒃ ᒥᓇ ᑭᒋ ᓭᑭᓯᔦᒃ; ᒫᑲ ᑭ ᑮ ᒥᓕᑲᐎᓇᐗᐤ ᐅᑯᓯᓯᒪᐎ ᐊᒑᒃ ᑳ ᐅᒋ ᑌᐺᔦᒃ, ᐋᐸ, ᓄᑖ᙮ 16ᐊᓇ ᐊᒑᒃ ᑫᒋᐙᒃ ᑎᐹᑐᑕᒻ ᐊᓯᒋ ᑭᑦ ᐊᒑᑯᓇᐤ, ᐁ ᐅᑦ ᐊᐙᔑᒥᔑᒥᑕᐤ ᑭᒋᒪᓂᑐ᙮ 17ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮
ᐊᓂᒪ ᓂᑳᓐ ᑭᔅᑖᒋᒥᑯᓯᐎᓐ
18ᐌᓴ ᓂᑦ ᐊᑭᑌᓐ ᐊᓂᐃ ᐎᓴᑫᓕᑕᒧᐎᓇ ᐊᓄᒡ ᑳ ᐃᑕᑾᑭ ᐁᑳ ᐙᔦᔥ ᐁ ᐃᑌᓕᑖᑾᑭ ᐃᔥᐱᔥ ᐊᓂᒪ ᑭᔅᑌᓕᑖᑯᓯᐎᓐ ᑫ ᐙᐸᑎᓕᑲᐎᔭᒃ᙮ 19ᐌᓴ ᑳ ᐅᔑᐋᑲᓂᐎᑦ ᐅ ᑭᐗᔐᓕᑕᒧᐎᓐ ᐯᑖᒪᑲᓂᓕᐤ ᑭᒋ ᓄᑯᐋᑲᓂᐎᓕᒋ ᐊᓂᐃ ᑳ ᐅᑯᓯᓯᒥᑯᓕᒋ ᑭᒋᒪᓂᑐᐗ᙮ 20ᐌᓴ ᑳ ᐅᔑᐋᑲᓂᐎᑦ ᑮ ᐃᔑᐋᑲᓂᐎᐤ ᑭᒋ ᑎᐯᓕᒥᑯᑦ ᓂᔑᐗᓈᑎᓯᐎᓂᓕᐤ, ᓇᒪᐎᓚ ᑫᒋᐙᒃ ᐁ ᐃᔑ ᓇᐁᓕᑕᒃ, ᒫᑲ ᐊᓂᐃ ᐅᒋ ᑳ ᐃᔑ ᑎᐯᓕᑖᑯᐃᑯᑦ ᐊᔅᐯᓕᒧᐎᓂᒃ᙮ 21ᐌᓴ ᑳ ᐅᔑᐋᑲᓂᐎᑦ ᑫᒋᐙᒃ ᑲᑕ ᐅᒋ ᐱᒫᒋᐋᑲᓂᐎᐤ ᓂᔑᐗᓈᑎᓯᐎ ᑎᐯᓕᒋᑫᐎᓂᓕᐤ ᑭᒋ ᐋᔭᐙᑦ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᐅ ᑎᐯᓕᒥᑎᓱᐎᓂᓕᐤ ᑳ ᑭᔅᑌᓕᑖᑾᓂᓕᒃ᙮ 22ᐌᓴ ᑭ ᑭᔅᑫᓕᑌᓈᓇᐤ ᒥᓯᐌ ᑳ ᐅᔑᐋᑲᓂᐎᒋᒃ ᒫᒪᐤ ᒫᒫᑗᐗᒃ ᓀᔥᑕ ᐎᓴᑫᓕᑕᒶᒃ ᑖᐱᔅᑯᒡ ᐊᐌᓇ ᐁ ᐎ ᐙᐸᒪᐗᓱᑦ ᐱᓕᔥ ᐊᓄᒡ᙮ 23ᓇᒪᐎᓚ ᒫᑲ ᐎᓚᐗᐤ ᐱᑯ, ᒫᑲ ᑭᓚᓈᓇᐤ ᓀᔥᑕ ᑳ ᐋᔮᔭᒃ ᐊᓂᐃ ᑳ ᓂᑳᓂᒥᓂᔑᐎᑦ ᐊᒑᒃ, ᑭᓚᓈᓇᐤ ᑫᒋᐙᒃ ᑭ ᒫᒫᑗᓈᓇᐤ ᐱᒋ ᑭᔭᐎᓈᒃ, ᐁ ᐯᑖᔭᒃ ᑭᒋ ᐅᑦ ᐊᐙᔑᒥᔑᒥᑲᐎᔭᒃ, ᑭᒋ ᐱᒫᒋᑖᓂᐗᒃ ᑭᔭᐎᓇᐤ ᐅᑎ᙮ 24ᐌᓴ ᐊᔅᐯᓕᒧᐎᓐ ᑭᑦ ᐅᒋ ᐱᒫᒋᐃᑲᐎᓈᓇᐤ: ᒫᑲ ᐊᔅᐯᓕᒧᐎᓐ ᑳ ᓄᑾᒃ ᓇᒪᐎᓚ ᐊᔅᐯᓕᒧᐎᓐ: ᐌᓴ ᑫᒀᓕᐤ ᑳ ᐙᐸᑕᒃ ᐃᓕᓕᐤ, ᑖᓀᑭ ᐌᒋ ᑫᔮᐸᒡ ᑫ ᐊᔅᐯᓕᒧᑕᒃ? 25ᒫᑲ ᑮᔥᐱᓐ ᐊᔅᐯᓕᒧᑕᒪᒃ ᐊᓂᒪ ᐁᑳ ᑳ ᐙᐸᑕᒪᒃ, ᐁᑯ ᐁ ᔑᐱᓚᐌᓯᔭᒃ ᑭ ᐯᑖᓈᓇᐤ᙮
26ᓀᔥᑕ ᒫᑲ ᐊᒑᒃ ᐊᓯᒋ ᓂᔓᑲᒪᐙᑕᒻ ᑭ ᓕᓚᒥᓯᐎᓂᓇᐗ; ᐌᓴ ᓇᒪᐎᓚ ᑭ ᑭᔅᑫᓕᑌᓈᓇᐤ ᑫᒀᓐ ᒀᔭᔉ ᑫ ᓇᑐᑕᒫᔭᑭᐸᓐ: ᒫᑲ ᐊᒑᒃ ᑫᒋᐙᒃ ᑭᑦ ᐋᔭᒥᐁᔅᑕᒫᑯᓇᐤ ᒫᒫᑗᐎᓂᒃ ᐁᑳ ᑫ ᑮ ᐃᑣᓂᐗᒃ᙮ 27ᐊᓇ ᒫᑲ ᑳ ᓈᓇᑕᐎᑭᔅᑫᓕᑕᒃ ᒥᑌᐊ, ᑭᔅᑫᓕᑕᒻ ᑫᒀᓕᐤ ᐁᑌᓕᑕᒥᓕᒋ ᐊᒑᑾ, ᐌᓴ ᐋᔭᒥᐁᔅᑕᒪᐌᐤ ᐅᐸᓓᑭᓴ ᐁ ᐃᔑ ᓇᑕᐌᓕᑕᒥᓕᒋ ᑭᒋᒪᓂᑐᐗ᙮
28ᑭ ᑭᔅᑫᓕᑌᓈᓇᐤ ᓀᔥᑕ ᒥᓯᐌ ᑫᒀᓇ ᐁ ᒫᒪᐎ ᐊᑑᔅᑫᒪᑲᑭ ᑭᒋ ᐅᒋ ᒥᓗᐋᔮᒋᒃ ᐊᓂᑭ ᑳ ᓵᑭᐋᒋᒃ ᑭᒋᒪᓂᑐᐗ, ᐊᓂᑭ ᑳ ᑮ ᓇᑐᒫᑲᓂᐎᒋᒃ ᐁ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ᙮ 29ᐌᓴ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ, ᐁᐗᒀᓂᐃ ᓀᔥᑕ ᑳ ᑮ ᓂᑳᓂᑭᔅᑭᓇᐌᔦᓕᒫᑦ ᑭᒋ ᐃᔑᐋᑲᓂᐎᓕᒋ ᑭᒋ ᓇᔅᐱᑕᐙᓕᒋ ᐁ ᐃᔑᓈᑯᓯᓕᒋ ᐅᑯᓯᓴ, ᐎᓚ ᑭᒋ ᓃᔥᑕᒧᔖᓂᐎᑦ ᒣᑴᔭᔥ ᑳ ᒥᒉᑎᓕᒋ ᐎᒋᔖᓇ᙮ 30ᓀᔥᑕ ᒫᑲ ᐊᓂᐃ ᑳ ᑮ ᓂᑳᓂᑭᔅᑭᓇᐌᔦᓕᒫᑦ, ᐅᐅ ᓀᔥᑕ ᑮ ᓇᑐᒣᐤ: ᐊᓂᐃ ᓀᔥᑕ ᑳ ᑮ ᓇᑐᒫᑦ, ᐁᐗᒀᓂᐃ ᓀᔥᑕ ᑳ ᑮ ᒀᔭᔅᑭᑖᑎᓯᐋᑦ; ᓀᔥᑕ ᐊᓂᐃ ᑳ ᑮ ᒀᔭᔅᑭᑖᑎᓯᐋᑦ, ᐁᐗᒀᓂᐃ ᓀᔥᑕ ᑳ ᑮ ᑭᔅᑎᓕᑖᑯᐋᑦ᙮
ᑭᒋᒪᓂᑐ ᐅᓵᑭᐃᐌᐎᓐ ᑳ ᒥᓕᑲᐎᔭᒃ ᒋᓴᔅ ᙭ᑎᒃ
31ᑫᒀᓐ ᒫᑲ ᑫ ᐃᑕᒪᒃ ᐅᐅ? ᑮᔥᐱᓐ ᑭᒋᒪᓂᑐ ᐯᓯᑯᔅᑕᒫᑕᑯ, ᐊᐌᓇ ᑫ ᑮ ᓄᑎᓂᑕᒃ? 32ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ? 33ᐊᐌᓇ ᑫ ᑮ ᒪᒥᔑᒥᒫᑦ ᑭᒋᒪᓂᑐ ᐅ ᐙᐌᓛᐸᒫᑲᓇ? ᑭᒋᒪᓂᑐ ᐁᐗᒀᓇ ᑳ ᒀᔭᔅᑭᑖᑎᓯᐃᐌᑦ᙮ 34ᐊᐌᓇ ᐊᓇ ᑳ ᓂᔑᐗᓈᒋᒥᐌᑦ? ᙭ ᐁᐗᒀᓇ ᑳ ᑮ ᓂᐱᑦ, ᐁᐁ ᐊᐙᓯᑌ, ᒥᓇ ᑳ ᑮ ᐗᓂᔥᑲᑦ, ᐙᐙᒡ ᑭᒋᒪᓂᑐᐗ ᐅ ᑭᒋᓂᔅᑭᓕᒡ ᑳ ᐃᑖᑦ, ᐊᓇ ᓀᔥᑕ ᑳ ᐋᔭᒥᐁᔅᑕᒫᑕᒃ᙮ 35ᐊᐌᓇ ᑫ ᐹᑲᓂᐃᑕᒃ ᙭ ᐅ ᓵᑭᐃᐌᐎᓂᒃ ᐅᒋ? ᑲᒀᑕᑭᓯᐎᓐ ᓈ, ᓀᔥᑕᐱᑯ ᐊᓕᒥᓯᐎᓐ, ᓀᔥᑕᐱᑯ ᓇᓀᑳᒋᐃᑯᓯᐎᓐ, ᓀᔥᑕᐱᑯ ᑲᐗᑲᑌᐎᓐ, ᓀᔥᑕᐱᑯ ᒧᔐᔥᑲᑌᐎᓐ, ᓀᔥᑕᐱᑯ ᓈᓂᓵᓂᓯᐎᓐ, ᓀᔥᑕᐱᑯ ᔑᒫᑲᓐ? 36ᑖᐱᔅᑯᒡ ᐁ ᐃᑕᓯᓇᐃᑳᑌᒃ, ᑭᓚ ᐅᒋ ᓂ ᓂᐸᐃᑲᐎᓈᓐ ᒥᓯᐌ ᐁᔅᑲᓂ ᑭᔑᑳᒃ; ᓂᑦ ᐃᑕᑭᒥᑲᐎᓈᓐ ᑖᐱᔅᑯᒡ ᒫᓂᔥᒑᓂᔕᒃ ᑳ ᐎ ᓂᐸᐋᑲᓂᐎᒋᒃ᙮ 37ᓇᒪ ᒫᑲ, ᒥᓯᐌ ᐅᐅ ᑫᒀᓇ ᐅᒋ ᐊᐙᓯᑌ ᑭᑦ ᐃᑌᓕᑖᑯᓯᓈᓇᐤ ᐃᔥᐱᔥ ᐅᐸᔅᑭᓛᑫᐗᒃ, ᐎᓚ ᐅᒋ ᑳ ᑮ ᓵᑭᐃᑕᒃ᙮ 38ᐌᓴ ᓂ ᑫᒋᓇᐅᓐ, ᓇᒪᐎᓚ ᓂᐱᐎᓐ, ᓀᔥᑕᐱᑯ ᐱᒫᑎᓯᐎᓐ, ᓀᔥᑕᐱᑯ ᐁᓐᒐᓚᒃ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑳ ᑭᔅᑕᑭᑖᑾᑭ, ᓀᔥᑕᐱᑯ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᐁᔥᑾ ᑫ ᐃᑕᑾᑭ, 39ᓀᔥᑕᐱᑯ ᐁ ᐃᔥᐹᒃ, ᓀᔥᑕᐱᑯ ᐁ ᑎᒥᔮᒃ, ᓀᔥᑕᐱᑯ ᑯᑕᒃ ᐅᔑᐋᑲᓐ, ᑲᑕ ᑮ ᑲᔥᑭᑕᐤ ᑭᒋ ᐹᑳᓂᐃᑕᒃ ᐅ ᓵᑭᐃᐌᐎᓂᒃ ᐅᒋ ᑭᒋᒪᓂᑐ, ᑳ ᐃᑕᑾᓂᓕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ᙮
Currently Selected:
ᕈᒪᓇ 8: MCNT91
Highlight
Copy
Compare
Share
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
ᕈᒪᓇ 8
8
ᐊᓇ ᐸᓓᑭ ᐊᒑᒃ ᐎᒋᐄᑯ ᐊᐌᓇ ᑫ ᐃᔑ ᐱᒫᑎᓯᔅᐸᓐ
1ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮ 2ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮ 3ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ: 4ᐊᓂᒪ ᒀᔭᔅᑭᑖᑎᓯᐎᓐ ᑳ ᐃᑕᑾᒃ ᐅᓚᔓᐌᐎᓂᒃ ᑭᒋ ᑎᐱᐸᓕᑕᒫᑲᐎᔭᒃ, ᐁᑳ ᐎᔮᓯᐎᓂᒃ ᑳ ᐃᔑ ᐱᒧᑌᔭᒃ, ᒫᑲ ᐊᒑᑯᒃ᙮ 5ᐌᓴ ᐊᓂᑭ ᑳ ᐱᒧᑖᑕᑭᒃ ᐎᔮᓯᐎᓂᓕᐤ, ᐱᓯᔅᑫᓕᑕᒶᒃ ᐊᓂᐃ ᐎᔮᓯᐎᓂᒃ ᑳ ᐅᒋᒪᑲᓂᓕᑭ; ᒫᑲ ᐊᓂᑭ ᑳ ᐱᒧᑖᑕᒋᒃ ᐊᒑᑯᒃ ᐊᓂᐃ ᐊᒑᑯᒃ ᑳ ᐅᒋᒪᑲᓂᓕᑭ᙮ 6ᐌᓴ ᑭᒋ ᐎᔮᓯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᓂᐱᐎᓐ; ᒫᑲ ᑭᒋ ᐊᒑᑯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᐱᒫᑎᓯᐎᓐ ᓀᔥᑕ ᑳᔮᒣᓕᑕᒧᐎᓐ᙮ 7ᐌᓴ ᐎᔮᓯᐎ ᒥᑐᓀᓕᒋᑲᓐ ᓇᑐᐸᓕᔅᑖᑯ ᑭᒋᒪᓂᑐ: ᐌᓴ ᓇᒪᐎᓚ ᑎᐯᓕᑖᑾᓐ ᐅᑦ ᐅᓚᔓᐌᐎᓂᐤ ᑭᒋᒪᓂᑐ, ᓇᒪᐎᓚ ᓀᔥᑕ ᑲᑕ ᑮ ᐃᑭᓐ᙮ 8ᐁᐗᑯ ᐅᒋ ᒫᑲ ᐊᓂᑭ ᐎᔮᓯᐎᓂᒃ ᑳ ᐃᑖᒋᒃ ᓇᒪᐎᓚ ᑲᑕ ᑮ ᓇᐃᓚᐌᐁᐗᒃ ᑭᒋᒪᓂᑐᐗ᙮
9ᒫᑲ ᑭᓚᐗᐤ ᓇᒪᐎᓚ ᐎᔮᓯᐎᓂᒃ ᑭᑦ ᐃᑖᓇᐗᐤ, ᒫᑲ ᐊᒑᑯᒃ, ᑮᔥᐱᓐ ᐅᑎ ᑭᒋᒪᓂᑐ ᐅᑦ ᐊᒑᑾ ᐱᒋᔅᑳᒥᑖᒃ, ᑮᔥᐱᓐ ᒫᑲ ᐊᐌᓇ ᐁᑳ ᐃᐋᔭᐙᒋ ᙭ᑕ ᐅᑦ ᐊᒑᑯᓕᐗ, ᐊᐗ ᓇᒪᐎᓚ ᐙᐙᒡ ᑎᐯᓕᒥᑯ᙮ 10ᑮᔥᐱᓐ ᒫᑲ ᙭ ᐱᐃᒋᔅᑳᑖᑴ, ᒥᔭᐤ ᑮ ᓂᐱᒪᑲᓐ ᒪᒋᑣᐎᓐ ᐅᒋ; ᒫᑲ ᐊᒑᒃ ᐱᒫᑎᓯᐎᓂᐎᐤ ᒀᔭᔅᑭᑖᑎᓯᐎᓐ ᐅᒋ᙮ 11ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮
12ᐁᐗᑯ ᐅᒋ ᒫᑲ, ᓂᒋᔖᓂᑐᒃ, ᑭ ᒪᓯᓇᐃᑲᓂᓈᓇᐤ, ᓇᒪᐎᓚ ᐁ ᒪᓯᓇᐃᑫᔅᑕᒪᒃ ᐎᔮᓯᐎᓐ, ᐎᔮᓯᐎᓂᒃ ᐃᔑ ᑭᒋ ᐱᒫᑎᓯᔭᒃ᙮ 13ᐌᓴ ᑮᔥᐱᓐ ᐎᔮᓯᐎᓂᒃ ᐃᔑ ᐱᒫᑎᓯᔦᑴ, ᑭ ᑳ ᓂᐱᓇᐗᐤ: ᒫᑲ ᑮᔥᐱᓐ ᐋᒑᒃ ᐅᒋ ᓂᔑᐗᓈᒋᑖᔦᑴ ᒥᔭᐎ ᐃᔑᑣᐎᓇ, ᑭ ᑳ ᐱᒫᑎᓯᓇᐗᐤ᙮ 14ᐌᓴ ᒥᓯᐌ ᑳ ᑭᔅᑭᓄᑕᐃᑯᒋᒃ ᑭᒋᒪᓂᑐᐗ ᐅᑦ ᐊᒑᑯᓕᐗ, ᐁᐗᒀᓂᑭ ᑳ ᐅᑯᓯᓯᒥᑯᒋᒃ ᑭᒋᒪᓂᑐᐗ᙮ 15ᐌᓴ ᓇᒪᐎᓚ ᑭ ᑮ ᐅᒋ ᒥᓕᑲᐎᓇᐗᐤ ᐊᐗᑳᓂᐎ ᐊᒑᒃ ᒥᓇ ᑭᒋ ᓭᑭᓯᔦᒃ; ᒫᑲ ᑭ ᑮ ᒥᓕᑲᐎᓇᐗᐤ ᐅᑯᓯᓯᒪᐎ ᐊᒑᒃ ᑳ ᐅᒋ ᑌᐺᔦᒃ, ᐋᐸ, ᓄᑖ᙮ 16ᐊᓇ ᐊᒑᒃ ᑫᒋᐙᒃ ᑎᐹᑐᑕᒻ ᐊᓯᒋ ᑭᑦ ᐊᒑᑯᓇᐤ, ᐁ ᐅᑦ ᐊᐙᔑᒥᔑᒥᑕᐤ ᑭᒋᒪᓂᑐ᙮ 17ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮
ᐊᓂᒪ ᓂᑳᓐ ᑭᔅᑖᒋᒥᑯᓯᐎᓐ
18ᐌᓴ ᓂᑦ ᐊᑭᑌᓐ ᐊᓂᐃ ᐎᓴᑫᓕᑕᒧᐎᓇ ᐊᓄᒡ ᑳ ᐃᑕᑾᑭ ᐁᑳ ᐙᔦᔥ ᐁ ᐃᑌᓕᑖᑾᑭ ᐃᔥᐱᔥ ᐊᓂᒪ ᑭᔅᑌᓕᑖᑯᓯᐎᓐ ᑫ ᐙᐸᑎᓕᑲᐎᔭᒃ᙮ 19ᐌᓴ ᑳ ᐅᔑᐋᑲᓂᐎᑦ ᐅ ᑭᐗᔐᓕᑕᒧᐎᓐ ᐯᑖᒪᑲᓂᓕᐤ ᑭᒋ ᓄᑯᐋᑲᓂᐎᓕᒋ ᐊᓂᐃ ᑳ ᐅᑯᓯᓯᒥᑯᓕᒋ ᑭᒋᒪᓂᑐᐗ᙮ 20ᐌᓴ ᑳ ᐅᔑᐋᑲᓂᐎᑦ ᑮ ᐃᔑᐋᑲᓂᐎᐤ ᑭᒋ ᑎᐯᓕᒥᑯᑦ ᓂᔑᐗᓈᑎᓯᐎᓂᓕᐤ, ᓇᒪᐎᓚ ᑫᒋᐙᒃ ᐁ ᐃᔑ ᓇᐁᓕᑕᒃ, ᒫᑲ ᐊᓂᐃ ᐅᒋ ᑳ ᐃᔑ ᑎᐯᓕᑖᑯᐃᑯᑦ ᐊᔅᐯᓕᒧᐎᓂᒃ᙮ 21ᐌᓴ ᑳ ᐅᔑᐋᑲᓂᐎᑦ ᑫᒋᐙᒃ ᑲᑕ ᐅᒋ ᐱᒫᒋᐋᑲᓂᐎᐤ ᓂᔑᐗᓈᑎᓯᐎ ᑎᐯᓕᒋᑫᐎᓂᓕᐤ ᑭᒋ ᐋᔭᐙᑦ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᐅ ᑎᐯᓕᒥᑎᓱᐎᓂᓕᐤ ᑳ ᑭᔅᑌᓕᑖᑾᓂᓕᒃ᙮ 22ᐌᓴ ᑭ ᑭᔅᑫᓕᑌᓈᓇᐤ ᒥᓯᐌ ᑳ ᐅᔑᐋᑲᓂᐎᒋᒃ ᒫᒪᐤ ᒫᒫᑗᐗᒃ ᓀᔥᑕ ᐎᓴᑫᓕᑕᒶᒃ ᑖᐱᔅᑯᒡ ᐊᐌᓇ ᐁ ᐎ ᐙᐸᒪᐗᓱᑦ ᐱᓕᔥ ᐊᓄᒡ᙮ 23ᓇᒪᐎᓚ ᒫᑲ ᐎᓚᐗᐤ ᐱᑯ, ᒫᑲ ᑭᓚᓈᓇᐤ ᓀᔥᑕ ᑳ ᐋᔮᔭᒃ ᐊᓂᐃ ᑳ ᓂᑳᓂᒥᓂᔑᐎᑦ ᐊᒑᒃ, ᑭᓚᓈᓇᐤ ᑫᒋᐙᒃ ᑭ ᒫᒫᑗᓈᓇᐤ ᐱᒋ ᑭᔭᐎᓈᒃ, ᐁ ᐯᑖᔭᒃ ᑭᒋ ᐅᑦ ᐊᐙᔑᒥᔑᒥᑲᐎᔭᒃ, ᑭᒋ ᐱᒫᒋᑖᓂᐗᒃ ᑭᔭᐎᓇᐤ ᐅᑎ᙮ 24ᐌᓴ ᐊᔅᐯᓕᒧᐎᓐ ᑭᑦ ᐅᒋ ᐱᒫᒋᐃᑲᐎᓈᓇᐤ: ᒫᑲ ᐊᔅᐯᓕᒧᐎᓐ ᑳ ᓄᑾᒃ ᓇᒪᐎᓚ ᐊᔅᐯᓕᒧᐎᓐ: ᐌᓴ ᑫᒀᓕᐤ ᑳ ᐙᐸᑕᒃ ᐃᓕᓕᐤ, ᑖᓀᑭ ᐌᒋ ᑫᔮᐸᒡ ᑫ ᐊᔅᐯᓕᒧᑕᒃ? 25ᒫᑲ ᑮᔥᐱᓐ ᐊᔅᐯᓕᒧᑕᒪᒃ ᐊᓂᒪ ᐁᑳ ᑳ ᐙᐸᑕᒪᒃ, ᐁᑯ ᐁ ᔑᐱᓚᐌᓯᔭᒃ ᑭ ᐯᑖᓈᓇᐤ᙮
26ᓀᔥᑕ ᒫᑲ ᐊᒑᒃ ᐊᓯᒋ ᓂᔓᑲᒪᐙᑕᒻ ᑭ ᓕᓚᒥᓯᐎᓂᓇᐗ; ᐌᓴ ᓇᒪᐎᓚ ᑭ ᑭᔅᑫᓕᑌᓈᓇᐤ ᑫᒀᓐ ᒀᔭᔉ ᑫ ᓇᑐᑕᒫᔭᑭᐸᓐ: ᒫᑲ ᐊᒑᒃ ᑫᒋᐙᒃ ᑭᑦ ᐋᔭᒥᐁᔅᑕᒫᑯᓇᐤ ᒫᒫᑗᐎᓂᒃ ᐁᑳ ᑫ ᑮ ᐃᑣᓂᐗᒃ᙮ 27ᐊᓇ ᒫᑲ ᑳ ᓈᓇᑕᐎᑭᔅᑫᓕᑕᒃ ᒥᑌᐊ, ᑭᔅᑫᓕᑕᒻ ᑫᒀᓕᐤ ᐁᑌᓕᑕᒥᓕᒋ ᐊᒑᑾ, ᐌᓴ ᐋᔭᒥᐁᔅᑕᒪᐌᐤ ᐅᐸᓓᑭᓴ ᐁ ᐃᔑ ᓇᑕᐌᓕᑕᒥᓕᒋ ᑭᒋᒪᓂᑐᐗ᙮
28ᑭ ᑭᔅᑫᓕᑌᓈᓇᐤ ᓀᔥᑕ ᒥᓯᐌ ᑫᒀᓇ ᐁ ᒫᒪᐎ ᐊᑑᔅᑫᒪᑲᑭ ᑭᒋ ᐅᒋ ᒥᓗᐋᔮᒋᒃ ᐊᓂᑭ ᑳ ᓵᑭᐋᒋᒃ ᑭᒋᒪᓂᑐᐗ, ᐊᓂᑭ ᑳ ᑮ ᓇᑐᒫᑲᓂᐎᒋᒃ ᐁ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ᙮ 29ᐌᓴ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ, ᐁᐗᒀᓂᐃ ᓀᔥᑕ ᑳ ᑮ ᓂᑳᓂᑭᔅᑭᓇᐌᔦᓕᒫᑦ ᑭᒋ ᐃᔑᐋᑲᓂᐎᓕᒋ ᑭᒋ ᓇᔅᐱᑕᐙᓕᒋ ᐁ ᐃᔑᓈᑯᓯᓕᒋ ᐅᑯᓯᓴ, ᐎᓚ ᑭᒋ ᓃᔥᑕᒧᔖᓂᐎᑦ ᒣᑴᔭᔥ ᑳ ᒥᒉᑎᓕᒋ ᐎᒋᔖᓇ᙮ 30ᓀᔥᑕ ᒫᑲ ᐊᓂᐃ ᑳ ᑮ ᓂᑳᓂᑭᔅᑭᓇᐌᔦᓕᒫᑦ, ᐅᐅ ᓀᔥᑕ ᑮ ᓇᑐᒣᐤ: ᐊᓂᐃ ᓀᔥᑕ ᑳ ᑮ ᓇᑐᒫᑦ, ᐁᐗᒀᓂᐃ ᓀᔥᑕ ᑳ ᑮ ᒀᔭᔅᑭᑖᑎᓯᐋᑦ; ᓀᔥᑕ ᐊᓂᐃ ᑳ ᑮ ᒀᔭᔅᑭᑖᑎᓯᐋᑦ, ᐁᐗᒀᓂᐃ ᓀᔥᑕ ᑳ ᑮ ᑭᔅᑎᓕᑖᑯᐋᑦ᙮
ᑭᒋᒪᓂᑐ ᐅᓵᑭᐃᐌᐎᓐ ᑳ ᒥᓕᑲᐎᔭᒃ ᒋᓴᔅ ᙭ᑎᒃ
31ᑫᒀᓐ ᒫᑲ ᑫ ᐃᑕᒪᒃ ᐅᐅ? ᑮᔥᐱᓐ ᑭᒋᒪᓂᑐ ᐯᓯᑯᔅᑕᒫᑕᑯ, ᐊᐌᓇ ᑫ ᑮ ᓄᑎᓂᑕᒃ? 32ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ? 33ᐊᐌᓇ ᑫ ᑮ ᒪᒥᔑᒥᒫᑦ ᑭᒋᒪᓂᑐ ᐅ ᐙᐌᓛᐸᒫᑲᓇ? ᑭᒋᒪᓂᑐ ᐁᐗᒀᓇ ᑳ ᒀᔭᔅᑭᑖᑎᓯᐃᐌᑦ᙮ 34ᐊᐌᓇ ᐊᓇ ᑳ ᓂᔑᐗᓈᒋᒥᐌᑦ? ᙭ ᐁᐗᒀᓇ ᑳ ᑮ ᓂᐱᑦ, ᐁᐁ ᐊᐙᓯᑌ, ᒥᓇ ᑳ ᑮ ᐗᓂᔥᑲᑦ, ᐙᐙᒡ ᑭᒋᒪᓂᑐᐗ ᐅ ᑭᒋᓂᔅᑭᓕᒡ ᑳ ᐃᑖᑦ, ᐊᓇ ᓀᔥᑕ ᑳ ᐋᔭᒥᐁᔅᑕᒫᑕᒃ᙮ 35ᐊᐌᓇ ᑫ ᐹᑲᓂᐃᑕᒃ ᙭ ᐅ ᓵᑭᐃᐌᐎᓂᒃ ᐅᒋ? ᑲᒀᑕᑭᓯᐎᓐ ᓈ, ᓀᔥᑕᐱᑯ ᐊᓕᒥᓯᐎᓐ, ᓀᔥᑕᐱᑯ ᓇᓀᑳᒋᐃᑯᓯᐎᓐ, ᓀᔥᑕᐱᑯ ᑲᐗᑲᑌᐎᓐ, ᓀᔥᑕᐱᑯ ᒧᔐᔥᑲᑌᐎᓐ, ᓀᔥᑕᐱᑯ ᓈᓂᓵᓂᓯᐎᓐ, ᓀᔥᑕᐱᑯ ᔑᒫᑲᓐ? 36ᑖᐱᔅᑯᒡ ᐁ ᐃᑕᓯᓇᐃᑳᑌᒃ, ᑭᓚ ᐅᒋ ᓂ ᓂᐸᐃᑲᐎᓈᓐ ᒥᓯᐌ ᐁᔅᑲᓂ ᑭᔑᑳᒃ; ᓂᑦ ᐃᑕᑭᒥᑲᐎᓈᓐ ᑖᐱᔅᑯᒡ ᒫᓂᔥᒑᓂᔕᒃ ᑳ ᐎ ᓂᐸᐋᑲᓂᐎᒋᒃ᙮ 37ᓇᒪ ᒫᑲ, ᒥᓯᐌ ᐅᐅ ᑫᒀᓇ ᐅᒋ ᐊᐙᓯᑌ ᑭᑦ ᐃᑌᓕᑖᑯᓯᓈᓇᐤ ᐃᔥᐱᔥ ᐅᐸᔅᑭᓛᑫᐗᒃ, ᐎᓚ ᐅᒋ ᑳ ᑮ ᓵᑭᐃᑕᒃ᙮ 38ᐌᓴ ᓂ ᑫᒋᓇᐅᓐ, ᓇᒪᐎᓚ ᓂᐱᐎᓐ, ᓀᔥᑕᐱᑯ ᐱᒫᑎᓯᐎᓐ, ᓀᔥᑕᐱᑯ ᐁᓐᒐᓚᒃ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑳ ᑭᔅᑕᑭᑖᑾᑭ, ᓀᔥᑕᐱᑯ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᐁᔥᑾ ᑫ ᐃᑕᑾᑭ, 39ᓀᔥᑕᐱᑯ ᐁ ᐃᔥᐹᒃ, ᓀᔥᑕᐱᑯ ᐁ ᑎᒥᔮᒃ, ᓀᔥᑕᐱᑯ ᑯᑕᒃ ᐅᔑᐋᑲᓐ, ᑲᑕ ᑮ ᑲᔥᑭᑕᐤ ᑭᒋ ᐹᑳᓂᐃᑕᒃ ᐅ ᓵᑭᐃᐌᐎᓂᒃ ᐅᒋ ᑭᒋᒪᓂᑐ, ᑳ ᐃᑕᑾᓂᓕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ᙮
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.