Númeru 26
26
Sura Jerasaun Foun
1Tuir moras nebee kastigu nee, Nai koalia ba Moisés no ba Eleazar, oan mane hosi saserdote Arão, no dehan, 2“Sura komunidade Israel tomak, hosi tinan rua-nulu ba leten, iha sira nia bei-ala sira nia uma kain, ema hotu nebee bele sai hosi Israel no baa halo funu.” 3Moisés no saserdote Eleazar koalia ba povu iha rai tetuk iha Moab nebee iha Jordaun nia sorin, besik Jerikó, no dehan, 4“Sura ema hotu hosi tinan rua-nulu ba leten,” tuir Nai nia orden ba Moisés no ema Israel sira nebee sai hosi rai Ejitu.
5Ruben, oan mane primeiru hosi Israel; oan mane sira hosi Ruben: hosi Hanok, uma kain Hanok nian; hosi Palu, uma kain Palu nian; 6hosi Hezron, uma kain Hezron nian; hosi Karmi, uma kain Karmi nian. 7Nee mak uma kain sira hosi ema Ruben sira, no ema sira nebee rejistu nee mak ema nain rihun haat-nulu resin tolu atus hitu tolu-nulu (43.730). 8Palu nia oan mane mak Eliab. 9Eliab nia oan mane sira mak Nemuel, Datan no Abiram. Datan no Abiram nee iha konhesidu iha komunidade tanba sira kontra hasoru Moisés no Arão hamutuk ho Kora bainhira sira kontra hasoru Nai.#26:9 Bele lee istória kona ba Kora, Datan no Abiram iha Númeru 16. 10No rai loke nia ibun no tolan sira hamutuk ho Kora, no grupu nee mate no iha tempu nee ahi haan mane nain atus rua lima-nulu, no sira sai sinál ida. 11Maibee Kora nia oan mane sira la mate.
12Oan mane sira hosi Simeão tuir sira nia uma kain sira mak nee: hosi Nemuel, uma kain Nemuel nian; hosi Jamin, uma kain Jamin nian; hosi Jakin, uma kain Jakin nian; 13hosi Zera, uma kain Zera nian; hosi Saul, uma kain Saul nian. 14Nee mak uma kain sira hosi Simeão, ema nain rihun rua-nulu resin rua atus rua (22.200).
15Oan mane sira hosi Gad tuir sira nia uma kain sira mak nee: hosi Zefon, uma kain Zefon nian; hosi Hagi, uma kain Hagi nian; hosi Suni, uma kain Suni nian; 16hosi Ozni, uma kain Ozni nian; hosi Eri, uma kain Eri nian; 17hosi Arod, uma kain Arod nian; hosi Areli, uma kain Areli nian. 18Nee mak uma kain sira hosi Gad, no ema sira nebee rejistu nee mak ema nain rihun haat-nulu atus lima (40.500).
19Oan mane sira hosi Judá mak Er no Onan. Er no Onan mate ona iha rai Kanaan. 20Oan mane sira hosi Judá tuir sira nia uma kain sira mak nee: hosi Sela, uma kain Sela nian; hosi Perez, uma kain Perez nian; hosi Zera, uma kain Zera nian. 21Perez nia oan mane sira mak nee: hosi Hezron, uma kain Hezron nian; hosi Hamul, uma kain Hamul nian. 22Nee mak uma kain sira hosi Judá, no ema sira nebee rejistu nee mak ema nain rihun hitu-nulu resin neen atus lima (76.500).
23Oan mane sira hosi Isakar tuir sira nia uma kain sira mak nee: hosi Tola, uma kain Tola nian; hosi Pua, uma kain Pua nian; 24hosi Jasub, uma kain Jasub nian; hosi Simron, uma kain Simron nian. 25Nee mak uma kain sira hosi Isakar, no ema sira nebee rejistu nee mak ema nain rihun neen-nulu resin haat atus tolu (64.300).
26Oan mane sira hosi Zebulón tuir sira nia uma kain sira mak nee: hosi Sered, uma kain Sered nian; hosi Elon, uma kain Elon nian; hosi Jaleel, uma kain Jaleel nian. 27Nee mak uma kain sira hosi Zebulón, no ema sira nebee rejistu nee mak ema nain rihun neen-nulu atus lima (60.500).
28Oan mane sira hosi José tuir sira nia uma kain sira mak Manasés no Efraim. 29Oan mane sira hosi Manasés: hosi Makir, uma kain Makir nian. Makir hetan Gilead, no hosi Gilead, uma kain Gilead nian. 30Oan mane sira hosi Gilead mak nee: hosi Jezer, uma kain Jezer nian; hosi Helek, uma kain Helek nian; 31hosi Asriel, uma kain Asriel nian; hosi Sikém, uma kain Sikém nian; 32hosi Semida, uma kain Semida nian; hosi Hefer, uma kain Hefer nian. 33Hefer nia oan mane, Zelofad, la iha oan mane sira maibee nia iha oan feto sira. Zelofad nia oan feto sira nia naran Mala, Noa, Hogla, Milka no Tirza. 34Nee mak uma kain sira hosi Manasés, no ema sira nebee rejistu nee mak ema nain rihun lima-nulu resin rua atus hitu (52.700).
35Ema sira nee mak oan mane sira hosi Efraim, tuir sira nia uma kain sira: hosi Sutela, uma kain Sutela nian; hosi Beker, uma kain Beker nian; hosi Tahan, uma kain Tahan nian. 36Sutela nia oan mane mak nee: hosi Eran, uma kain Eran nian. 37Nee mak uma kain sira hosi oan mane sira nebee hosi Efraim tuir ema sira nebee rejistu, ema nain rihun tolu-nulu resin rua atus lima (32.500). Nee mak oan mane sira hosi José, tuir sira nia uma kain sira.
38Oan mane sira hosi Benjamin, tuir sira nia uma kain sira: hosi Bela, uma kain Bela nian; hosi Asbel, uma kain Asbel nian; hosi Ahiram, uma kain Ahiram nian; 39hosi Sufam, uma kain Sufam nian; hosi Hufam, uma kain Hufam nian. 40Bela nia oan mane sira mak Ard no Naaman: hosi Ard, uma kain Ard nian; no hosi Naaman, uma kain Naaman nian. 41Nee mak oan mane sira hosi Benjamin, tuir sira nia uma kain sira, no ema nebee rejistu nee mak ema nain rihun haat-nulu resin lima atus neen (45.600).
42Oan mane sira hosi Dan tuir sira nia uma kain sira: hosi Suham, uma kain Suham nian. Nee mak uma kain sira hosi Dan tuir sira nia uma kain sira. 43Uma kain hotu nebee Suham nian, no ema nebee rejistu nee mak ema nain rihun neen-nulu resin haat atus haat (64.400).
44Oan mane sira hosi Aser tuir sira nia uma kain sira: hosi Jimna, uma kain Jimna nian; hosi Jesui, uma kain Jesui nian; hosi Berias, uma kain Berias nian. 45Oan mane sira hosi Berias mak nee: hosi Heber, uma kain Heber nian; hosi Malkiel, uma kain Malkiel nian. 46No Aser nia oan feto nia naran mak Sera. 47Nee mak Aser nia oan mane sira nia uma kain sira tuir sira nebee rejistu, ema nain rihun lima-nulu resin tolu atus haat (53.400).
48Oan mane sira hosi Naftali tuir sira nia uma kain sira: hosi Jazeel, uma kain Jazeel nian; hosi Guni, uma kain Guni nian; 49hosi Jezer, uma kain Jezer nian; hosi Silem, uma kain Silem nian. 50Nee mak uma kain sira hosi Naftali tuir sira nia uma kain sira, no ema nebee rejistu nee mak ema nain rihun haat-nulu resin lima atus haat (45.400).
51Nunee ema Israel sira nebee rejistu mak ema nain rihun atus neen ida atus hitu tolu-nulu (601.730).
52 Nai koalia ba Moisés, no dehan, 53“Ita sei fahe rai nee hodi foo liman rohan tuir naran sira nebee rejistu nee. 54Ba ema nebee barak ita sei aumenta sira nia liman rohan, no ba ema nebee uitoan ita sei hatuun sira nia liman rohan nee. Ita sei foo liman rohan ba ema ida-idak tuir ema sira nebee rejistu ona nee. 55Maski nunee, ita sei fahe rai nee nudar liman rohan liu hosi dada rifa tuir sira nia bei-ala sira nia suku nia naran. 56Sira sei fahe rai nee ba ema barak no ema uitoan liu hosi dada rifa.”
57Ema Levi sira nebee rejistu tuir sira nia uma kain sira mak nee: hosi Gerson, uma kain Gerson nian; hosi Koat, uma kain Koat nian; hosi Merari, uma kain Merari nian. 58Ema sira nee mak uma kain sira hosi Levi: uma kain Libni nian, uma kain Hebron nian, uma kain Mali nian, uma kain Musi nian, uma kain Kora nian. No Koha hetan Amram. 59Amram nia feen mak Jokebed, oan feto hosi Levi, nebee Levi hetan iha Ejitu. No feto nee tuur ahi no Amram hetan Arão no Moisés, no sira nia biin Miriam. 60Arão hetan Nadab, Abiú, Eleazar no Itamar. 61Nadab no Abiú mate bainhira sira oferese ahi nebee la loos iha Nai nia oin. 62No ema sira nee nebee rejistu mak ema nain rihun rua-nulu resin tolu (23.000). Sira hotu mak mane nebee idade fulan ida ba leten. Ema la sura sira iha ema Israel sira nia leet, tanba sira la simu liman rohan iha ema Israel sira nia leet.
63Ema sira nee mak ema nebee Moisés no saserdote Eleazar rejistu, nebee rejistu ema Israel sira iha rai tetuk Moab nian iha Jordaun nia sorin nebee besik Jerikó. 64Maibee iha sira nia leet, la iha mane ida nebee Moisés no saserdote Arão rejistu iha tempu uluk, bainhira sira rejistu ema Israel sira iha rai fuik Sinai. 65Tanba Nai hatete tiha ona kona ba sira, “Sira sei mate duni iha rai fuik.” Nunee la iha mane ida hosi ema uluk nee, só deit Kaleb, oan mane hosi Jefune, no Josué, oan mane hosi Nun.
Copyright Kadi Timor. All rights reserved. Portions of scripture can be used without permission for the promotion of God's glory.