Looma 13
13
Kutumuma kuri batumi ba nsi
1Mpisi muutu kaba watumuma, kuri batumi babvuriri lutumu. Bukuri kwahele lutumu, mbuti kari lwafumuna kuri Nzaambi ko. Ntumu dzodzinso Nzaambi wadzisuusa. 2Hango wunde wutungukila lutumu, lo telemisi kitaatu kuri lutumu lwa Nzaambi ; na babo bangaa-tungu, sa babwa mu mutsuundu bo-meene. 3Mukwongo, batumi bari ba kumwiinina boomo ko, mbuti mu biyiriki byabibwe, ngo mu biyiriki byabibi. Buri ye tiiri kubata lutumu ko ? Yirika mamabwe, na ye sa wataambula masiiku kuri lutumu ; 4bukuri lwo luri mu kisalu kya Nzaambi, mu ntoono bubwe bwa ye. Mbuti ye wuyirika mamabi, lo bata, bukuri kari kwabuunu ko, lutumu lukwenata mbeesi yayila. Mukwongo, lwo luri mu kisalu kya Nzaambi, lubvutulaa kitete mu nkesi, kuri wunde wuyirika mamabi. 5Hango nkuumbu, diri mufunu mu kutumuma, kari munu mu kubata nkesi ko, ngo mu dyaambu ditariri nsimunu.
6Mu ntoono yiyo se, beenu lukoofutaa mpaku ; bukuri bo se bari mu kisalu kya Nzaambi, na bakaangama mu kisalu kikyo. 7Bvutuleenu kuri bobanso bi bari na miswa : Mpaku kuri wuluyelemini kufuta mpaku ; mukesu kuri wuluyelemini kufuta mukesu ; kibvumi kuri wuluyelemini kubvumina ; lukiinsu kuri wuluyelemini kukiinsa.
Ntiilu mbaasi
8Yaa lweba na bibiimbu bya baatu ko, mbuti ka kya kutilisina beenu na beenu ko, bukuri wutyaanaa mbaasi, wukukisaa mangisi. 9Mukwongo, mangisi mari ti : « Yaa ta kimpala ko, yaa dzusa ko, yaa yiba ko, yaa nyiima ko », na makaka, mari makufuka mu maampu mamama : « Tya mbaasi yaaku, bunu ye-meene. » 10Ntiilu yaa yirikaa mamabi kuri mbaasi ko ; ntiilu ngo nkukusulu mangisi.
Kuba wayirima mu nyisulu Kiristo
11Yaabee kuri ti, ntaangu yimwaatubuka, kyeki kilookolo ki luyelemini kuba naana, bukuri mu lumalu, mvuukulu yeki yibvuriri bebele, na beetu-meene, ti na mu ntaangu yi twasiiri kanyi. 12Butsuku bweki la, bwiisi bweki bebele, mu kukya. Ngo tulooseenu biyiriki bya mampimbisi, na tulwaatee binwaanunu bya buungi. 13Twedyaatilee bunu buyelemini mu nkati mwiini : Kwahele ndiilu ya mawaamba, nkolulu malu, kimpala, buyala, mayumu na musoki, 14ngo lwaateenu Mfumu Yisu Kiristo, na yaa lweyirika matiiri muswiinyi ko, mu kuhele kuyukutisa nyiimunu.
Currently Selected:
Looma 13: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024