ᕈᒪᓇ 7
7
ᐎᑭᑐᐎᓐ ᐁ ᐃᔑᓈᑾᒃ ᐁ ᓄᔅᐱᓇᑖᑲᓂᐎᑦ ᙭
1ᓇᒪ ᓈ ᑭ ᑭᔅᑫᓕᑌᓇᐗᐤ, ᓂᒋᔖᓂᑐᒃ, ᐌᓴ ᓂᑦ ᐋᔭᒥᐋᐗᒃ ᐊᓂᑭ ᑳ ᑭᔅᑫᓕᑕᑭᒃ ᐅᓚᔓᐌᐎᓂᓕᐤ, ᐅᓚᔓᐌᐎᓂᓕᐤ ᐁ ᑎᐯᓕᒥᑯᑦ ᐃᓕᓕᐤ ᐃᔥᐱᔥ ᐁ ᐱᒫᑎᓰᑦ? 2ᐌᓴ ᐊᓇ ᐃᔅᑴᐤ ᑳ ᐅ ᓈᐯᒥᑦ ᐊᓯᑕᐱᓱ ᐅ ᓈᐯᒪ ᐅᓚᔓᐌᐎᓂᓕᐤ ᐅᒋ ᐃᔥᐱᔥ ᐁ ᐱᒫᑎᓯᓕᒋ; ᒫᑲ ᑮᔥᐱᓐ ᑮ ᓂᐱᓕᒋ ᐅ ᓈᐯᒪ, ᐋᐸᐗᐤ ᐅ ᓈᐯᒪ ᐅᑦ ᐅᓚᔓᐌᐎᓂᓕᐤ ᐅᒋ᙮ 3ᑮᔥᐱᓐ ᒫᑲ, ᒣᒀᒡ ᐅ ᓈᐯᒪ ᐁ ᐱᒫᑎᓯᓕᒋ, ᑯᑕᑭᔭ ᓈᐯᐗ ᐎᑭᒫᑌ, ᐱᔑᒀᑎᔅᑴᐤ ᑲᑕ ᐃᔑᓂᑳᑕᐤ: ᒫᑲ ᑮᔥᐱᓐ ᓂᐱᓕᒋ ᐅᓈᐯᒪ, ᐋᐸᐗᐤ ᐊᓂᐁᓕᐤ ᐅᓚᔓᐌᐎᓂᓕᐤ ᐅᒋ; ᓇᒪᐎᓚ ᒫᑲ ᐱᔑᒀᑎᔅᑴᐎᐤ, ᐋᑕ ᐁ ᐎᑭᒫᑦ ᑯᑕᑭᔭ ᓈᐯᐗ᙮ 4ᐁᐗᑯ ᐅᒋ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐅᓚᔓᐌᐎᓂᒃ ᑭᑦ ᐅᒋ ᓂᐱᓇᐗᐤ ᙭ ᐎᔭᐤ ᐅᒋ; ᑭᒋ ᑮ ᐎᑭᒣᒃ ᑯᑕᒃ, ᐊᓇ ᐅᑎ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑲᓂᐎᑦ ᒥᓂᔕ ᑭᒋ ᑮ ᓂᑕᐎᑭᑕᒪᐗᒃ ᑭᒋᒪᓂᑐ᙮ 5ᐌᓴ ᒣᒀᒡ ᐎᔮᓯᐎᓂᒃ ᐁᑖᔭᒃ, ᒪᒋᑣᐎᓂ ᓱᑫᓕᑕᒧᐎᓇ, ᑳ ᐃᑕᑾᑭ ᐅᓚᔓᐌᐎᓐ ᐅᒋ, ᑮ ᐃᔑᒋᑫᒪᑲᓋ ᑭ ᐸᔅᑫᓯᐎᓂᓈᒃ ᑭᒋ ᓂᑕᐎᑭᑖᔨᒃ ᒥᓂᔕ ᓂᐱᐎᓂᒃ ᐃᔑ᙮ 6ᐊᓄᒡ ᒫᑲ ᑭ ᐎᑾᒋᐃᑲᐎᓈᓇᐤ ᐅᓚᔓᐌᐎᓂᒃ ᐅᒋ, ᐁ ᓂᐱᔭᒃ ᐊᓂᒪ ᐅᒋ ᑳ ᑮ ᑎᐯᓕᒥᑯᔭᒃ; ᑭᒋ ᑮ ᐊᑑᔅᑫᔭᒃ ᐅᔥᑭ ᐊᒑᑯᐎᓂᒃ, ᓇᒪ ᒫᑲ ᑳᔮᔥ ᐁ ᐃᔑ ᒪᓯᓇᐃᑳᑌᒃ᙮
ᐅᓚᔓᐌᐎᓐ ᓀᔥᑕ ᒪᒋᐃᑎᐎᓐ
7ᑖᓂ ᑫ ᐃᑗᔭᒃ ᒫᑲ? ᒪᒋᑣᐎᓂᐗᓐ ᓈ ᐅᓚᔓᐌᐎᓐ? ᓇᒪᐎᓚ ᑲᑕ ᐎ ᐃᑭᓐ, ᓇᒪᐎᓚ, ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᑣᐎᓐ ᐅᓚᔓᐌᐎᓂᒃ ᐅᒋ ᐱᑯ: ᐌᓴ ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᐃᑌᓕᑕᒧᐎᓐ, ᑮᔥᐱᓐ ᐅᓚᔓᐌᐎᓐ ᐁᑳ ᑮ ᐃᑗᒪᑲᓄᑯᐸᓀ, ᐁᑳᐎᓚ ᑭ ᑳ ᒧᔅᑌᓇᒫᑳᓐ᙮ 8ᒫᑲ ᒪᒋᑣᐎᓐ, ᑲᑫᔅᑴᐎᓂᒃ ᐅᒋ, ᓂ ᑮ ᐊᑑᔅᑫᔅᑳᑯᓐ ᒥᓯᐌ ᑐᐎ ᒪᒋᐃᑌᓕᑕᒧᐎᓐ᙮ ᐌᓴ ᐁᑳ ᐁ ᐃᑕᑾᒃ ᐅᓚᔓᐌᐎᓐ ᒪᒋᑣᐎᓐ ᑮ ᓂᐱᒪᑲᓐ᙮ 9ᐌᓴ ᐯᔭᑾᐤ ᓂ ᑮ ᐱᒫᑎᓰᓐ ᐁᑳ ᐅᓚᔓᐌᐎᓐ ᐁ ᐃᑕᑾᒃ: ᐃᔅᐱ ᒫᑲ ᑲᑫᔅᑴᐎᓐ ᑌᑯᔑᓄᒪᑲᒃ ᒪᒋᑣᐎᓐ ᑮ ᐋᐱᓯᐌᓕᑕᒧᒪᑲᓐ, ᐁᑯ ᑳ ᓂᐱᔮᓐ᙮ 10ᓀᔥᑕ ᐊᓂᒪ ᑲᑫᔅᑴᐎᓐ ᑳ ᑮ ᐅᓚᑭᒋᑳᑌᒃ ᑭᒋ ᐅᒋ ᐱᒫᑎᓯᓈᓂᐗᒃ, ᓂ ᑮ ᒥᔅᑫᓐ ᑭᒋ ᐅᒋ ᓂᐱᓈᓂᐗᒃ᙮ 11ᐌᓴ ᒪᒋᑣᐎᓐ, ᐊᓂᒪ ᑲᑫᔅᑴᐎᓐ ᐅᒋ, ᓂ ᑮ ᐙᔦᔑᐃᑯᓐ, ᓀᔥᑕ ᐁᐗᑯ ᐅᒋ ᓂ ᑮ ᓂᐹᔨᑯᓐ᙮
12ᐁᐗᑯ ᒫᑲ ᐅᒋ ᐅᓚᔓᐌᐎᓐ ᐸᓓᑲᓐ, ᓀᔥᑕ ᑲᑫᔅᑴᐎᓐ ᐸᓓᑲᓐ, ᓀᔥᑕ ᒀᔭᔅᑭᑎᐗᓐ, ᓀᔥᑕ ᒥᓨᔑᓐ᙮ 13ᐊᓂᒪ ᒫᑲ ᑳ ᒥᓨᔑᒃ ᓂ ᑮ ᓂᐹᐃᑯᓐ ᓈ? ᓇᒪᐎᓚ ᑲᑕ ᐎ ᐃᑭᓐ᙮ ᒫᑲ ᒪᒋᑣᐎᓐ, ᑭᒋ ᓄᑾᒃ ᐁ ᒪᒋᑣᐎᓂᐗᒃ, ᐁ ᓂᐹᐃᑯᔮᓐ ᐊᓂᒪ ᑳ ᒥᓨᔑᒃ ᐅᒋ; ᒪᒋᑣᐎᓐ ᑲᑫᔅᑴᐎᓂᒃ ᐅᒋ ᑭᒋ ᓄᑾᒃ ᓈᔅᐱᒡ ᐁ ᒪᒋᑣᒪᑲᒃ᙮
ᐊᓂᒪ ᓇᔅᑯᔅᑖᑐᐎᓐ ᑳ ᐱᒋᔥᑳᑯᑦ ᐃᓕᓕᐤ
14ᐌᓴ ᑭ ᑭᔅᑫᓕᑌᓈᓇᐤ ᐅᓚᔓᐌᐎᓐ ᐁ ᐊᒑᑯᐗᒃ: ᒫᑲ ᓂᓚ ᓂ ᐎᔮᓯᐎᓐ, ᒪᒋᑣᐎᓂᒃ ᐁ ᑮ ᐃᔑ ᐊᑖᐙᒀᑎᓱᔮᓐ᙮ 15ᐌᓴ ᐊᓂᒪ ᑳ ᑐᑕᒫᓐ, ᓇᒪᐎᓚ ᓂ ᒥᓜᓕᑌᓐ: ᐌᓴ ᐊᓂᒪ ᐙ ᑐᑕᒫᓐ ᓇᒪ ᐎᓚ ᓂ ᑝᑌᓐ; ᒫᑲ ᐊᓂᒪ ᑳ ᐸᒀᑕᒫᓐ, ᐁᐗᑯ ᐁ ᑐᑕᒫᓐ᙮ 16ᑮᔥᐱᓐ ᒫᑲ ᑎᐅᑕᒧᐙᓀ ᐊᓂᒪ ᐁᑳ ᐙ ᑐᑕᒫᓐ, ᓂ ᓇᔅᑯᒧᑐᑌᓐ ᐅᓚᔓᐌᐎᓐ ᐁᒥᓨᔑᒃ᙮ 17ᓇᒪᐎᓚ ᒫᑲ ᓂᓚ ᑳ ᑕᑐᒫᓐ, ᒫᑲ ᒪᒋᑣᐎᓐ ᑳ ᐱᒋᔅᑳᑯᔮᓐ᙮ 18ᐌᓴ ᓂ ᑭᔅᑫᓕᑌᓐ ᐱᒋ ᓂᔭᐎᒃ, ᓂ ᐎᔮᓯᒃ ᐅᑎ, ᐁᑳ ᑫᒀᓐ ᑳ ᒥᓨᔑᒃ ᐁ ᐱᒋᔅᑳᑯᔮᓐ: ᐌᓴ ᑭᒋ ᐃᑌᓕᑕᒫᓐ ᓂ ᑮ ᑐᑌᓐ, ᒫᑲ ᑫ ᐃᔑ ᑎᐱᑐᑕᒫᓐ ᐊᓂᒪ ᑳ ᒥᓨᔑᒃ ᓇᒪᐎᓚ ᓂ ᒥᔅᑫᓐ᙮ 19ᐌᓴ ᐊᓂᒪ ᑳ ᒥᓨᔑᒃ ᐙ ᑐᑕᒫᓐ ᓇᒪᐎᓚ ᓂ ᑐᑌᓐ: ᒫᑲ ᐊᓂᒪ ᑳ ᒫᓛᑕᒃ ᐁᑳ ᐙ ᑐᑕᒫᓐ ᐁᐗᑯ ᐁ ᑐᑕᒫᓐ᙮ 20ᑮᔥᐱᓐ ᒫᑲ ᑐᑕᒫᓐ ᐊᓂᒪ ᐁᑳ ᐙ ᑐᑕᒫᓐ, ᓇᒪᐎᓚ ᑫᔮᐸᒡ ᓂᓚ ᑳ ᑐᑕᒫᓐ, ᒫᑲ ᐊᓂᒪ ᒪᒋᑣᐎᓐ ᑳ ᐱᒋᔅᑳᑯᔮᓐ᙮
21ᓂ ᒥᔅᑫᓐ ᒫᑲ ᐅᓚᔓᐌᐎᓐ, ᐁᐗᑯ, ᐃᔅᐱ ᐙ ᑐᑕᒫᓐ ᑳ ᒥᓨᔑᒃ, ᑳ ᒫᓛᑕᒃ ᓂ ᐎᒉᐎᑯᓐ᙮ 22ᐌᓴ ᓂ ᒥᓜᓕᑕᒸᓐ ᐅᑦ ᐅᓚᔓᐌᐎᓐ ᑭᒋᒪᓂᑐ ᐁ ᐃᔑᑣᑦ ᐱᒋ ᐃᓕᓕᐤ: 23ᒫᑲ ᓂ ᐙᐸᑌᓐ ᑯᑕᒃ ᐅᓚᔓᐌᐎᓐ ᓂ ᐸᔅᑫᓯᐎᓂᒃ, ᐁ ᓄᑎᓇᒧᒪᑲᒃ ᐊᓂᒪ ᐅᓚᔓᐌᐎᓐ ᑳ ᐃᑕᑾᒃ ᓂ ᒥᑐᓂᓕᒋᑲᓂᒃ, ᓀᔥᑕ ᐁ ᐯᔑᑯᔮᓐ ᑭᒋ ᐊᐗᑳᑎᑯᔮᓐ ᐊᓂᒪ ᒪᒋᑣᐎᓂ ᐅᓚᔓᐌᐎᐤ ᑳ ᐃᑕᑾᒃ ᓂ ᐸᔅᑫᓯᐎᓂᒃ᙮ 24ᐅ ᑭᑎᒫᑭᓯᐎ ᐃᓕᓕᐤ! ᐊᐌᓇ ᑫ ᐎᑾᒋᐃᑦ ᐅᒪ ᓂᐱᐎᓂ ᒥᔭᐤ ᐅᒋ? 25ᓂ ᓇᓈᔅᑯᒪᐤ ᑭᒋᒪᓂᑐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮
ᓂ ᒥᑐᓀᓕᒋᑲᓂᒃ ᒫᑲ ᓂᑦ ᐊᑑᔅᑫᔅᑕᒸᓐ ᑭᒋᒪᓂᑐ ᐅᑦ ᐅᓚᔓᐌᐎᓐ; ᒫᑲ ᓂ ᐎᔮᓯᒃ ᒪᒋᑣᐎᓂ ᐅᓚᔓᐌᐎᐤ᙮
Currently Selected:
ᕈᒪᓇ 7: MCNT91
Highlight
Copy
Compare
Share
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
ᕈᒪᓇ 7
7
ᐎᑭᑐᐎᓐ ᐁ ᐃᔑᓈᑾᒃ ᐁ ᓄᔅᐱᓇᑖᑲᓂᐎᑦ ᙭
1ᓇᒪ ᓈ ᑭ ᑭᔅᑫᓕᑌᓇᐗᐤ, ᓂᒋᔖᓂᑐᒃ, ᐌᓴ ᓂᑦ ᐋᔭᒥᐋᐗᒃ ᐊᓂᑭ ᑳ ᑭᔅᑫᓕᑕᑭᒃ ᐅᓚᔓᐌᐎᓂᓕᐤ, ᐅᓚᔓᐌᐎᓂᓕᐤ ᐁ ᑎᐯᓕᒥᑯᑦ ᐃᓕᓕᐤ ᐃᔥᐱᔥ ᐁ ᐱᒫᑎᓰᑦ? 2ᐌᓴ ᐊᓇ ᐃᔅᑴᐤ ᑳ ᐅ ᓈᐯᒥᑦ ᐊᓯᑕᐱᓱ ᐅ ᓈᐯᒪ ᐅᓚᔓᐌᐎᓂᓕᐤ ᐅᒋ ᐃᔥᐱᔥ ᐁ ᐱᒫᑎᓯᓕᒋ; ᒫᑲ ᑮᔥᐱᓐ ᑮ ᓂᐱᓕᒋ ᐅ ᓈᐯᒪ, ᐋᐸᐗᐤ ᐅ ᓈᐯᒪ ᐅᑦ ᐅᓚᔓᐌᐎᓂᓕᐤ ᐅᒋ᙮ 3ᑮᔥᐱᓐ ᒫᑲ, ᒣᒀᒡ ᐅ ᓈᐯᒪ ᐁ ᐱᒫᑎᓯᓕᒋ, ᑯᑕᑭᔭ ᓈᐯᐗ ᐎᑭᒫᑌ, ᐱᔑᒀᑎᔅᑴᐤ ᑲᑕ ᐃᔑᓂᑳᑕᐤ: ᒫᑲ ᑮᔥᐱᓐ ᓂᐱᓕᒋ ᐅᓈᐯᒪ, ᐋᐸᐗᐤ ᐊᓂᐁᓕᐤ ᐅᓚᔓᐌᐎᓂᓕᐤ ᐅᒋ; ᓇᒪᐎᓚ ᒫᑲ ᐱᔑᒀᑎᔅᑴᐎᐤ, ᐋᑕ ᐁ ᐎᑭᒫᑦ ᑯᑕᑭᔭ ᓈᐯᐗ᙮ 4ᐁᐗᑯ ᐅᒋ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐅᓚᔓᐌᐎᓂᒃ ᑭᑦ ᐅᒋ ᓂᐱᓇᐗᐤ ᙭ ᐎᔭᐤ ᐅᒋ; ᑭᒋ ᑮ ᐎᑭᒣᒃ ᑯᑕᒃ, ᐊᓇ ᐅᑎ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑲᓂᐎᑦ ᒥᓂᔕ ᑭᒋ ᑮ ᓂᑕᐎᑭᑕᒪᐗᒃ ᑭᒋᒪᓂᑐ᙮ 5ᐌᓴ ᒣᒀᒡ ᐎᔮᓯᐎᓂᒃ ᐁᑖᔭᒃ, ᒪᒋᑣᐎᓂ ᓱᑫᓕᑕᒧᐎᓇ, ᑳ ᐃᑕᑾᑭ ᐅᓚᔓᐌᐎᓐ ᐅᒋ, ᑮ ᐃᔑᒋᑫᒪᑲᓋ ᑭ ᐸᔅᑫᓯᐎᓂᓈᒃ ᑭᒋ ᓂᑕᐎᑭᑖᔨᒃ ᒥᓂᔕ ᓂᐱᐎᓂᒃ ᐃᔑ᙮ 6ᐊᓄᒡ ᒫᑲ ᑭ ᐎᑾᒋᐃᑲᐎᓈᓇᐤ ᐅᓚᔓᐌᐎᓂᒃ ᐅᒋ, ᐁ ᓂᐱᔭᒃ ᐊᓂᒪ ᐅᒋ ᑳ ᑮ ᑎᐯᓕᒥᑯᔭᒃ; ᑭᒋ ᑮ ᐊᑑᔅᑫᔭᒃ ᐅᔥᑭ ᐊᒑᑯᐎᓂᒃ, ᓇᒪ ᒫᑲ ᑳᔮᔥ ᐁ ᐃᔑ ᒪᓯᓇᐃᑳᑌᒃ᙮
ᐅᓚᔓᐌᐎᓐ ᓀᔥᑕ ᒪᒋᐃᑎᐎᓐ
7ᑖᓂ ᑫ ᐃᑗᔭᒃ ᒫᑲ? ᒪᒋᑣᐎᓂᐗᓐ ᓈ ᐅᓚᔓᐌᐎᓐ? ᓇᒪᐎᓚ ᑲᑕ ᐎ ᐃᑭᓐ, ᓇᒪᐎᓚ, ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᑣᐎᓐ ᐅᓚᔓᐌᐎᓂᒃ ᐅᒋ ᐱᑯ: ᐌᓴ ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᐃᑌᓕᑕᒧᐎᓐ, ᑮᔥᐱᓐ ᐅᓚᔓᐌᐎᓐ ᐁᑳ ᑮ ᐃᑗᒪᑲᓄᑯᐸᓀ, ᐁᑳᐎᓚ ᑭ ᑳ ᒧᔅᑌᓇᒫᑳᓐ᙮ 8ᒫᑲ ᒪᒋᑣᐎᓐ, ᑲᑫᔅᑴᐎᓂᒃ ᐅᒋ, ᓂ ᑮ ᐊᑑᔅᑫᔅᑳᑯᓐ ᒥᓯᐌ ᑐᐎ ᒪᒋᐃᑌᓕᑕᒧᐎᓐ᙮ ᐌᓴ ᐁᑳ ᐁ ᐃᑕᑾᒃ ᐅᓚᔓᐌᐎᓐ ᒪᒋᑣᐎᓐ ᑮ ᓂᐱᒪᑲᓐ᙮ 9ᐌᓴ ᐯᔭᑾᐤ ᓂ ᑮ ᐱᒫᑎᓰᓐ ᐁᑳ ᐅᓚᔓᐌᐎᓐ ᐁ ᐃᑕᑾᒃ: ᐃᔅᐱ ᒫᑲ ᑲᑫᔅᑴᐎᓐ ᑌᑯᔑᓄᒪᑲᒃ ᒪᒋᑣᐎᓐ ᑮ ᐋᐱᓯᐌᓕᑕᒧᒪᑲᓐ, ᐁᑯ ᑳ ᓂᐱᔮᓐ᙮ 10ᓀᔥᑕ ᐊᓂᒪ ᑲᑫᔅᑴᐎᓐ ᑳ ᑮ ᐅᓚᑭᒋᑳᑌᒃ ᑭᒋ ᐅᒋ ᐱᒫᑎᓯᓈᓂᐗᒃ, ᓂ ᑮ ᒥᔅᑫᓐ ᑭᒋ ᐅᒋ ᓂᐱᓈᓂᐗᒃ᙮ 11ᐌᓴ ᒪᒋᑣᐎᓐ, ᐊᓂᒪ ᑲᑫᔅᑴᐎᓐ ᐅᒋ, ᓂ ᑮ ᐙᔦᔑᐃᑯᓐ, ᓀᔥᑕ ᐁᐗᑯ ᐅᒋ ᓂ ᑮ ᓂᐹᔨᑯᓐ᙮
12ᐁᐗᑯ ᒫᑲ ᐅᒋ ᐅᓚᔓᐌᐎᓐ ᐸᓓᑲᓐ, ᓀᔥᑕ ᑲᑫᔅᑴᐎᓐ ᐸᓓᑲᓐ, ᓀᔥᑕ ᒀᔭᔅᑭᑎᐗᓐ, ᓀᔥᑕ ᒥᓨᔑᓐ᙮ 13ᐊᓂᒪ ᒫᑲ ᑳ ᒥᓨᔑᒃ ᓂ ᑮ ᓂᐹᐃᑯᓐ ᓈ? ᓇᒪᐎᓚ ᑲᑕ ᐎ ᐃᑭᓐ᙮ ᒫᑲ ᒪᒋᑣᐎᓐ, ᑭᒋ ᓄᑾᒃ ᐁ ᒪᒋᑣᐎᓂᐗᒃ, ᐁ ᓂᐹᐃᑯᔮᓐ ᐊᓂᒪ ᑳ ᒥᓨᔑᒃ ᐅᒋ; ᒪᒋᑣᐎᓐ ᑲᑫᔅᑴᐎᓂᒃ ᐅᒋ ᑭᒋ ᓄᑾᒃ ᓈᔅᐱᒡ ᐁ ᒪᒋᑣᒪᑲᒃ᙮
ᐊᓂᒪ ᓇᔅᑯᔅᑖᑐᐎᓐ ᑳ ᐱᒋᔥᑳᑯᑦ ᐃᓕᓕᐤ
14ᐌᓴ ᑭ ᑭᔅᑫᓕᑌᓈᓇᐤ ᐅᓚᔓᐌᐎᓐ ᐁ ᐊᒑᑯᐗᒃ: ᒫᑲ ᓂᓚ ᓂ ᐎᔮᓯᐎᓐ, ᒪᒋᑣᐎᓂᒃ ᐁ ᑮ ᐃᔑ ᐊᑖᐙᒀᑎᓱᔮᓐ᙮ 15ᐌᓴ ᐊᓂᒪ ᑳ ᑐᑕᒫᓐ, ᓇᒪᐎᓚ ᓂ ᒥᓜᓕᑌᓐ: ᐌᓴ ᐊᓂᒪ ᐙ ᑐᑕᒫᓐ ᓇᒪ ᐎᓚ ᓂ ᑝᑌᓐ; ᒫᑲ ᐊᓂᒪ ᑳ ᐸᒀᑕᒫᓐ, ᐁᐗᑯ ᐁ ᑐᑕᒫᓐ᙮ 16ᑮᔥᐱᓐ ᒫᑲ ᑎᐅᑕᒧᐙᓀ ᐊᓂᒪ ᐁᑳ ᐙ ᑐᑕᒫᓐ, ᓂ ᓇᔅᑯᒧᑐᑌᓐ ᐅᓚᔓᐌᐎᓐ ᐁᒥᓨᔑᒃ᙮ 17ᓇᒪᐎᓚ ᒫᑲ ᓂᓚ ᑳ ᑕᑐᒫᓐ, ᒫᑲ ᒪᒋᑣᐎᓐ ᑳ ᐱᒋᔅᑳᑯᔮᓐ᙮ 18ᐌᓴ ᓂ ᑭᔅᑫᓕᑌᓐ ᐱᒋ ᓂᔭᐎᒃ, ᓂ ᐎᔮᓯᒃ ᐅᑎ, ᐁᑳ ᑫᒀᓐ ᑳ ᒥᓨᔑᒃ ᐁ ᐱᒋᔅᑳᑯᔮᓐ: ᐌᓴ ᑭᒋ ᐃᑌᓕᑕᒫᓐ ᓂ ᑮ ᑐᑌᓐ, ᒫᑲ ᑫ ᐃᔑ ᑎᐱᑐᑕᒫᓐ ᐊᓂᒪ ᑳ ᒥᓨᔑᒃ ᓇᒪᐎᓚ ᓂ ᒥᔅᑫᓐ᙮ 19ᐌᓴ ᐊᓂᒪ ᑳ ᒥᓨᔑᒃ ᐙ ᑐᑕᒫᓐ ᓇᒪᐎᓚ ᓂ ᑐᑌᓐ: ᒫᑲ ᐊᓂᒪ ᑳ ᒫᓛᑕᒃ ᐁᑳ ᐙ ᑐᑕᒫᓐ ᐁᐗᑯ ᐁ ᑐᑕᒫᓐ᙮ 20ᑮᔥᐱᓐ ᒫᑲ ᑐᑕᒫᓐ ᐊᓂᒪ ᐁᑳ ᐙ ᑐᑕᒫᓐ, ᓇᒪᐎᓚ ᑫᔮᐸᒡ ᓂᓚ ᑳ ᑐᑕᒫᓐ, ᒫᑲ ᐊᓂᒪ ᒪᒋᑣᐎᓐ ᑳ ᐱᒋᔅᑳᑯᔮᓐ᙮
21ᓂ ᒥᔅᑫᓐ ᒫᑲ ᐅᓚᔓᐌᐎᓐ, ᐁᐗᑯ, ᐃᔅᐱ ᐙ ᑐᑕᒫᓐ ᑳ ᒥᓨᔑᒃ, ᑳ ᒫᓛᑕᒃ ᓂ ᐎᒉᐎᑯᓐ᙮ 22ᐌᓴ ᓂ ᒥᓜᓕᑕᒸᓐ ᐅᑦ ᐅᓚᔓᐌᐎᓐ ᑭᒋᒪᓂᑐ ᐁ ᐃᔑᑣᑦ ᐱᒋ ᐃᓕᓕᐤ: 23ᒫᑲ ᓂ ᐙᐸᑌᓐ ᑯᑕᒃ ᐅᓚᔓᐌᐎᓐ ᓂ ᐸᔅᑫᓯᐎᓂᒃ, ᐁ ᓄᑎᓇᒧᒪᑲᒃ ᐊᓂᒪ ᐅᓚᔓᐌᐎᓐ ᑳ ᐃᑕᑾᒃ ᓂ ᒥᑐᓂᓕᒋᑲᓂᒃ, ᓀᔥᑕ ᐁ ᐯᔑᑯᔮᓐ ᑭᒋ ᐊᐗᑳᑎᑯᔮᓐ ᐊᓂᒪ ᒪᒋᑣᐎᓂ ᐅᓚᔓᐌᐎᐤ ᑳ ᐃᑕᑾᒃ ᓂ ᐸᔅᑫᓯᐎᓂᒃ᙮ 24ᐅ ᑭᑎᒫᑭᓯᐎ ᐃᓕᓕᐤ! ᐊᐌᓇ ᑫ ᐎᑾᒋᐃᑦ ᐅᒪ ᓂᐱᐎᓂ ᒥᔭᐤ ᐅᒋ? 25ᓂ ᓇᓈᔅᑯᒪᐤ ᑭᒋᒪᓂᑐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮
ᓂ ᒥᑐᓀᓕᒋᑲᓂᒃ ᒫᑲ ᓂᑦ ᐊᑑᔅᑫᔅᑕᒸᓐ ᑭᒋᒪᓂᑐ ᐅᑦ ᐅᓚᔓᐌᐎᓐ; ᒫᑲ ᓂ ᐎᔮᓯᒃ ᒪᒋᑣᐎᓂ ᐅᓚᔓᐌᐎᐤ᙮
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.