Ap 2
2
'Naqataĝanaĝac jo'ne qoyamaĝalo gaa'me neda'ña di'me noic 'me Éfeso
1“Auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Éfeso:
«Da'me ami jo'ne oñiya'ña di'me Éfeso, ami janema nayi jenjo' 'yaqatac, mach'e jayem jo'ne uo'oe gaa'me siete uaqachiñil uetedañgui na'me youaq jo'ne yayaten, nataq'aen da'me jouetañelo jogaa'me siete coyadaĝanaqatel jo'ne oro.
2Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa. 3Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.
4Qalaĝaja 'uo da'me jo'ne ja ami 'te ja'amaqateneque: queda'me male jaleca da'me adoqopich'ii nayi, ja ena'am da'me jo'ne 'uaechiñe. 5Chane'eja auenache'ta ga'me eeta da'me at'oyaĝaqui ca'li 'uaechiñe, qa'a nayi ja ena'am dite da'me ena'am ta'le auachiyaqajeguem, qama'le nayi 'noota qom a'niyelaqaeyot ñe'me Dios, qaedi yitaĝa auauoyi da'me jo'ne 'uaechiñe at'onataĝanaĝaqui. Qalaĝaja qom ja auauoyi da'me dojo' qama'le ami jec'atalo qama'le jen ca'ae ga'me 'lachaqa' jaga'me adecoyadaĝanaqate, qom ja yitaĝa jetaque a'niyelaqaeyot ñe'me Dios.
6Qalaĝaja 'uo da'me jo'ne a'namaqatenatague'j queda'me anaucheñiyalo daa'me 'lonataqa jogaa'me quetedapegue' ñe'me Nicolás, daa'me jo'ne jayem nach'e ena'am da'me ñautenalo.
7Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»
'Naqataĝanaĝac jo'ne qoyamaĝalo gaa'me neda'ña di'me noic 'me Esmirna
8“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Esmirna:
«Da'me ami jo'ne oñiya'ña di'me Esmirna, ami janema nayi jenjo' 'yaqatac, mach'e jayem jo'ne je'uaechiñe nataq'aen da'me naqayem jo'ne jep'ategue, naqayem jo'ne jeleu ca'li qalaĝaja nayi joote yitaĝa jec'aletaye.
9Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.
10Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.
11Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le jogaa'me jo'ne yovidedeta da'me noma't joga'me ja no'en, nach'egaua jo'ne qaya'te ta'le onolec ja no'en jo'ne lachoĝodec qom yovidedeta ga'me neleuaĝa jo'ne p'ategue.»
'Naqataĝanaĝac jo'ne qoyamaĝalo gaa'me neda'ña di'me noic 'me Pérgamo
12“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Pérgamo:
«Da'me ami jo'ne oñiya'ña di'me Pérgamo, ami janema nayi jenjo' 'yaqatac, mach'e jayem jo'ne jauana na'me yedaĝanaĝat jo'ne dos naa'me lia'a:
13Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.
14Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.
15Qama'le nach'e ena'am da'me ami uo'oe jogaa'me ami uetauelo jo'ne ja jetaque yaĝadiñi naa'me lapaĝaguenataĝanaĝaco jogaa'me quetedapegue' ñe'me Nicolás. 16Chane'eja a'niyelaqaeyot nayi ñe'me Dios yema da'me ami, qa'a qom ja naq'aeta da'me auauoyi, qama'le paja'a da'me ami jec'atalo qaedi jeloi'ye'to jogaa'me, qa'a 'uo na'me yedaĝanaĝat jo'ne chiyaqaue jena'me ñedegaĝat.
17Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Jogaa'me jo'ne yovidedeta da'me noma't joga'me ja no'en, nach'egaua jo'ne je'n yali'j qomle jaga'me maná jo'ne ja di'yoq di'me ueta'ña, qama'le nach'e ena'am da'me janema ga'me qa' jo'ne pagaĝaic, da'me jo'ne joote qoyediñe ga'me lenaĝat jo'ne dalaĝaic 'me qaya'te ta'le yateton dite joga'me jo'ne yaconeguet.»
'Naqataĝanaĝac jo'ne qoyamaĝalo gaa'me neda'ña di'me noic 'me Tiatira
18“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Tiatira:
«Da'me ami jo'ne oñiya'ña di'me Tiatira, ami janema nayi jenjo' 'yaqatac, mach'e jayem Lec'oĝot joñe'me Dios, naqayem jo'ne edetedañgui naa'me 'yae'te, ena'ama ga'me dole' lauaq, qama'le nach'e ena'ama naa'me yapia'te da'me laqaselegaĝa'j ena'am ga'me bronce qom qoyachiyoĝotaue jaga'me nec'atoĝoiqui:
19Joote jayaten yema da'me auauoyi, nach'e ena'am da'me jayaten da'me 'uo da'me adoqopich'ii choqoda'me adepi'i, choqoda'me ami chimadichidiñe, qama'le nach'e ena'am da'me nach'e eta't da'me oquitalegue da'me at'onataĝanaĝaqui, nataq'aen jayaten da'me jo'ne auauoyi nayi yataqata napacalegue da'me at'onataĝanaĝac jo'ne 'uaechiñe.
20Qalaĝaja 'uo da'me jo'ne ja ami 'te ja'amaqateneque: queda'me a'namaqatenaguet jañe'me yauo jo'ne Jezabel, jañe'me jo'ne eetapela't jada'me Dios 'laqataĝanaĝana, qalaĝaja ch'e qovinaĝanaĝai. Nach'añe jo'ne yoqovi'n jogaa'me mach'e yalemaĝaje'te, da'me yapaĝagueneque qaedi e'n tadoue da'me nequejeguetaĝa nataq'aen da'me jetaque e'n yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda. 21Te'me jeuate'ta ta'le 'niyeloqot joñe'me Dios, qalaĝaja jañe'me ja jetaque yaĝañi da'me lequejeguetaĝa.
22Chane'eja 'uo da'me jen yajouaĝat nayi, da'me jen yeleuac, uetalegue ga'me letala', qama'le nach'e ena'ama jogaa'me lequejeguetaĝa'u, qom ja yaĝadiñi da'me mach'e lequejeguetaĝa qama'le jamaĝalo'te ga'me jen lachoĝode'j let'adaic. 23Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.
24Qama'le da'me ami Tiatira laje' jo'ne ja oqui'tegue da'me dojo' napaĝaguenataĝanaĝac jo'ne ja eja, qama'le ja auovidiya'a da'me auayachiñe da'me jo'ne qoyetapega joga'me ja di'yoq jo'ne chiyaqayi joñe'me payac Satanás, ami ja'aĝatema da'me qaya'te 'uo ga'me ami jachalo'te nayi, 25nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.
26Jogaa'me jo'ne yovidedeta da'me noma't joga'me ja no'en, nataq'aen da'me nach'e eta't quetalo'te daa'me mach'e 'yonataqa chayovida'a ga'me nolo' jo'ne p'ategue, qama'le janema qomle da'me je'n nejaliaĝatelo'te yema jogaa'me noyaqa. 27Yataqata yelolo'te jogaa'me noyaqa nataq'aen 'uo ga'me laje'l jo'ne laicaua qaedi yolaĝachigui jogaa'me, ena'am qoyen jaga'me naco'na jo'ne qoyolaĝat, qa'a naqayem jo'ne ja'uo da'me mach'e 'lañaĝa'j jogaa'me, nach'eda da'me 'nañaĝac jo'ne joote jayem yanem ñe'me Taĝadena'. 28Qama'le queda'me yataqata chiyoqodaue da'me nomataĝanaĝac, nach'e ena'am janema qomle jaga'me uaqachiñi jo'ne nichiiji.
29Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»
Currently Selected:
Ap 2: TSN
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina
Ap 2
2
'Naqataĝanaĝac jo'ne qoyamaĝalo gaa'me neda'ña di'me noic 'me Éfeso
1“Auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Éfeso:
«Da'me ami jo'ne oñiya'ña di'me Éfeso, ami janema nayi jenjo' 'yaqatac, mach'e jayem jo'ne uo'oe gaa'me siete uaqachiñil uetedañgui na'me youaq jo'ne yayaten, nataq'aen da'me jouetañelo jogaa'me siete coyadaĝanaqatel jo'ne oro.
2Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa. 3Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.
4Qalaĝaja 'uo da'me jo'ne ja ami 'te ja'amaqateneque: queda'me male jaleca da'me adoqopich'ii nayi, ja ena'am da'me jo'ne 'uaechiñe. 5Chane'eja auenache'ta ga'me eeta da'me at'oyaĝaqui ca'li 'uaechiñe, qa'a nayi ja ena'am dite da'me ena'am ta'le auachiyaqajeguem, qama'le nayi 'noota qom a'niyelaqaeyot ñe'me Dios, qaedi yitaĝa auauoyi da'me jo'ne 'uaechiñe at'onataĝanaĝaqui. Qalaĝaja qom ja auauoyi da'me dojo' qama'le ami jec'atalo qama'le jen ca'ae ga'me 'lachaqa' jaga'me adecoyadaĝanaqate, qom ja yitaĝa jetaque a'niyelaqaeyot ñe'me Dios.
6Qalaĝaja 'uo da'me jo'ne a'namaqatenatague'j queda'me anaucheñiyalo daa'me 'lonataqa jogaa'me quetedapegue' ñe'me Nicolás, daa'me jo'ne jayem nach'e ena'am da'me ñautenalo.
7Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»
'Naqataĝanaĝac jo'ne qoyamaĝalo gaa'me neda'ña di'me noic 'me Esmirna
8“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Esmirna:
«Da'me ami jo'ne oñiya'ña di'me Esmirna, ami janema nayi jenjo' 'yaqatac, mach'e jayem jo'ne je'uaechiñe nataq'aen da'me naqayem jo'ne jep'ategue, naqayem jo'ne jeleu ca'li qalaĝaja nayi joote yitaĝa jec'aletaye.
9Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.
10Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.
11Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le jogaa'me jo'ne yovidedeta da'me noma't joga'me ja no'en, nach'egaua jo'ne qaya'te ta'le onolec ja no'en jo'ne lachoĝodec qom yovidedeta ga'me neleuaĝa jo'ne p'ategue.»
'Naqataĝanaĝac jo'ne qoyamaĝalo gaa'me neda'ña di'me noic 'me Pérgamo
12“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Pérgamo:
«Da'me ami jo'ne oñiya'ña di'me Pérgamo, ami janema nayi jenjo' 'yaqatac, mach'e jayem jo'ne jauana na'me yedaĝanaĝat jo'ne dos naa'me lia'a:
13Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.
14Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.
15Qama'le nach'e ena'am da'me ami uo'oe jogaa'me ami uetauelo jo'ne ja jetaque yaĝadiñi naa'me lapaĝaguenataĝanaĝaco jogaa'me quetedapegue' ñe'me Nicolás. 16Chane'eja a'niyelaqaeyot nayi ñe'me Dios yema da'me ami, qa'a qom ja naq'aeta da'me auauoyi, qama'le paja'a da'me ami jec'atalo qaedi jeloi'ye'to jogaa'me, qa'a 'uo na'me yedaĝanaĝat jo'ne chiyaqaue jena'me ñedegaĝat.
17Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Jogaa'me jo'ne yovidedeta da'me noma't joga'me ja no'en, nach'egaua jo'ne je'n yali'j qomle jaga'me maná jo'ne ja di'yoq di'me ueta'ña, qama'le nach'e ena'am da'me janema ga'me qa' jo'ne pagaĝaic, da'me jo'ne joote qoyediñe ga'me lenaĝat jo'ne dalaĝaic 'me qaya'te ta'le yateton dite joga'me jo'ne yaconeguet.»
'Naqataĝanaĝac jo'ne qoyamaĝalo gaa'me neda'ña di'me noic 'me Tiatira
18“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Tiatira:
«Da'me ami jo'ne oñiya'ña di'me Tiatira, ami janema nayi jenjo' 'yaqatac, mach'e jayem Lec'oĝot joñe'me Dios, naqayem jo'ne edetedañgui naa'me 'yae'te, ena'ama ga'me dole' lauaq, qama'le nach'e ena'ama naa'me yapia'te da'me laqaselegaĝa'j ena'am ga'me bronce qom qoyachiyoĝotaue jaga'me nec'atoĝoiqui:
19Joote jayaten yema da'me auauoyi, nach'e ena'am da'me jayaten da'me 'uo da'me adoqopich'ii choqoda'me adepi'i, choqoda'me ami chimadichidiñe, qama'le nach'e ena'am da'me nach'e eta't da'me oquitalegue da'me at'onataĝanaĝaqui, nataq'aen jayaten da'me jo'ne auauoyi nayi yataqata napacalegue da'me at'onataĝanaĝac jo'ne 'uaechiñe.
20Qalaĝaja 'uo da'me jo'ne ja ami 'te ja'amaqateneque: queda'me a'namaqatenaguet jañe'me yauo jo'ne Jezabel, jañe'me jo'ne eetapela't jada'me Dios 'laqataĝanaĝana, qalaĝaja ch'e qovinaĝanaĝai. Nach'añe jo'ne yoqovi'n jogaa'me mach'e yalemaĝaje'te, da'me yapaĝagueneque qaedi e'n tadoue da'me nequejeguetaĝa nataq'aen da'me jetaque e'n yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda. 21Te'me jeuate'ta ta'le 'niyeloqot joñe'me Dios, qalaĝaja jañe'me ja jetaque yaĝañi da'me lequejeguetaĝa.
22Chane'eja 'uo da'me jen yajouaĝat nayi, da'me jen yeleuac, uetalegue ga'me letala', qama'le nach'e ena'ama jogaa'me lequejeguetaĝa'u, qom ja yaĝadiñi da'me mach'e lequejeguetaĝa qama'le jamaĝalo'te ga'me jen lachoĝode'j let'adaic. 23Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.
24Qama'le da'me ami Tiatira laje' jo'ne ja oqui'tegue da'me dojo' napaĝaguenataĝanaĝac jo'ne ja eja, qama'le ja auovidiya'a da'me auayachiñe da'me jo'ne qoyetapega joga'me ja di'yoq jo'ne chiyaqayi joñe'me payac Satanás, ami ja'aĝatema da'me qaya'te 'uo ga'me ami jachalo'te nayi, 25nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.
26Jogaa'me jo'ne yovidedeta da'me noma't joga'me ja no'en, nataq'aen da'me nach'e eta't quetalo'te daa'me mach'e 'yonataqa chayovida'a ga'me nolo' jo'ne p'ategue, qama'le janema qomle da'me je'n nejaliaĝatelo'te yema jogaa'me noyaqa. 27Yataqata yelolo'te jogaa'me noyaqa nataq'aen 'uo ga'me laje'l jo'ne laicaua qaedi yolaĝachigui jogaa'me, ena'am qoyen jaga'me naco'na jo'ne qoyolaĝat, qa'a naqayem jo'ne ja'uo da'me mach'e 'lañaĝa'j jogaa'me, nach'eda da'me 'nañaĝac jo'ne joote jayem yanem ñe'me Taĝadena'. 28Qama'le queda'me yataqata chiyoqodaue da'me nomataĝanaĝac, nach'e ena'am janema qomle jaga'me uaqachiñi jo'ne nichiiji.
29Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina