Ap 3
3
'Naqataĝanaĝac jo'ne qoyamaĝalo gaa'me neda'ña di'me noic 'me Sardes
1“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes:
«Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi. 2Chane'eja aneloyiye nayi, ena'te a'uochiitac, nataq'aen a'uañaqachichi' gaa'me uo'oe jo'ne at'onataqadi' 'me yamta'le ye'm, qa'a jelotapega nayi da'me at'onataĝanaĝaqui jo'ne ja nalo'ta't, nach'eda jo'ne nach'e eta't yec'atetac joñe'me mach'e Ñedios. 3Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.
4Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.
5Jogaa'me jo'ne yovidedeta da'me noma't joga'me ja no'en, nach'egaua jo'ne naq'aete' da'me pagaĝayaqa na'me louo, qama'le ja japalaĝa't naa'me lenaqa'te jo'ne yededelegue ca'li jaga'me nede jo'ne uetaye da'me nec'alaĝa, dite da'me ja'aĝatot ñe'me Taĝadena' choqoñaa'me lamaĝa's jo'ne piyem laje' queda'me nach'egaua jo'ne jayem yemetede'eguet.
6Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»
'Naqataĝanaĝac jo'ne qoyamaĝalo gaa'me neda'ña di'me noic 'me Filadelfia
7“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia:
«Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue:
8Joote jayaten yema da'me auauoyi, nataq'aen da'me mate mane'e ja jalcote 'uo da'me at'añaĝaqui, qalaĝaja ja aĝañiñi da'me auoqochiya'a da'me 'yaqataĝanaĝac, nataq'aen da'me ja jayem 'te anemañetapec. Chane'eja nayi cha'li auec'achiñe jena'me auajoitalegue, qa'a jen 'nouatetaye ga'me adadiquiiuo jo'ne qaya'te ta'le yaqanatet ta'le yapadiñgui. 9Auec'achiñe da'me jo'ne je'eteque jogaa'me jo'ne chiyoqodayi da'me lemaĝac ñe'me Satanás, jogaa'me jo'ne pecayaqa da'me eetapela'ajalo nach'egaua jo'ne lec'oqo'tepi joñe'me Dios, qalaĝaja ja naqaegaua: jen qomle da'me ami yec'atalo qaedi yejoidiñe naa'me leliquetel da'me ami dajo'tagueta, qama'le yataqata yayate'n da'me jayem eja da'me ami joqopitalo.
10Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi. 11Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.
12Jogaa'me jo'ne yovidedeta da'me noma't joga'me ja no'en, nach'egaua jo'ne je'n p'ajodaye da'me ena'am ta'le najotenaĝal ga'me tamenaĝaiqui jo'ne loĝot ñe'me Taĝadena' mach'e Dios, qama'le ja yitaĝa ta'le qoye'n queda'ae ga'me jo'ne neda'ña, nataq'aen da'me jediñe da'me lenaĝat ñe'me Taĝadena' mach'e Dios jachalo'te jogaa'me, qama'le nach'e ena'am da'me lenaĝat ga'me noic jo'ne loĝot joñe'me, di'me noic jo'ne dalaĝaic 'me Jerusalén jo'ne chiyaqaje'ma di'me piyem, mach'e 'lachaqa' joñe'me Taĝadena' mach'e Dios, qama'le nach'e ena'am jediñe da'me mach'e yenaĝat jo'ne dalaĝaic jachalo'te jogaa'me.
13Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»
'Naqataĝanaĝac jo'ne qoyamaĝalo gaa'me neda'ña di'me noic 'me Laodicea
14“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea:
«Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios:
15Joote jayaten yema da'me auauoyi, da'me ja ami 'te omta nach'e ena'am da'me ja ami 'te p'e. ¡Quiliajaĝa da'me naq'aeta da'me ami omta, uotaĝa ami p'e! 16Chane'eja queda'me aueñiya'am ga'me jo'ne ja yeueta, nataq'aen da'me ja ami 'te omta nach'e ena'am da'me ja ami 'te p'e, qama'le ami jegue'm qomle, ena'am ta'le ami janoleque. 17Qa'a da'me aueñetapela't da'me ami neuoyaĝadi, onaĝaic da'me adadiquiyaĝaqui nataq'aen da'me qaya'te ta'le auoviñetaque, qalaĝaja ja anayachela't da'me naqa'ami jo'ne 'uo da'me adachoĝodequi da'me ami jemataqayaqa, ami choĝodayaqolqa, ena'am ta'le ami qana'mi nataq'aen da'me ami jale'taguelo. 18Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.
19Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.
20Jayem auec'achiñe nayi: cha'li joueta'uet da'me ami jiyaĝanalo. Qom 'uo ga'me domachiya da'me yiyaĝanaĝac nataq'aen da'me 'youategue ga'me najom, qama'le jenoĝoneuo, qama'le qadalo'ta't da'me jeque'yaq. 21Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.
22Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»”
Currently Selected:
Ap 3: TSN
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina
Ap 3
3
'Naqataĝanaĝac jo'ne qoyamaĝalo gaa'me neda'ña di'me noic 'me Sardes
1“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes:
«Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi. 2Chane'eja aneloyiye nayi, ena'te a'uochiitac, nataq'aen a'uañaqachichi' gaa'me uo'oe jo'ne at'onataqadi' 'me yamta'le ye'm, qa'a jelotapega nayi da'me at'onataĝanaĝaqui jo'ne ja nalo'ta't, nach'eda jo'ne nach'e eta't yec'atetac joñe'me mach'e Ñedios. 3Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.
4Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.
5Jogaa'me jo'ne yovidedeta da'me noma't joga'me ja no'en, nach'egaua jo'ne naq'aete' da'me pagaĝayaqa na'me louo, qama'le ja japalaĝa't naa'me lenaqa'te jo'ne yededelegue ca'li jaga'me nede jo'ne uetaye da'me nec'alaĝa, dite da'me ja'aĝatot ñe'me Taĝadena' choqoñaa'me lamaĝa's jo'ne piyem laje' queda'me nach'egaua jo'ne jayem yemetede'eguet.
6Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»
'Naqataĝanaĝac jo'ne qoyamaĝalo gaa'me neda'ña di'me noic 'me Filadelfia
7“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia:
«Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue:
8Joote jayaten yema da'me auauoyi, nataq'aen da'me mate mane'e ja jalcote 'uo da'me at'añaĝaqui, qalaĝaja ja aĝañiñi da'me auoqochiya'a da'me 'yaqataĝanaĝac, nataq'aen da'me ja jayem 'te anemañetapec. Chane'eja nayi cha'li auec'achiñe jena'me auajoitalegue, qa'a jen 'nouatetaye ga'me adadiquiiuo jo'ne qaya'te ta'le yaqanatet ta'le yapadiñgui. 9Auec'achiñe da'me jo'ne je'eteque jogaa'me jo'ne chiyoqodayi da'me lemaĝac ñe'me Satanás, jogaa'me jo'ne pecayaqa da'me eetapela'ajalo nach'egaua jo'ne lec'oqo'tepi joñe'me Dios, qalaĝaja ja naqaegaua: jen qomle da'me ami yec'atalo qaedi yejoidiñe naa'me leliquetel da'me ami dajo'tagueta, qama'le yataqata yayate'n da'me jayem eja da'me ami joqopitalo.
10Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi. 11Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.
12Jogaa'me jo'ne yovidedeta da'me noma't joga'me ja no'en, nach'egaua jo'ne je'n p'ajodaye da'me ena'am ta'le najotenaĝal ga'me tamenaĝaiqui jo'ne loĝot ñe'me Taĝadena' mach'e Dios, qama'le ja yitaĝa ta'le qoye'n queda'ae ga'me jo'ne neda'ña, nataq'aen da'me jediñe da'me lenaĝat ñe'me Taĝadena' mach'e Dios jachalo'te jogaa'me, qama'le nach'e ena'am da'me lenaĝat ga'me noic jo'ne loĝot joñe'me, di'me noic jo'ne dalaĝaic 'me Jerusalén jo'ne chiyaqaje'ma di'me piyem, mach'e 'lachaqa' joñe'me Taĝadena' mach'e Dios, qama'le nach'e ena'am jediñe da'me mach'e yenaĝat jo'ne dalaĝaic jachalo'te jogaa'me.
13Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»
'Naqataĝanaĝac jo'ne qoyamaĝalo gaa'me neda'ña di'me noic 'me Laodicea
14“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea:
«Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios:
15Joote jayaten yema da'me auauoyi, da'me ja ami 'te omta nach'e ena'am da'me ja ami 'te p'e. ¡Quiliajaĝa da'me naq'aeta da'me ami omta, uotaĝa ami p'e! 16Chane'eja queda'me aueñiya'am ga'me jo'ne ja yeueta, nataq'aen da'me ja ami 'te omta nach'e ena'am da'me ja ami 'te p'e, qama'le ami jegue'm qomle, ena'am ta'le ami janoleque. 17Qa'a da'me aueñetapela't da'me ami neuoyaĝadi, onaĝaic da'me adadiquiyaĝaqui nataq'aen da'me qaya'te ta'le auoviñetaque, qalaĝaja ja anayachela't da'me naqa'ami jo'ne 'uo da'me adachoĝodequi da'me ami jemataqayaqa, ami choĝodayaqolqa, ena'am ta'le ami qana'mi nataq'aen da'me ami jale'taguelo. 18Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.
19Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.
20Jayem auec'achiñe nayi: cha'li joueta'uet da'me ami jiyaĝanalo. Qom 'uo ga'me domachiya da'me yiyaĝanaĝac nataq'aen da'me 'youategue ga'me najom, qama'le jenoĝoneuo, qama'le qadalo'ta't da'me jeque'yaq. 21Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.
22Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina