Looma 14
14
Kutsuundisa pe mpaangi yaaku
1Taambulee wunde wuri na bubolo mu kanyi, kwahele kusaana ma kakweleele. 2Wamosi wutsima ti, lo diiri kwaandi byobinso ; wakaka bukari na bubolo wukwedya binkoolo. 3Wukoodyaa, yaa kanyaafuna wuri kakoodyaa ko. Wuri kakoodyaa ko, yaa katsuundisa wukoodyaa, bukuri Nzaambi wamutaambula. 4Ye na wuri, mu kutsuundisa kisari kya ŋani ? Kaba wateleme bunu pele wabwa, lo mitariri mfumu yaandi. Ngo sa kaba wateleme, bukuri Mfumu wuri na lutumu mu kumutelemese.
5Mukwongo, wamosi wusoolo kiluumbu ki kabvuri kutya, ti na kiluumbu kyakaka ; wakaka wusoolo kiluumbu ngo kiluumbu ; mpisi muutu wasingimina mu kitsimi kya nde-meene. 6Wunde wukweswaasisa biluumbu, wubiswaasisa mu ntoono Mfumu ; wunde wukwedya, wudya mu ntoono Mfumu, bukuri wubvutulaa matoondo kuri Nzaambi ; wunde wahele kwedya, wahele kudya mu ntoono Mfumu, na nde se wubvutulaa matoondo kuri Nzaambi. 7Mukwongo, kuri ti mosi ko mu beetu, wuri bumwooyo mu nde-meene, na kuri se ti mosi ko, wufwa mu nde-meene. 8Bukuri, mbuti turi bamwooyo, lo turi bamwooyo mu ntoono Mfumu ; na mbuti tufwiiri, lo mu ntoono Mfumu tufwiila. Ngo ti hayuku turi bamwooyo, ti hayuku turi bafwa, lo turi baatu ba Mfumu. 9Bukuri mu didyo, Kiristo kari kafwiila, na kari wamwooyo; mpisi heki kaba na lutumu, ha yulu bafwa na bamwooyo. 10Ye buri wutsuundisa mpaangi yaaku ? Bunu pele, ye buri wunyaafuna mpaangi yaaku ? Mukwongo, beetu bobanso sa twateleme ha busu bwa mutsuundu wa Nzaambi. 11Bukuri diri dyatinu ti :
« Me nyiri mwooyo, buleele Mfumu :
Maboongo momanso sa matsukumina me,
na ndima dzodzinso, sa dzaha nkeembu kuri Nzaambi. »
12Hango nkuumbu, mpisi muutu mu beetu, sa katambikisa mabuungu ma nde-meene, [kuri Nzaambi].
Yaa bwiisa mpaangi yaaku ko
13Ngo yaa twetsuundusinee beetu na beetu ko ; kasi tumonee dyo mufunu, mu kuhele kusiila mbaasi nkakusulu, bunu pele mu kuhele kumubumisa makya. 14Me nyaari, na nyiri na nsiitu mu Mfumu Yisu, ti kuri kyasumuka mu kyo-meene ko ; ngo muutu habaanaa wusa kitsimi ti, kitotolo ki kyasumuka, lo mu nde kyeki kyasumuka. 15Ngo mbuti mu ntoono ya byandya, mpaangi yaaku wuri na ngebe, lo ye wahele kudyaatila bunu buri ntiilu. Mu ntoono ya byandya, yaa dziimbisa wunde wuri Kiristo wamufwiila ko. 16Kikyo kiri kyakibwete kuri beenu, yaa kiba kitoolo kya nsaanunu kuri bambaasi ko. 17Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi. 18Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.
19Hango nkuumbu, hemese tusakee mamo makiyeengi, na mantuungulu ya beetu na beetu. 20Mu ntoono ya byandya, yaa dzusa kisalu kya Nzaambi ko. Mukwongo, byobinso byatsyeemeke, ngo buri bwabubi kuri muutu mu kudya byandya, mbuti wubumisa mbaasi makya. 21Buri bwabubwete mu kuhele kudya toongo, na kuhele kunwa malu, na kubisa byobinso biri, lo bibwiisiri mpaangi yaaku mu masumu. 22Kebe kanyi diwuri na dyo mu ye-meene, ha busu bwa Nzaambi. Kiminu kuri wunde wahele kubaka kibila, mu ma katambukiri nde-meene. 23Wunde wuri na maketi-keti mu bikadya, lo wuri na kibila, bukuri makayirika, mahele kufumuna mu kanyi. Mpisi mahele kufumuna mu kanyi, lo masumu mari.
Currently Selected:
Looma 14: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024