Provérbiu 2
2
Matenek Klean Nia Folin
1Hau nia oan, se karik o simu hau nia liafuan,
no rai hau nia ukun fuan sira iha o nia laran,
2no see o nia tilun ba matenek klean,
no foo o nia fuan laran hodi kompriende,
3sin, se karik o haklalak husu matenek,
no hakilar hodi husu kompriensaun,
4se karik o buka nia hanesan osan mutin,
no o buka nia hanesan riku-soin nebee ema subar,
5nunee o sei kompriende saida mak hamtauk ba Nai,
no o sei hetan matenek hosi Maromak.
6Tanba Nai mak foo matenek klean,
matenek no kompriensaun mai hosi Ninia ibun.
7Nia rai matenek klean lo-loos ba ema nebee moris loos,
Nia mak eskudu ba sira nebee lao ho laran loos.
8Nia proteje dalan justisa nian,
no Nia tau matan ba Ninia ema santu sira nia dalan.#2:8 ‘... nia dalan’ mak sira nia hahalok, atividade no moris iha jerál.
9Nunee o sei kompriende moris loos no justisa,
no igualdade; dalan hotu nebee diak.
10Tanba matenek klean sei tama iha o nia fuan laran,
no matenek sei halo kontenti o nia klamar;
11planu diak sei tau matan ba o,
no kompriensaun sei proteje o,
12hodi salva o hosi ema aat nia dalan,
hosi ema nebee koalia aat,
13hosi ema nebee husik dalan loos,
hodi lao iha dalan nakukun,
14hosi ema nebee haksolok atu halo aat,
no kontenti ho hahalok aat tebes,
15hosi ema nebee tuir dalan kleuk,
no ninia dalan fila ba sorin.
16Nunee matenek klean#2:16 Ebreu la dehan ‘matenek klean’, maibee refere ba ida nee iha versíkulu 10. sei salva o hosi feto aat,#2:16 Liafuan Ebreu liga ba liafuan ‘estranjeiru’ ka buat nebee fila ba sorin. Ho sentidu katak feto nee laos ema Judeu ida nebee hatene adora Maromak loos deit maibee nia fila ba sorin no sei dada mane nee atu fila ba sorin.
hosi feto luroon nebee gaba o ho ninia liafuan,
17hosi nia nebee husik ona ninia laen#2:17 Liafuan Ebreu mak ‘belun’ ho sentidu nudar ulun família nian. iha ninia tempu joven,
no haluha tiha aliansa ho ninia Maromak.
18Tanba ninia uma mout lakon ba mate,
no ninia dalan tama ba rate.#2:18 Liafuan Ebreu mak klamar hosi sira nebee mate ona.
19La iha ema ida nebee baa iha nia sei fila fali mai,
no ema sira nee sei la hetan fali dalan moris nian.
20Nunee o sei lao iha ema diak sira nia dalan,
no o sei tuir nafatin ema moris loos nia dalan.
21Tanba ema onestu sei hela iha rai,
no ema loos#2:21 Ema kompletu ka perfeitu nebee sala la iha. sei hela nafatin iha rai,
22maibee ema aat sei lakon hosi rai,
no Nia sei soe sai traidór sira hosi rai nee.
Currently Selected:
Provérbiu 2: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.