Ro 16
16
Da'me lep'iyenataĝanaĝac joñe'me Pablo
1Ami jaqateque jañe'me qadaqaya Febe, jañe'me yelolo'te joga'me p'etaqadaiquipi 'me neda'ña di'me Cencreas. 2'Noota qom yataqachiñe aualoyeguet, jouaĝat da'me ademii'teguet ñe'me Jaliaĝanec, nach'e naq'aeta nale da'me yauote gaa'me naqaya' jo'ne nepi'iyaĝa'u, nataq'aen alecochaĝanaĝañiya yema ga'me youetaque, qa'a jañe'me qayoĝode' gaa'me lecochiyalo chayovida'a jayem lecochiya.
3Auep'iyeñi jañe'me Prisca nataq'aen ñe'me Aquila, nach'enaua yecochaĝa'u da'me qat'onatac da'me jo'onataĝanaĝauo'o ñe'me Cristo Jesús. 4Jogaa'me jayem nec'alaĝatedegue ca'li qa'a jogaa'me 'nañaĝateguet ga'me 'uo da'me lichic da'me jayem yoĝochidiñe ca'li jetaque 'uo ga'me jayem qo'yetec. Qama'le ja jaldata janema ga'me yamaic, dite da'me ena'uaque jogaa'me qadaqaya'olqa p'etaqadaiquipi jo'ne ja judiopi. 5Nach'e ena'am auep'iyeñi'tape gaa'me p'etaqadayaqa 'me yema'a't nale ueda'a di'me 'lachaqa' jañe'me Prisca nataq'aen Aquila, auep'iyeñi ñe'me Epéneto mach'e jauotec jo'ne 'uaechiñe p'iya'a ñe'me Cristo di'me aleua jo'ne Asia. 6Auep'iyeñi jañe'me María jo'ne jalcote da'me 'lonataĝanaĝac jouaĝat ami. 7Nataq'aen auep'iyeñi' gaa'me mach'e 'yachaqadiaĝa'u Andrónico nataq'aen Junias jo'ne ñecoñetaĝa'u ca'li jonaqataue jaga'me coñetaĝanaĝaiqui, nach'enaua jo'ne di'yo't da'me uetedaue da'me 'lonata'j jogaa'me Cristo lamaĝa's, nach'enaua joote p'iida'a ñe'me Cristo ca'li maliaĝa da'me jayem.
8Auep'iyeñi ñe'me Ampliato, mach'e yaqaya 'me jauotec jo'ne yeme'teguet ñe'me Qadejaliaĝanec. 9Auep'iyeñi ñe'me Urbano mach'e qadecochaĝaua da'me jo'onataĝanaĝauo'o ñe'me Cristo nataq'aen ñe'me Estaquis mach'e jauotec. 10Auep'iyeñi ñe'me Apeles, jo'ne joote naqachiñe da'me 'namaqatenataguec da'me 'uo da'me lepe'e ñe'me Cristo; auep'iyeñi ñe'me Aristóbulo nataq'aen jogaa'me jo'ne neteda'ña di'me 'lachaqa' joñe'me. 11Auep'iyeñi ñe'me Herodión mach'e 'yachaqadiaĝaua, nataq'aen gaa'me mach'e 'lachaqadiaĝa'u ñe'me Narciso jo'ne p'iida'a ñe'me Jaliaĝanec. 12Auep'iyeñi jañe'me Trifena nataq'aen Trifosa, jo'ne ye'et da'me 'lonatac ñe'me Jaliaĝanec, jañe'me Pérside mach'e qadaqaya jo'ne jauotaĝac. 13Auep'iyeñi nataq'aen ñe'me Rufo, nach'eñe liquiyac ñe'me Jaliaĝanec chaqaga'me lat'e ñe'me, jaga'me ena'am ta'le yat'e ca'li. 14Auep'iyeñi ñe'me Asíncrito, ñe'me Flegonte, ñe'me Hermes, ñe'me Patrobas, ñe'me Hermas nataq'aen jogaa'me qadaqaya'olqa jo'ne ue'tajopa jogaa'me. 15Auep'iyeñi nataq'aen ñe'me Filólogo nataq'aen Julia, ñe'me Nereo nataq'aen jañe'me laqaya, joñe'me Olimpas nataq'aen ena'uaque jogaa'me qadaqaya'olqa jo'ne uetauelo jogaa'me.
16'Noota qom ja 'nalegue da'me auaqapaliya't nale anep'iyeñiya't. Ena'uaque ga'me p'etaqadaiquipi 'me p'iida'a ñe'me Cristo ami yamaĝalo da'me lep'iyenataĝanaĝa'j.
17Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me, 18qa'a ja t'onataĝade'uo ñe'me Cristo mach'e Qadejaliaĝanec, dite da'me mach'e liqui'yaĝa'j, uo'oe gaa'me 'laqataqa jo'ne uayote' nataq'aen jama't qaedi yoqovi'n gaa'me lai'li jogaa'me jo'ne jaleca da'me letadenataĝanaĝa'j. 19Qa'a ena'uac qoyayaten da'me yataqachiñe auacoñiyeguet da'me dojo'; jayem matac q'aen da'me adajoĝoqui, qama'le jepaquetapega ta'le aualoĝoñi da'me adayatenaĝanaĝaqui da'me a'vichi da'me 'noota qalaĝaja ja naqaeda ta'le a'vichi ga'me ja 'noota. 20Qama'le ñe'me Dios jo'ne chiyoqo'ot da'me 'nemaĝac, paja'a yepataĝañi ñe'me qadauteua yacho'oto naa'me adapia'chidi'. Qama'le ñe'me Qadejaliaĝanec Jesucristo ami yanema qomle ga'me anichoĝodenataguequi.
21Timoteo ami yanema da'me lep'iyenataĝanaĝac, mach'e yecochaĝaua da'me qat'onataĝanaĝac; qama'le nach'e ena'am ñe'me Lucio, nataq'aen Jasón choqoñe'me Sosípatro, mach'e 'yachaqadiaĝa'u.
22Jayem Tercio, jo'ne jayem ledaĝanaĝanec ñe'me Pablo 'me jedetapelegue janjo' nede, nach'e ena'am ami jamaĝalo da'me yep'iyenataĝanaĝac queda'me jeme'teguet ñe'me Qadejaliaĝanec.
23-24Ami yep'iye'n ñe'me Gayo, jo'ne joue'ta jena'me 'lachaqa', nach'e ena'am yelo'ogueta nale ga'me p'etaqadaiquipi. Nach'e ena'am ami yep'iye'n ñe'me Erasto, yelolegue ga'me leuoyaĝac ga'me noic, nataq'aen ñe'me qadaqaya Cuarto.
Ñe'me Pablo 'ñonaĝachigui joñe'me Dios
25'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua. 26Qalaĝaja nayi chiyoqotelo'te naa'me ledii's dia'me Dios 'laqataĝanaĝanaqa da'me qoyajeta da'me qoyaloĝon, naq'aeta da'me lamaĝajoĝonaĝac ñe'me Dios 'me ja 'naidena'a. Dojo' ja di'yoq 'me 'yaeñi ñe'me Dios male qoyatetonaĝaneque ena'uaque gaa'me ale'u lael, qaedi p'iida'a nataq'aen yoqochideta.
27¡'Noota qom nach'e eta't qo'nonaĝachigui ñe'me onolec nataq'aen yatenaĝanaĝaic Dios, chiyaqayi da'me 'lonataĝanaĝac ñe'me Jesucristo! Jaja'a, nach'e naq'aeta da'me dojo'.
Currently Selected:
Ro 16: TSN
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina