ᕈᒪᓇ 12
12
ᑖᓐ ᐁ ᐃᔑ ᐱᒫᑎᓯᐎᑦ ᐊᐌᓇ ᑳ ᐊᑑᔅᑲᐙᑦ ᑭᒋᒪᓂᑐᐗ
1ᐁᐗᑯ ᐅᒋ ᒫᑲ ᑭ ᐸᑯᓭᓕᒥᑎᓇᐗᐤ, ᓂᒋᔖᓂᑐᒃ, ᐅ ᔕᐌᓕᒋᑫᐎᓇ ᐅᒋ ᑭᒋᒪᓂᑐ, ᑭᒋ ᐸᑭᑎᓇᒣᒃ ᑭᔭᐙᐗ ᐁ ᐱᒫᑕᒃ ᓵᓵᑭᐎᓕᐌᐎᓐ, ᐁ ᐸᓓᑲᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ, ᐁᐗᒀᓂᒪ ᐁ ᒀᔭᔅᑭᑌᓕᑖᑾᒃ ᑭᑦ ᐋᔭᒥᐊᐎ ᐊᑑᔅᑫᐎᓂᐗᐤ᙮ 2ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮
3ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮ 4ᐌᓴ ᑖᐱᔅᑯᒡ ᐁ ᐋᔮᔭᒃ ᒥᒉᑦ ᐸᔅᑫᓯᐎᓇ ᐯᔭᒃ ᒥᔭᐄᒃ, ᓀᔥᑕ ᒥᓯᐌ ᐸᔅᑫᓯᐎᓇ ᐁᑳ ᑖᐱᔅᑯᒡ ᐁ ᐋᐸᑎᓯᒪᑲᒃ: 5ᐁᑯ ᑖᐱᔅᑯᒡ ᑭᓚᓈᓇᐤ ᐁ ᒥᒉᑎᔭᒃ ᑭ ᐯᔭᑯ ᒥᔭᐎᐎᓈᓇᐤ ᙭ᑎᒃ, ᓀᔥᑕ ᒥᓯᐌ ᐁ ᐃᑕᔑᔭᒃ ᐁ ᐸᔅᑫᓯᐎᓂᔅᑖᑐᔭᒃ᙮ 6ᐁ ᐋᔮᔭᒃ ᒫᑲ ᐹᐱᑐᔥ ᒥᓕᑯᓯᐎᓇ ᑖᐱᔅᑯᒡ ᐁ ᐃᔥᐱᔑ ᒥᓕᑲᐎᔭᒃ ᔕᐌᓕᒋᑫᐎᓐ, ᑮᔥᐱᓐ ᑭᔅᑭᐙᐃᑫᐎᓐ, ᑭᔅᑭᐙᐃᑫᑕᐤ ᑖᐱᔅᑯᒡ ᐁ ᐃᔑ ᒫᑎᓇᒫᑲᐎᔭᒃ ᑖᐺᔦᓕᑕᒧᐎᓐ; 7ᓀᔥᑕᐱᑯ ᐋᔭᒥᐋᐎ ᐊᑑᔅᑫᐎᓐ, ᐁᑯᔑ ᐸᑳᔅᑭᑖᑕᐤ ᑭᑦ ᐋᔭᒥᐋᐎ ᐊᑑᔅᑫᐎᓂᓇᐤ: ᓀᔥᑕᐱᑯ ᐊᓇ ᑳ ᑭᔅᑭᓄᐋᒫᑫᑦ, ᐅ ᑭᔅᑭᓄᐊᒫᑫᐎᓐ; 8ᓀᔥᑕᐱᑯ ᐊᓇ ᑳ ᑲᑫᔅᑭᒥᐌᑦ, ᐅ ᑲᑫᔅᑭᒥᐌᐎᓐ; ᐊᓇ ᑳ ᒥᓕᐌᑦ, ᐁᑯᔑ ᑲᑕ ᑐᑕᒻ ᐊᐱᔅᑌᓕᒧᐎᓂᒃ; ᐊᓇ ᑳ ᑎᐯᓕᒋᑫᑦ ᐸᑳᔅᑭᓯᐎᓂᒃ; ᐋᓇ ᑳ ᑭᑎᒫᑫᓕᒋᑫᑦ ᒥᓜᓕᒧᐎᓂᒃ᙮
9ᐁᑯᔑ ᓵᑭᐃᐌᐎᓐ ᐁᑳᐎᓚ ᑲᑕ ᑭᓕᑳᐎᓂᑳᑌᐤ ᑲᑳᔦᓕᓯᐎᓂᒃ᙮ ᐸᒀᑕᒧᒃ ᐊᓂᒪ ᑳ ᒫᓛᑕᒃ; ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮ 10ᑭᔐᐙᑐᑕᑑᒃ ᒣᒦᔅᑯᒡ ᐁ ᐎᒋᔖᓂᑐᐎ ᓵᑭᐃᑐᔦᒃ; ᑭᔅᑌᓕᒥᑐᐎᓂᒃ ᑕᑐ ᐁ ᐃᑕᔑᔦᒃ ᐊᐙᓯᑌ ᐁ ᑭᔅᑌᓕᒫᑦ ᑯᑕᑭᔭ ᐃᔥᐱᔥ ᐎᓚ; 11ᐁᑳ ᐁ ᑭᑎᒥᔦᒃ ᐋᐸᑎᓯᐎᓂᒃ; ᐁ ᐋᔑᑫᓕᑕᒣᒃ ᑭᑦ ᐊᒑᑯᐙᒃ; ᐁ ᐊᑑᔅᑫᔅᑕᐌᒃ ᑌᐯᓕᒋᑫᑦ; 12ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ; 13ᐁ ᒫᑎᓇᒪᐌᑾᒃ ᑳ ᒪᓀᓯᒋᒃ ᐅᑕᔭᒥᐋᐗᒃ; ᐁ ᐎ ᒥᓗᑳᑫᔦᒃ᙮
14ᒥᓗᑐᑕᑯᒃ ᐊᓂᑭ ᑳ ᑲᒀᑕᑭᐃᑕᑾᒃ: ᒥᓦᑭᒥᐌᒃ, ᐁᑳ ᒫᑲ ᒪᒐᑭᒥᐌᒃ᙮ 15ᐎᒋᒥᓚᐙᑕᒧᒥᑯᒃ ᐊᓂᑭ ᑳ ᒥᓚᐙᑕᑭᒃ, ᓀᔥᑕ ᐎᒋᒫᑐᒥᑯᒃ ᐊᓂᑭ ᑳ ᒫᑐᒋᒃ᙮ 16ᐋᔮᒃ ᐯᔭᒃ ᒥᑐᓀᓕᒋᑲᓐ ᑭᒋ ᐃᑌᓕᑕᒫᑐᔦᒃ᙮ ᐁᑳᐎᓚ ᐱᓯᔅᑫᓕᑕᒧᒃ ᑳ ᐃᔅᐯᓕᑖᑾᑭ, ᒫᑲ ᐙᑯᒥᑯᒃ ᑳ ᑕᐸᑌᓕᑖᑯᓯᒋᒃ᙮ ᐁᑳᐎᓚ ᓂ ᑲᑫᑕᐌᓕᑌᓐ ᐃᑌᓕᒥᑎᓱᒃ᙮
17ᐁᑳᐎᓚ ᐊᐌᓇ ᑭᐌ ᑎᐸᐊᒪᐤ ᒪᒋ ᑫᒀᓕᐤ ᒦᔅᑯᒡ ᒪᒋ ᑫᒀᓕᐤ᙮ ᐙᐸᑎᓕᑯᒃ ᒥᓯᐌ ᐃᓕᓕᐗᒃ ᐊᓂᐃ ᑫᒀᓇ ᑳ ᒥᓗ ᑎᐹᑐᑖᑾᑭ᙮ 18ᑮᔥᐱᓐ ᑮ ᐃᔅᐸᓕᒃ, ᐃᔥᐱᔥ ᐁ ᑲᔥᑭᑖᔦᒃ, ᑳᔮᒣᓕᑕᒧᐎᓂᒃ ᐎᒋᐱᒫᑎᓯᒥᑯᒃ ᒥᓯᐌ ᐃᓕᓕᐗᒃ᙮ 19ᑳ ᑭᒋ ᓵᑭᐃᑕᑾᒃ, ᐁᑳᐎᓚ ᐋᔅᑯᒋᐃᐌᒃ ᐁ ᒪᒋᑐᑖᑲᐎᔦᒃ, ᒫᑲ ᐊᐙᓯᑌ ᑕᐎᔅᑕᒧᒃ ᐋᑯᓚᐌᓯᐎᓐ: ᐌᓴ ᐃᑕᓯᓇᐃᑳᑌᐤ, ᓂᓚ ᓂ ᑎᐱᓚᐌᐎᓰᓐ ᐋᔅᑯᒋᐃᐌᐎᓐ; ᓂ ᑳ ᑭᐌᑎᐸᐊᒫᑳᓐ, ᐃᑗᐤ ᑌᐯᓕᒋᑫᑦ᙮ 20ᐁᐗᑯ ᐅᒋ, ᑮᔥᐱᓐ ᐊᓇ ᑳ ᐸᒀᑎᔉ ᐐ ᒥᒋᓱᑌ, ᐊᔕᒻ; ᑮᔥᐱᓐ ᐐ ᒥᓂᑴᑌ, ᒥᓈᔾ; ᐌᓴ ᐅᒪ ᐁ ᑐᑕᒪᓐ, ᑭ ᑳ ᐗᑭᑕᔅᑕᐙᓐ ᐃᔅᒀᔅᑭᑌᔅᑾ ᐅᔅᑎᒀᓂᒃ᙮ 21ᐁᑳᐎᓚ ᑭ ᑳ ᔕᑯᒋᐃᑯᓇᐗᐤ ᒪᒋᑐᑖᑯᓯᐎᓐ; ᒫᑲ ᔖᑯᒋᑕᒃ ᒪᒋᑐᑖᑯᓯᐎᓐ ᐁ ᒥᓗᑐᑖᑫᔦᒃ᙮
Currently Selected:
ᕈᒪᓇ 12: MCNT91
Highlight
Copy
Compare
Share
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
