Númeru 2
2
Organiza Akampamentu
1 Nai koalia ba Moisés no Arão, no dehan, 2“Ema ida-idak hosi ema Israel sira tenki halo akampamentu iha ninia bandeira, iha sinál nebee ninia família nian. Sira tenki halo akampamentu iha fatin nebee haleu Tenda Enkontru.
3Iha sorin lorosae, sorin nebee loron matan sae, ema hosi akampamentu Judá nia bandeira sei halo akampamentu tuir sira nia forsa sira. No Nason, oan hosi Aminadab, mak xefi ba ema Judá sira. 4Ninia forsa nebee rejistu iha ema nain rihun hitu-nulu resin haat atus neen (74.600). 5Sira nebee halo akampamentu iha Judá nia sorin mak suku Isakar. No Netanel, oan hosi Zuar, mak xefi ba ema Isakar sira. 6Ninia forsa nebee rejistu iha ema nain rihun lima-nulu resin haat atus haat (54.400). 7Depois iha suku Zebulón, no Eliab, oan hosi Helon, mak xefi ba ema Zebulón sira. 8Ninia forsa nebee rejistu iha ema nain rihun lima-nulu resin hitu atus haat (57.400). 9Ema hotu nebee rejistu iha akampamentu Judá nian nee mak ema nain rihun atus ida ualu-nulu resin neen atus haat (186.400) tuir sira nia forsa sira. No sira mak lao sai uluk.
10Iha sorin ba parte súl, ema hosi akampamentu Ruben nia bandeira mak hela tuir sira nia forsa sira. No Elizur, oan hosi Sedeur, mak xefi ba ema Ruben sira. 11Ninia forsa nebee rejistu iha ema nain rihun haat-nulu resin neen atus lima (46.500). 12Ema sira hosi suku Simeon halo akampamentu iha suku Ruben nia sorin. Selumiel, oan hosi Zurisadai, mak xefi ba ema Simeon sira. 13Ninia forsa nebee rejistu iha ema nain rihun lima-nulu resin sia atus tolu (59.300). 14Depois iha suku Gad, no Eliasaf, oan hosi Reuel, mak xefi ba ema Gad sira. 15Ninia forsa nebee rejistu iha ema nain rihun haat-nulu resin lima atus neen lima-nulu (45.650). 16Ema hotu nebee rejistu iha akampamentu Ruben nian nee mak ema nain rihun atus ida lima-nulu resin ida atus haat lima-nulu (151.400) tuir sira nia forsa sira. No sira mak grupu segundu nebee lao sai. 17Depois Tenda Enkontru sei lao sai ho akampamentu Levi sira iha akampamentu tomak nia klaran. Sira sei lao sai tuir sira nia akampamentu nia fatin, ema ida-idak iha ninia fatin tuir sira nia bandeira sira.
18Iha sorin loromonu, ema hosi akampamentu Efraim nia bandeira mak hela tuir sira nia forsa sira. No Elisama, oan hosi Amihud, mak xefi ba ema Efraim sira. 19Ninia forsa nebee rejistu iha ema nain rihun haat-nulu atus lima (40.500). 20Iha ninia sorin mak suku Manasés. No Gamaliel, oan hosi Pedazur, mak xefi ba ema Manasés sira. 21Ninia forsa nebee rejistu iha ema nain rihun tolu-nulu resin rua atus rua (32.200). 22Depois iha suku Benjamin, no Abidan, oan hosi Gideoni, mak xefi ba ema Benjamin sira. 23Ninia forsa nebee rejistu iha ema nain rihun tolu-nulu resin lima atus haat (35.400). 24Ema hotu nebee rejistu iha akampamentu Efraim nian nee mak ema nain rihun atus ida ualu atus ida (108.100) tuir sira nia forsa sira. No sira mak grupu terseiru nebee lao sai.
25Iha sorin ba parte norte, akampamentu Dan nia bandeira mak hela tuir sira nia forsa sira. No Ahiezer, oan hosi Amisadai, mak xefi ba ema Dan sira. 26Ninia forsa nebee rejistu iha ema nain rihun neen-nulu resin rua atus hitu (62.700). 27Sira nebee halo akampamentu iha ninia sorin mak suku Aser. No Pagiel, oan hosi Okran, mak xefi ba ema Aser sira. 28Ninia forsa nebee rejistu iha ema nain rihun haat-nulu resin ida atus lima (41.500). 29Depois iha suku Naftali, no Ahira, oan hosi Enan, mak xefi ba ema Naftali sira. 30Ninia forsa nebee rejistu iha ema nain rihun lima-nulu resin tolu atus haat (53.400). 31Ema hotu nebee rejistu iha akampamentu Dan nian nee mak ema nain rihun atus ida lima-nulu resin hitu atus neen (157.600). No sira sei lao ikus ho sira nia bandeira sira.
32Ema sira nee mak sira nebee rejistu hosi ema Israel sira tuir sira nia bei-ala sira nia família sira. Ema hotu nebee rejistu hosi akampamentu sira nee tuir sira nia forsa mak rihun atus neen tolu atus lima lima-nulu (603.550). 33Maibee sira la rejistu ema Levi sira iha ema Israel sira nia leet tuir orden nebee Nai foo ona ba Moisés.
34Ema Israel sira halo tuir orden hotu nebee Nai foo ba Moisés. Nunee sira halo akampamentu sira tuir sira nia bandeira sira. No sira lao sai, ema ida-idak ho ninia uma kain, tuir ninia bei-ala nia família.
Currently Selected:
Númeru 2: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.