Oseias 3
3
Oseias Hola Fali Ninia Feen
1 Nai hatete mai hau, “Baa, no dala ida tan hadomi feto ida nebee sai ona mane seluk nia doben no halo sala adultériu. Nee hanesan Nai hadomi ema Israel sira, maski sira fila ba maromak sira seluk no gosta dosi ho uvas maran.”#3:1 Karik sira halo dosi nebee halo ho trigu no kahur uvas maran iha laran hodi oferese ba maromak seluk. Haree Jeremias 44:19 no Isaias 16:7. 2Entaun hau hola nia ho osan mutin grama atus ida ualu-nulu no ho trigu boot bidoon ida ho balu.#3:2 Osan mutin sekel 15 no batar boot (cevada) homer 1 ho letek 1 nebee 330L. 3Hau hatete ba nia, “O tenki hela hamutuk ho hau iha loron barak nia laran. O la bele sai feto aat no la bele sai mane seluk nian. No hau sei hela hamutuk ho o.” 4Tanba ema Israel sira sei la iha liurai ka nai ulun ruma iha loron barak nia laran, no sei la iha sakrifísiu ka ai riin lulik, no sei la iha batina saserdote nian, no sei la iha sasaan lulik uma laran nian. 5Hafoin tempu nee, ema Israel sira sei fila fali hodi buka Nai, sira nia Maromak, no David, sira nia liurai. Sira sei mai ho hamtauk ba Nai hodi buka Nai nia laran diak iha tempu ikus.
Copyright Kadi Timor. All rights reserved. Portions of scripture can be used without permission for the promotion of God's glory.