Ester 4
4
Mordekai Husu Ajuda Hosi Ester
1Bainhira Mordekai haree buat hotu nebee akontese, nia lees ninia ropa no hatais hena karoon no hafoer aan ho ahi kdesan. Nia tama ba sidade laran no tanis ho lian makaas no tristi.
2Nia baa too iha liurai nia portaun maibee ema la bele tama liu liurai nia portaun bainhira sira hatais hela hena karoon. 3No iha distritu hotu, iha fatin naran deit nebee ema simu liurai nia mandamentu no ninia orden, ema Judeu sira tanis makaas. Sira jejún, tanis no halo lamentasaun. Ema barak toba iha hena karoon no ahi kdesan.
4Depois Ester nia ajudante feto sira no ninia ministru sira mai no foo hatene ba nia. Liurai feto nee sai tristi tebes. Nia haruka ropa hodi foo hatais ba Mordekai no foti ninia hena karoon, maibee nia la simu ropa nee. 5Depois Ester bolu Hatak, nebee liurai nia ministru ida, nebee liurai hili hodi tau matan ba Ester. Ester haruka nia baa Mordekai hodi hatene problema nee saida no tanba saa mak Mordekai sai hanesan nee. 6Entaun Hatak sai ba Mordekai nebee iha dalan iha sidade, iha liurai nia portaun nia oin. 7Mordekai foo hatene ba Hatak kona ba buat hotu nebee akontese ba nia no osan hira nebee Haman promete atu selu ba liurai nia tezourária hodi halakon ema Judeu sira. 8Mordekai foo kópia ida hosi surat nebee iha orden nebee ema foo sai iha Susan hodi halakon sira. Mordekai haruka Hatak hatudu surat ba Ester, no esplika orden nee ba nia, no haruka nia baa hasoru liurai atu husu favór hosi liurai, no husu liurai hanoin Ester nia povu. 9Depois Hatak mai no konta Mordekai nia liafuan ba Ester. 10Ester koalia ba Hatak no foo orden ba nia atu foo ba Mordekai, 11“Liurai nia atan hotu, no povu hosi liurai nia distritu hotu hatene katak see-see deit, mezmu mane ka feto, nebee tama ba liurai nebee iha pátiu iha laran liu, bainhira liurai la bolu, iha lei ida deit - ema nee sei hetan kastigu mate. Só deit liurai bele lolo ninia rota osan mean ba ema nee, nunee ema nee bele moris hela. Maibee liurai la bolu hau atu tama ba nia durante loron tolu-nulu ona.” 12Nunee sira foo hatene ba Mordekai kona ba Ester nia liafuan.
13Depois Mordekai haruka sira hataan ba Ester, “Keta hanoin katak o rasik bele salva aan iha liurai nia uma, liu fali ema Judeu hotu. 14Tanba sei o nonook iha tempu nee, liberdade no salvasaun sei mai ema Judeu sira hosi fatin seluk, maibee o no o nia aman nia uma kain sei lakon. See mak hatene, karik o tama ba reinu nee tanba tempu ida nee?” 15Depois Ester haruka sira hataan ba Mordekai, 16“Baa, no halibur ema Judeu hotu nebee hela iha Susan, no jejún kona ba hau. La bele haan hemu too loron tolu, loron-kalan. Hau no hau nia ajudante feto sira sei jejún hanesan imi. Nunee hau sei tama ba liurai, maski buat ida nee kontra lei. No se hau mate, nunee hau mate deit.” 17Entaun Mordekai lao ba no halo tuir buat hotu nebee Ester haruka nia halo.
Currently Selected:
Ester 4: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.