Mateus 11
11
Ema Hosi João Batista
1Tuir mai, bainhira Jesus remata instrusaun ba Ninia eskolante nain sanulu resin rua, Nia sai hosi fatin nee no Nia baa hanorin no haklaken iha sira nia sidade sira. 2#11:2 Bele lee liafuan hanesan nee iha Lucas 7:18-35.Bainhira João, nebee iha komarka laran, rona kona ba buat nebee Kristu halo ona, nia haruka ema nain rua hosi ninia eskolante sira, 3hodi husu ba Jesus, “O mak Nia nebee atu mai, ka ami tenki hein ema seluk?” 4Jesus hataan no dehan ba sira, “Fila fali baa no foo hatene ba João kona ba buat nebee imi rona no haree: 5ema matan delek sira haree, ema ain kudeik sira lao, ema moras lepra sira sai moos, ema tilun diuk sira rona, ema mate sira moris fali, no ema kiak sira rona evanjelhu.#11:5 Haree Isaias 35:5-6. 6Haksolok ba nia nebee la hanoin sala#11:6 Lian Gregu skandalidzo katak ‘tama lasu’ ka ‘sidi’. Bele refere ba ema nebee hanoin hirus, halo sala ka husik Jesus. Mateus 13:57, 17:27, 18:8, 26:33; Roma 14:21. tanba Hau.
7Bainhira ema nain rua nee baa tiha, Jesus komesa dehan ba ema lubun boot nee kona ba João, “Imi lao sai ba rai fuik hodi haree saida? Duut manulain nebee anin doko ka? 8Entaun imi lao ba hodi haree saida? Mane ida nebee hatais ropa furak ka? Tebes, sira nebee hatais ropa furak hela iha liurai sira nia uma. 9Entaun imi lao ba hodi haree saida? Profeta ida ka? Sin, no Hau dehan ba imi, mane ida nee boot liu fali profeta. 10Tanba ema hakerek nanis ona kona ba nia nunee,
‘Tebes, Hau haruka Hau nia manu-ain uluk O,
no nia sei prepara O nia dalan iha O nia oin.’#11:10 Haree Malakias 3:1.
11Tebes Hau dehan ba imi, hosi ema nebee moris hosi feto, la iha ema ida nebee boot liu João Batista. Maski nunee, ema nebee kiik liu iha reinu lalehan mak boot liu fali nia.
12Hosi João Batista nia tempu too agora, forsa hasoru reinu lalehan, no ema forsa hadau reinu nee. 13Tanba profeta hotu no lei tomak foo sai profesia too João. 14No se imi bele simu liafuan nee, nia mak Elias, nebee atu mai.#11:14 Haree Malakias 4:5 iha Testamentu Tuan nia rohan. 15Nia nebee iha tilun hodi rona, husik nia rona ba.
16Maibee Hau kompara jerasaun nee ho see? Imi hanesan labarik sira nebee tuur iha merkadu, no bolu ba sira nia maluk sira, 17hodi dehan,
‘Ami huu flauta ba imi, maibee imi la dansa;
ami tanis lelir ba imi, maibee imi la tuku hirus matan.’
18Tanba João mai no nia la haan no la hemu, no ema dehan, ‘Nia iha diabu ida.’ 19Ema Nia Oan mai no Nia haan no hemu, no sira dehan, ‘Tebes, mane nee mak ema kaan-teen no lanu-teen ida. Nia halo kolega ho kobradór impostu no sala nain sira.’ Maibee matenek klean sei hatudu aan loos liu hosi ninia hahalok.”#11:19 Manuskritu balu dehan ‘hodi ninia oan sira.’
Susar Ba Sira Nebee La Arepende
20Depois Jesus komesa hasee sidade sira nebee Nia halo ona milagre barak, tanba sira la arepende. 21#11:21 Bele lee liafuan hanesan nee iha Lucas 10:13-15.“Susar ba o, Korazin! Susar ba o, Betsaida! Tanba se milagre sira nebee Hau halo ona iha imi, mak halo fali iha sidade Tiro no Sidon, sira sei arepende kleur ona ho hena karoon no ahi kdesan.#11:21 Iha sira kultura, bainhira ema tristi tebes (inklui tanba sira halo ona sala), sira hatais simples ho karoon no soe ahi kdesan ba sira nia aan. (Jénesis 37:34, Ester 4:1, Jonas 3:6) 22Maibee, Hau dehan ba imi katak Tiro no Sidon nia kastigu sei kamaan liu fali imi nian iha loron tesi lia. 23No ba o, Kafarnaum, o sei sae ba lalehan ka? O sei tuun ba infernu!#11:23 Lian Gregu hades, katak ‘fatin nebee ita la haree’, nebee refere ba fatin mate nian. Tanba se milagre sira nebee Hau halo ona iha imi, mak halo fali iha Sodoma, nunee sidade nee sei iha too ohin loron. 24Maibee Hau dehan ba imi katak Sodoma nia kastigu sei kamaan liu fali imi nian iha loron tesi lia.”
Mai Hetan Deskansa
25 # 11:25 Bele lee iha Lucas 10:21-22. Iha tempu nebaa, Jesus foo sai, “Hau foo agradese ba O, Aman, nebee Nain ba lalehan no mundu, tanba O subar buat sira nee hosi ema matenek klean no ema nebee kompriende, no O hatudu fali buat sira nee ba kiik-oan sira. 26Loos duni, Aman, tanba O hanoin ida nee diak iha O nia oin. 27Hau nia Aman entrega ona buat hotu mai Hau. La iha ema ida nebee konhese Oan Mane, só Aman deit. No mos, la iha ema ida nebee konhese Aman nee, só Oan Mane deit, no sira nebee Oan Mane hakarak hatudu sai Nia ba sira. 28Mai iha Hau, imi hotu nebee kole no lori naha todan, no Hau sei foo deskansa ba imi. 29Simu Hau nia todan,#11:29 Ka ‘ai leba’, liafuan ‘todan’ nee iha lian Gregu refere ba ai todan nebee tau iha karau nia kabaas hodi dada buat ruma hamutuk ho karau seluk. Iha mos versíkulu 30. no aprende hosi Hau. Tanba Hau laran maus no haraik aan; no imi nia klamar sei hetan deskansa. 30Tanba Hau nia servisu fasil, no Hau nia naha kamaan.”
Currently Selected:
Mateus 11: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.